Yõaannẽ 4:14 - ꞌBuuk cĩ Thõõth cĩ Nyekuci

¹⁴ Nẽ ẽẽtĩ ꞌcĩ haaꞌnyihi naa maam cĩgannĩg, aitiõõ hatĩ hõllõngaa aam ĩnõõnnõ kõrra tarĩ ũdũt. Aattĩg maama cĩgannĩg ko hĩ maama ꞌcĩg ariha ũꞌngeecaa cĩ hidiowwo nẽ aaꞌnyĩk eet rũgẽt ꞌcĩ aalla ooo.”

Yõaannẽ 4:14 ပူးပေါင်းရင်းမြစ်များ

Maatteeo 25:46

“Nẽ hatĩ õõt nẽẽg ukẽẽttaa cĩ ꞌgwoo ꞌcĩ aalla ooo, nẽẽthĩ, eeta ꞌcĩg abũnnaa, õõ hatĩ nẽẽg rũgẽtaa ꞌcĩ aalla ooo.”

Maatteeo 5:6

ꞌGattan hĩ eet ꞌcĩg adak magĩthĩ nẽ aam kõrra ꞌcĩ anũĩ thõõth ꞌcĩ aũlanĩ. Aaꞌnyĩhoothĩk hatĩ ĩhõõggõ ꞌgii ꞌcĩ adiim nẽẽgĩ!

Yõaannẽ 10:10

“Dtiic cĩ igorriaaktõ dioo ꞌcĩ aku ĩgõrꞌthĩ aꞌtha nẽ ucuhana nẽ ĩꞌthaan thõng. Nẽẽthĩ, dtiic caannĩ ꞌcĩ hakuu haaꞌnyĩkĩĩ aꞌtha rũgẽt vẽlẽk ꞌcĩ aalla ooo.

Yõaannẽ 11:26

Nẽ ẽẽtĩ ꞌcĩ arũgĩ, hĩnĩngĩtĩ ẽlẽmĩ thõõth caannĩ, hõllõngaa hatĩ adaahĩ ũdũt. Elemi nii thõõth icci?”

Yõaannẽ 4:10

Ẽdẽcĩ Yeesu ĩnõõnnõ anneek, “Má gaa nii ꞌbaaninit ꞌcĩ occa aaꞌnyi Nyekuci nẽ agau eet iina ꞌcĩ alayyi nganiit maam ko, occa ꞌyioko alau ĩnõõnnõ haaꞌnyi maam ꞌcĩg rũgẽtaak.”

Yõaannẽ 4:11

Ẽdẽcĩ ngaa nicciee Yeesu anneek, “Ẽẽtĩ cieeni, aitioonni nõõ uhucu ꞌcĩ adtĩĩlanĩ maam tõõ nẽ uuthik wĩĩtanẽẽcĩ thõng buúk, attiha occa hatĩ maam ꞌcĩg aaꞌnya rũgẽt ko ngaana?

Yõaannẽ 4:13

Ẽdẽcĩ Yeesu anneek, “Má ahũd eeta maam cugguung ko, aalla nga aam ĩhõõggõ kõrra noho.

Yõaannẽ 4:36

Tananga ꞌyioko, ummuddia janniooha ꞌbaaninit cĩnĩĩng ẽlẽk, ngaatĩ ajanaanĩ ꞌgẽẽn ꞌcĩ aꞌnyaha rũgẽt ꞌcĩ aalla ooo. Nẽẽthĩ, eeta vẽlẽk baag athacĩ hinyomo hĩ ꞌcĩg ajana ꞌgẽẽn, au hatĩ accamanoothĩk nẽẽg vẽlẽk hõdẽĩ.

Yõaannẽ 6:27

Ma harrĩcanaannu dtiic, hĩnĩngĩtĩ ꞌgẽẽn ꞌcĩ ugguba, nẽẽthĩ, ĩrrĩcatta dtiic ꞌcĩ aꞌnyak rũgẽt ꞌcĩ aalla ũdũt, ꞌcĩ hatĩ aaꞌnyuung Ngeertĩ Eeto ngagiita. Baa aaꞌnyĩk Maaꞌnyia Nyekuci ĩnõõnnõ ꞌtirrian ꞌcĩ adĩmanĩ thooꞌthiok ꞌcĩg ĩnaat eeta.”

Yõaannẽ 6:35

Ma ho, ẽdẽc Yeesu ĩĩ, “Hĩĩnĩ naa ũbũnĩ cĩ rũgẽtõ! Ẽẽtĩ ꞌcĩ aku hĩ nganĩĩta, aitiõõ hatĩ hõllõngaa adak ĩnõõnnõ magĩthĩ nẽ ẽẽtĩ ꞌcĩ ẽlẽmma nganĩĩta, hõllõngaa hatĩ aam kõrra.

Yõaannẽ 6:58

Ũbũnĩ baa aku hẽẽtahujjieen cieeni. Baa aduk hĩbaangĩ cugguung manna nẽ aalla adaahĩ noho, nẽẽthĩ, ẽẽtĩ ꞌcĩ aduk ũbũnĩ icci, arũgĩ hatĩ nẽẽ ũdũt.”

Yõaannẽ 7:37

Ma baa kõr ꞌcĩ edecciaaĩ Karrama, ikia ĩtĩnga Yeesu nẽ irrioon moloohaa cobbi ĩĩ, “Má aam eet umwa kõrra, aꞌnyĩĩk hikia hĩ nganĩĩt haaꞌnyĩk maam hũhũdĩ!

ꞌRooma 5:21

Baa aggam ꞌthẽccanĩ eet, hĩnĩngĩtĩ daahĩth. Nẽẽthĩ ꞌyioko, aggam tarbalꞌthẽẽt cĩ Nyekuci eet nẽ elemeet Nyekuci ngagĩĩt, hĩnĩngĩtĩ Yeesu Krĩstõ Makayyioohit cĩnaac. Aĩ thõõth ciee, haꞌnyak hatĩ naag rũgẽt ꞌcĩ aalla ooo.

ꞌRooma 6:23

Hĩnĩngĩtĩ, dũman cĩ ꞌthẽccaanõ daahĩthĩ, nẽẽthĩ, ꞌbaaninit cĩ Nyekuci, rũgẽtĩ ꞌcĩ aalla ooo, hĩ Yeesu Krĩstõ Makayyioohit cĩnaac.

2 Korinthia 1:22

nẽ aaꞌnyeet ngagĩĩt nyamacaar cĩnnĩ ꞌcĩ hĩĩgĩnnĩ naag cĩgĩnnĩg nẽ aarĩkeet Lori ꞌcĩ Ẽllẽẽmĩth ꞌthinneetinii cĩggaac, hẽtẽrẽtha ngaatĩ hĩĩgĩnnĩ naag cĩgĩnnĩg.

Eevvetho 4:30

Nẽ ma haaꞌnyiku Lori ꞌcĩ Ẽllẽẽmĩth cĩ Nyekuci hĩlĩĩlĩ, Lori baa amacaaraniinnu niig, hĩnĩngĩtĩ kõr ꞌcĩ hatĩ ooggiannu ꞌthẽccanẽẽtĩĩ cugguung.

1 Pẽẽtũrũ 1:22

Baa ũtũũnytau niig ꞌthẽccanẽẽt cugguung baa elemmu thõõth ꞌcĩ ĩĩn dĩdĩ, nẽẽthĩ ꞌyioko, ammĩnanoonnu niig dĩdĩ. Nẽ adiim aallattia ĩmmĩnanit eleeti cugguung ꞌthinneetini dĩdĩ.

1 Yõaannẽ 5:20

Hagaacõ naag buúk haĩ, ikia Yeesu Krĩstõ Ngeertĩ Nyekuci nẽ eteretheeheet ngagĩĩt Nyekuc ꞌcĩ ĩĩn dĩdĩ. Nẽ haattĩg naag hĩ ĩnõõnnõ ꞌcĩ ĩĩn dĩdĩ nẽ tarĩ, hũrũmtĩ hĩ Loholeec cĩnnĩ Yeesu Krĩstõ ꞌcĩ ĩĩn Nyekuc dĩdĩ nẽ aaꞌnyeet ngagĩĩt rũgẽt ꞌcĩ aalla ooo.

Terethiinit 7:16

Iittiõõ hatĩ ĩhõõggõ hõllõngaa adak magĩthĩ tarĩ, hode aam kõrra tarĩ. Iittiõõ hatĩ kõrra ꞌcĩ nga atũũth ĩhõõggõ tarĩ tõõ.

Terethiinit 7:17

Hĩnĩngĩtĩ ĩĩ Mĩꞌnyõõn ꞌcĩ abĩlĩ hõrggẽẽnaa cĩ dtaabaõ ho tũhayyioohit cĩnĩĩng. Õkõõĩ hatĩ nẽẽ ĩhõõggõ ngaatĩ aattiyyi maama cĩg rũgẽt ꞌcĩ aalla ooo. Attũmũny hatĩ Nyekuci tilaalõ cĩggĩĩng.”