Yõaannẽ 4:31 - ꞌBuuk cĩ Thõõth cĩ Nyekuci

³¹ Ma baa nga ovvooyyia eeta ꞌgõõla, iita othooꞌthik nuyyiooha cĩgĩnnĩg ĩnõõnnõ ĩĩttĩk, “ꞌLimmannioohit, daak ꞌgẽẽn umwa ꞌcĩ abadtẽc.”

Yõaannẽ 4:31 ပူးပေါင်းရင်းမြစ်များ

Yõaannẽ 1:38

Ma baa abbuudi Yeesu ho, adtuuha hinnia nuyyiook ꞌcĩg ĩĩn ꞌramma ho ngaatĩ anũĩ ĩnõõnnõ, nĩngĩtĩ ajini ĩhõõggõ annẽẽkĩ, “Anũyyiaangu inni?” Ẽdẽcĩ nẽẽg Yeesu anneek, “Rabbi, nĩngĩtĩ aayyi nii ho inoo?” Aĩ thõõth ꞌcĩ aĩ “Rabbi” ho Ebereeiyyi, “ꞌLimmannioohit.”

ꞌThianaattõ 24:33

Ma baa aꞌnyahaak eeta dticciannioohit nicci ꞌgẽẽn ko, õthõõth hinnia nẽẽ aĩ, “Hõllõngaa occa haduhi, ĩꞌnya nõõ huduhaahuung thõõth ꞌcĩ hatĩ hakuuni ngaati ho.” Ma ho, ẽdẽc Labanĩ ĩnõõnnõ ĩĩnnĩk, “Thõõthõ.”

Maatteeo 23:7

Accamana nẽẽg ngaatĩ ĩꞌthaaĩ eeta ĩhõõggõ ꞌcuuha annẽẽkĩ, ‘ꞌLimmanniook.’

Maatteeo 23:8

“Occa hõllõngaa anneekuung eeta, ‘ꞌLimmannioohit,’ hĩnĩngĩtĩ aꞌnyaku niig ꞌlimmannioohit hõdẽẽthõng nẽ aduhoonnu niig vẽlẽk iiginnu ꞌgõtõn hĩ ngõnat.

Maatteeo 26:25

Nĩngĩtĩ ẽdẽcĩ ꞌJuuda ꞌcĩ hatĩ õkõ õhõppõõcan ĩnõõnnõ ho aĩnnĩ, “Nganĩĩt occa ꞌlimmannioohit?” Ẽdẽcĩ Yeesu aĩ, “Eei nganiit ꞌthẽk!”

Maatteeo 26:49

Nĩngĩtĩ aku athũkcõõthĩkĩ ꞌJuuda Yeesu cũrũmũũm nẽ ũũk ĩĩnnĩk, “Hiꞌthaayyiina ꞌlimmannioohit!” Nĩngĩtĩ ĩꞌthaaĩ ĩnõõnnõ.

Maarko 9:5

Nĩngĩtĩ õthõõthĩkĩ Pẽẽtũrũ Yeesu annẽẽkĩ, “ꞌLimmannioohit, ẽllẽẽmĩth gẽrrẽẽt ngaatĩ haattiyyi naag vẽlẽk ngaati, hẽtẽhẽnyta da tuggẽẽt iyyio, cunni hõdẽĩ, hĩ cĩ Mũũꞌtha nẽ ĩĩ hõdẽĩ cĩ Eliijja.”

Maarko 11:21

Ĩko nẽẽ nga ammuhoothi Pẽẽtũrũ thõõth baa accĩĩnĩ Yeesu ꞌmũũnĩc, nĩngĩtĩ aduhaakĩ Pẽẽtũrũ Yeesu annẽẽkĩ, “Cĩĩn nõõ ꞌlimmannioohit, ꞌmũũnĩc baa acciinni nii ciee õdõhõk kak ko!”

Maarko 14:45

Ma hĩdĩĩkoothong, uppwaanna ꞌJuuda Ithkarioote nẽ edeceek cũrũmũũm hũũk hĩĩnnĩk Yeesu, “ꞌLimmannioohit!” Nĩngĩtĩ ĩꞌthaaĩ ĩnõõnnõ.

Yõaannẽ 1:49

Nĩngĩtĩ õthõõthĩ Nathaniele aĩnnĩ, “ꞌLimmannioohit! Ĩĩnĩ nii Ngeertĩ Nyekuci, habu cĩ Ĩꞌthĩraẽlĩ!”

Yõaannẽ 3:2

Ma kõr umwa baal, ũũk ũmmũdoothĩk nẽẽ Yeesu nẽ ĩĩnnĩk, “ꞌLimmannioohit, hagayya naag ĩĩnĩ nii ꞌlimmannioohit ꞌcĩ ĩꞌthõõannii Nyekuci, aĩ ijjia ꞌlimmaneet ngagĩĩta. Aitiõõ ẽẽtĩ ꞌcĩ occa adĩman thooꞌthiok ꞌcĩg ĩnaat eeta ho, hatĩ aitiõõ Nyekuci hĩ ĩnõõnnõ tõõ.”

Yõaannẽ 3:26

Ma ho, iita õõt nuyyiooha niccieeg hĩ Yõaannẽ nẽ ijinit ĩnõõnnõ ĩĩttĩk, “ꞌLimmannioohit, aggameek ẽẽtĩ baa arũmeennu hĩ nganiit ĩĩcĩ baakĩt cĩ hidioo cĩ ꞌJõrdanĩ buúk eet baattithimo nẽ õõt eeta vẽlẽk hĩ ĩnõõnnõ.”

Yõaannẽ 4:30

Nĩngĩtĩ allũnganiini eeta vẽlẽk ꞌtaaũnaa tĩho õõ acĩnĩ Yeesu.

Yõaannẽ 4:32

Ẽdẽcĩ Yeesu ĩhõõggõ anneek, “Haꞌnyahi naa ꞌgẽẽn umwa ꞌcĩ hadahi ꞌcĩ erekuung ngagiita.”

Yõaannẽ 6:25

Ma baa õõ ammũda nẽẽg Yeesu baakĩtaa cĩ bũlũcõ ho, õõt ijinit ĩnõõnnõ ĩĩttĩk, “ꞌLimmannioohit, õdõlanĩ nii ngaati nĩngaan?”

Yõaannẽ 9:2

Ma nĩngaata, ijinit nuyyiooha cĩgĩnnĩg ĩnõõnnõ ĩĩttĩk, “ꞌLimmannioohit, inni baa hittirria ẽẽtĩ ciee hĩĩ ruben ko? Ẽꞌthẽcan nẽẽnĩ, hode ẽꞌthẽcan maaꞌnyia hĩ aattĩnnĩ?”

Yõaannẽ 11:8

Ẽdẽcĩ nuyyiooha cĩgĩnnĩg ĩnõõnnõ anneek, “ꞌLimmannioohit, iyyia nõõ atab õhõdaanni eeta cĩg ꞌJudeei nganiit biyyiẽẽnĩ aa ꞌyiohoothong nẽ ꞌyioko idiim obodoothu ĩĩca tarĩ?”