Yõaannẽ 4:23 - ꞌBuuk cĩ Thõõth cĩ Nyekuci

²³ Aaĩ hatĩ kõrra nẽ ikia ẽlẽk, ꞌcĩ hatĩ aaꞌnyĩkĩ Lorii ꞌcĩ Ẽllẽẽmĩth eet halaacõ Baaba ꞌgõõlaa ꞌcĩ ĩĩn dĩdĩ, hĩnĩngĩtĩ ĩĩn nẽẽg eet cĩg adiim Baaba halaacõ ĩnõõnnõ ꞌgõõla nĩĩca.

Yõaannẽ 4:23 ပူးပေါင်းရင်းမြစ်များ

Yõaannẽ 1:17

Baa aaꞌnyĩk Nyekuci eet nyattal cĩnnĩ, eetaa ꞌcĩ haĩ Mũũꞌtha, nẽ ikia bũnnai hĩ thõõth ꞌcĩ ĩĩn dĩdĩ hĩ Yeesu Krĩstõ.

Yõaannẽ 12:23

Nĩngĩtĩ ẽdẽcĩ Yeesu ĩhõõggõ annẽẽkĩ, “Õdõlan kõrra ꞌcĩ occa edeeꞌnyianĩ bulẽẽnĩtĩ cĩ Ngeertĩ Eeto.

Yõaannẽ 16:2

Iiggiaeekuung hatĩ eeta ngagiit ꞌCieethaa cĩ Laiitto battaala. Nẽ dĩdĩ, aku hatĩ kõrra ꞌcĩ arukuung ẽẽtĩ umwaa ngagiita nẽ ummuk ĩĩ hadticanoothihi Nyekuc.

Yõaannẽ 16:32

Nẽẽthĩ, aku hatĩ kõrra nẽ ikia ẽlẽk, ꞌcĩ hatĩ ĩꞌthaaninnu niig õõt olooyyiohĩĩ cugguung hõdẽĩ hõdẽĩ. Ũũnnĩkaangu hatĩ niig nganĩĩt ẽmmẽn. Nẽẽthĩ, hõllõngaa hatĩ haaĩ naa ẽmmẽn, hĩnĩngĩtĩ aaĩ Baaba caannĩ hĩ nganĩĩta.

Yõaannẽ 4:21

Ẽdẽcĩ Yeesu ĩnõõnnõ anneek, “Lẽẽm thõõth caannĩ ngaa cieeni, aaĩ hatĩ kõrra ꞌcĩ hõllõngaa alayyu niig Baaba ngaati, hode ꞌJeruꞌthalẽma.

Yõaannẽ 5:25

“Haduhaakuung dĩdĩ, õbõhĩ kõrra nẽ ꞌyioko ikia ẽlẽk, ꞌcĩ hatĩ athĩknĩ eeta ꞌcĩg adaahito molook cĩ Ngeertĩ Nyekuci. Nẽ eeta ꞌcĩg hatĩ athĩhĩ molook tĩho, arũgĩ hatĩnĩ.

Yõaannẽ 5:28

“Ma hakuleeku ꞌjieen, hĩnĩngĩtĩ thõõth icci! Aku hatĩ kõrra ꞌcĩ athĩknĩ eeta ꞌcĩg adaahito vẽlẽk molook cĩnnĩ,

ꞌRooma 1:9

Ĩĩn Nyekuci ꞌcĩ hadticanoothihi naa ꞌthĩnĩtaa caannĩ vẽlẽk, hirrioonĩk eet nyeemuut ꞌcĩ abũnnaa cĩ Ngeerĩnĩ ho, hebereec caannĩ ꞌcĩ aga ꞌgõõl ꞌcĩ hammuhaannuung naa ngagiit hõdõõkõthĩ

ꞌRooma 8:15

Aitiõõ Lorii cĩ Nyekuci hõllõngaa aaꞌnyeet ngagĩĩt hĩĩtõ appahacaaꞌnya ꞌcĩg hiꞌngolli Nyekuc. Nẽẽthĩ hinnia, hiita hĩĩtõ naag lõhõlĩ cĩgĩnnĩg nẽ hũtũvvẽẽcõ ĩnõõnnõ hĩĩttĩk Baangeet cĩnaac.

ꞌRooma 8:26

Nẽ ꞌgõõlaa ĩcĩ dioo, eelleet Lorii ngagĩĩt hittiranit. Hõllõngaa haga naag ꞌgii ꞌcĩ hala ho, nẽẽthĩ hinnianĩ, alaiinneet Lorii nẽẽ dẽẽdẽ, guraanaa ꞌcĩ occa hõllõngaa haduha utugeetini.

ꞌGalaaꞌthia 4:6

Nẽẽthĩ, hĩnĩngĩtĩ hĩĩtõ naag lõhõlĩ cĩgĩnnĩg, ikia ĩꞌthõõa Nyekuci Lori cĩ Ngeerĩnĩ, hikia haau ꞌthinneetinii cĩggaac. Nẽ aduhaakeet Lorii cĩnnĩ anneekeet, “Ĩĩn Nyekuci Baangeet.”

Eevvetho 6:18

Nẽ alayyio hõdõõkõthĩ hĩcĩ etereꞌthuung Lorii ꞌcĩ Ẽllẽẽmĩthĩ. Aaut dĩkĩĩm nẽ alayyiooyyu lemmiook vẽlẽk.

Pilippi 3:3

Hĩnĩngĩtĩ ngagĩĩt dẽẽdẽ ꞌcĩg halayyi Loriiaa cĩ Nyekuci ꞌcĩg etteeddi ꞌthinneeti Loriia dĩdĩ. Hirrianĩ naag thooꞌthiok baag ĩdĩmaneeheet Yeesu Krĩstõ ngagĩĩt ẽlẽk. Hõllõngaa hirrian, hĩnĩngĩtĩ hẽlẽggĩ ꞌcĩg hĩdĩmanit naaga,

1 Pẽẽtũrũ 2:9

Nẽ ĩĩgĩnnu niig eet ꞌcĩg eberriaau iittu paadĩrꞌnya cĩg habuuak, cĩg looc ꞌcĩ ẽllẽẽmĩthĩ nẽ tarĩ, iittu eet cĩg Nyekuci, hátĩ illimatteek eet dĩhĩthẽẽnĩt cĩ eet baa avvaannuung ngagiit muguuratõõ iita lanyitaa cĩnnĩ ĩcĩ ĩllõõanĩ.