Yõaannẽ 4:3 - ꞌBuuk cĩ Thõõth cĩ Nyekuci

³ Ma baa athĩhĩ Makayyioohiti thõõth icci ho, ikia ũtũngeek nẽẽ looc cĩ ꞌJudeea nẽ õbõdõõthĩ ũũk ĩĩcĩ looc cĩ ꞌGalileea.

Yõaannẽ 4:3 ပူးပေါင်းရင်းမြစ်များ

Maatteeo 10:23

Ma adĩmannuung eeta ꞌbuth ngaamwaanĩ, ũtũngteek nĩngĩtĩho nẽ ivvirru oottu ngaatĩ ꞌrĩĩng. Haduhaakuunga, hõllõngaa hatĩ ẽdẽcaaku ngaatĩ ooyyu ꞌtaaũnnioohĩĩ cĩg Ĩꞌthĩraẽlĩ vẽlẽk, õõaa ꞌcĩ nga hikiaaĩ Ngeertĩ Eeto.

Maarko 3:7

Ma baa õõt Yeesu hĩ nuyyiook cĩgĩnnĩg ĩĩcĩ bũlũcõ, ikia ũnũ lothippiti ꞌcĩ maka ꞌcĩ aku ꞌGalileea ĩnõõnnõ.

ꞌLuuka 17:11

Ma ho, ĩtĩnga Yeesu ũũk ĩĩcĩ ꞌJeruꞌthalẽmĩ, ẽdẽcĩ lõkõõrĩ cĩ Thamaria hĩ ꞌGalileea.

Yõaannẽ 1:43

Ma loohoth cĩnnĩ, ĩtĩnga Yeesu ũũk ĩĩcĩ ꞌGalileea. Ma baa ommottio hĩ Pilippo, uduhaak ĩnõõnnõ ĩĩnnĩk, “Ijjia nũaa nganĩĩta.”

Yõaannẽ 10:40

Ma ho, abaahĩ Yeesu hidioo cĩ ꞌJõrdanĩ baakĩta, ngaatĩ baa aggamẽẽkĩ Yõaannẽ eet baattithimo baa waathinnioohĩĩ ꞌcĩg oou.

Yõaannẽ 11:54

Hĩnĩngĩtĩ thooꞌthiok iccig, iittiõõ Yeesu hõllõngaa õvvõ lothippitaa cĩ ꞌJudeei. Baa nẽ ikia ũũk nẽẽ ĩĩcĩ looc umwa ꞌcĩ õbõhõõ hĩ horu ꞌcĩ õdõhõhĩĩ kak, ĩĩcĩ õlõ umwa ꞌcĩ haĩ Evaraim, ngaatĩ baa õõ aattiyyi hĩ nuyyiook cĩgĩnnĩg.

Yõaannẽ 2:11

Thõõth ꞌcĩ baa adtican Yeesu ĩĩcĩ oou, ꞌcĩ ĩnaat eeta ho cieeni. Baa adtican nẽẽ thõõth icci, õlõõ cĩ Kana, looccaa cĩ ꞌGalileea. Ikia ẽtẽrẽtha Yeesu bulẽẽnĩt cĩnnĩ õlõõ nĩĩca nẽ iita elemit nuyyiooha cĩgĩnnĩg ĩnõõnnõ, hĩnĩngĩtĩ thõõth icci.

Yõaannẽ 3:22

Ma urutaa ĩĩcĩ, ĩtĩngaacõ Yeesu hĩ nuyyiook cĩgĩnnĩg õõt ĩĩcĩ looc cĩ ꞌJudeea, ngaatĩ baa õõ aattiyyi nẽẽg waathinniook ũgĩ nẽ õõt aggamteek eet baattithimo.

Yõaannẽ 3:32

Õthõõth nẽẽ thõõth ꞌcĩ baa ĩcĩn nẽẽ nẽ ĩthĩha. Nẽẽthĩ hinnia, aitiõõ ẽẽtĩ ꞌcĩ ẽlẽmĩ thõõth cĩnnĩ ho tõõ.

Yõaannẽ 4:47

Ma baa athĩhĩ nẽẽ aĩ õbõda Yeesu looccaa cĩ ꞌGalileea aku ĩĩcĩ ꞌJudeea ho, ikia ala nẽẽ ĩnõõnnõ, hátĩ haaꞌnyĩk ngeerĩnĩ ꞌcĩ baa õbõhĩ adaak hũbũna.

Yõaannẽ 7:1

Ma urutaa cĩ, ikia ũũk Yeesu ꞌGalileea. Baa alĩĩt nẽẽ looc cĩ ꞌJudeea, hĩnĩngĩtĩ baa adiim aruk makayyiooha cĩg ꞌJudeei ĩnõõnnõ thõng.