Yõaannẽ 4:34 - ꞌBuuk cĩ Thõõth cĩ Nyekuci

³⁴ Nĩngĩtĩ ẽdẽcĩ Yeesu ĩhõõggõ annẽẽkĩ, “ꞌGẽẽn caannĩ ꞌcĩ hadĩmanĩĩ thõõth ꞌcĩ adiim Nyekuci! Baa ĩnõõnnõ ꞌcĩ ĩꞌthõõannaa nganĩĩta nẽ occa hẽdẽcaahi dtiic baa aaꞌnya nẽẽ hidticanõ.

Yõaannẽ 4:34 ပူးပေါင်းရင်းမြစ်များ

Maatteeo 26:39

Ma baa ẽẽjẽk Yeesu ngadiiha hĩdĩhĩdĩĩc, ũũk akat huruꞌnyia nẽ akatĩ hẽbẽrĩ looc nẽ alaõ ĩĩ, “Baaba, má adiimi niina, aꞌnyĩĩk hooppo icci hittihi hĩ nganĩĩt battaala. Nẽ hõllõngaa hĩcĩ hadiimi naana, aꞌnyĩĩk haau hĩcĩ adiimi niina.”

Maatteeo 3:15

Ẽdẽcĩ hinnia Yeesu ĩnõõnnõ anneek, “Aꞌnyĩĩk nõõ haau hĩ ꞌyioko ho, hátĩ hĩdĩmanit thooꞌthiok vẽlẽk ꞌcĩg adiimmeet Nyekuci ngagĩĩt hidticanit.” Nĩngĩtĩ ẽlẽmmĩ Yõaannẽ ngaatĩ aggamẽẽkĩ ĩnõõnnõ baattithimo.

Maatteeo 9:19

Nĩngĩtĩ ĩꞌngaannĩ Yeesu hĩ nuyyiook cĩgĩnnĩg nẽ ookorit hĩ eet tĩho.

ꞌLuuka 15:10

Haduhaakuunga, ꞌgõõlaa ꞌcĩ aaĩ hoti, atalĩ hatĩ aajĩlẽẽta cĩg Nyekuci, hĩnĩngĩtĩ ꞌthẽccannioohit hõdẽẽthõng ꞌcĩ ũtũngeek ꞌgõõl cĩ ꞌthẽccaneetu.”

ꞌLuuka 19:10

Baa hakuu naa Ngeertĩ Eeto hikia hidiima nẽ hẽẽla eet ꞌcĩg iꞌngittõõthĩ.”

ꞌLuuka 2:49

Ẽdẽcĩ hinnia nẽẽ ĩhõõggõ anneek, “Adiimmaangu inni? Hõllõngaa agayyu niig ngaatĩ adiim haayyi naa ꞌcieethaa cĩ Baaba?”

Yõaannẽ 17:4

Baa haꞌnyahaahii naa nganiit bulẽẽnĩt loota nĩnga, ngaatĩ hẽdẽcaakĩ dtiic baa aaꞌnyaa nii hidticanõ.

Yõaannẽ 19:28

Ma baa urutaa ꞌcĩ agaĩ Yeesu ngaatĩ ẽdẽcaahĩ dtiic vẽlẽk, hátĩ hikia thõõth baa eheeddi ꞌBuuhaa cĩ Nyekuci hĩĩ dĩdĩ, ikia õthõõth nẽẽ ĩĩ, “Aamma kõrra.”

Yõaannẽ 19:30

Ma baa ũcũũcũ Yeesu viino nicci, ikia õthõõth nẽẽ ĩĩ, “Edeccia dtiici vẽlẽk!” Nĩngĩtĩ aggiingi õõ cĩnnĩ nẽ adaaha.

Yõaannẽ 4:32

Ẽdẽcĩ Yeesu ĩhõõggõ anneek, “Haꞌnyahi naa ꞌgẽẽn umwa ꞌcĩ hadahi ꞌcĩ erekuung ngagiita.”

Yõaannẽ 5:30

“Aitiõõ thõõth ꞌcĩ hadĩmani naa ẽmmẽn tõõ, hetteedi naa thõõth hĩcĩ hathihi hĩ Baaba nẽ thõõth ꞌcĩ hetteedi naa ho, ĩĩn dĩdĩ, hĩnĩngĩtĩ hõllõngaa hadiimi naa hadihithi ẽlẽ caannĩ, hadiimi hadihithi naa Baaba, baa ĩꞌthõõannaa nganĩĩta.

Yõaannẽ 5:36

“Haꞌnyahi naa thooꞌthiok ũgĩ ꞌcĩg aaddi ĩllõõan baag Yõaannẽ. Nẽ dtiici baa aaꞌnya nganĩĩt Baaba hẽdẽcaak hĩcĩ hadĩmani ꞌyioko ho, ẽtẽrꞌtha aĩ, ĩꞌthõõannaa nẽẽ nganĩĩta.

Yõaannẽ 6:33

Nẽ ũbũnĩ ꞌcĩ aaꞌnyĩk Nyekuci eet ko, ĩnõõnnõ ꞌcĩ alluuccia hẽẽtahujjieen hikia haaꞌnyĩk eet cĩg looc nicci rũgẽt.”

Yõaannẽ 6:38

Hĩnĩngĩtĩ baa hõllõngaa halluuccia naa hẽẽtahujjieen hikia hĩdĩman tabiinit caannĩ, nẽẽthĩ, baa hakuu naa hikia hĩdĩman tabiinit cĩ eet baa ĩꞌthõõannaa nganĩĩta.

Yõaannẽ 8:29

Harũmeenna naag hĩ eet baa ĩꞌthõõannaa nganĩĩta, nga hũtũngeeha nẽẽ nganĩĩt ẽmmẽn, hĩnĩngĩtĩ hadĩmani naa hõdõõkõthĩ thõõth ꞌcĩ accamana nẽẽnĩ.”

Dtiicanĩ cĩg ꞌThooyyiahu 20:35

Hẽlẽggẽẽnnĩ vẽlẽk ĩcĩg hadticani naana, heterethuung naa ngagiit idticattõ gẽrrẽẽt, hátĩ eelit eet ꞌcĩg appĩĩrna. Ummuhuttooth thooꞌthiok baag aduha Makayyioohiti Yeesu aĩ, ‘Aku ꞌgattanĩ ꞌcĩ maka hatĩ haaꞌnyĩk naag eet umwa eliinit, hĩllõõan ngaatĩ aaꞌnyĩhoothĩkeet ngagĩĩta.’ ”

Ebereei 12:2

Hakatti naag Yeesu hẽbẽrĩ, ĩnõõnnõ ꞌcĩ uwwatteekeet ngagĩĩt nẽ aaꞌnyĩk lemiinit cĩnaac hũttũbanoothĩk. Hĩnĩngĩtĩ taliinit ꞌcĩ ẽrẽ ĩnõõnnõ, ikia ẽtẽmẽẽth nẽẽ ngaaoni cĩ hurucceeo. Nẽ ꞌyioko, iccioloongan nẽẽ ĩĩcĩ aꞌthiit cobbi cĩ Nyekuci dtaabawaa cĩ bulẽẽttõ.