Yõaannẽ 4:11 - ꞌBuuk cĩ Thõõth cĩ Nyekuci

¹¹ Ẽdẽcĩ ngaa nicciee Yeesu anneek, “Ẽẽtĩ cieeni, aitioonni nõõ uhucu ꞌcĩ adtĩĩlanĩ maam tõõ nẽ uuthik wĩĩtanẽẽcĩ thõng buúk, attiha occa hatĩ maam ꞌcĩg aaꞌnya rũgẽt ko ngaana?

Yõaannẽ 4:11 ပူးပေါင်းရင်းမြစ်များ

Yõaannẽ 3:4

Ma nĩngaata, ijin Nikodemo Yeesu ĩĩnnĩk, “Ĩcca occa gõõng arrittiaa ẽẽtĩ cobbi tarĩ hutuno? Dĩdĩ occa hõllõngaa aduhun nẽẽ hẽẽngatõõ cĩ aattĩnnĩ nẽ ittirria tarĩ!”

Yõaannẽ 4:14

Nẽ ẽẽtĩ ꞌcĩ haaꞌnyihi naa maam cĩgannĩg, aitiõõ hatĩ hõllõngaa aam ĩnõõnnõ kõrra tarĩ ũdũt. Aattĩg maama cĩgannĩg ko hĩ maama ꞌcĩg ariha ũꞌngeecaa cĩ hidiowwo nẽ aaꞌnyĩk eet rũgẽt ꞌcĩ aalla ooo.”

Yõaannẽ 7:37

Ma baa kõr ꞌcĩ edecciaaĩ Karrama, ikia ĩtĩnga Yeesu nẽ irrioon moloohaa cobbi ĩĩ, “Má aam eet umwa kõrra, aꞌnyĩĩk hikia hĩ nganĩĩt haaꞌnyĩk maam hũhũdĩ!

Dtiicanĩ cĩg ꞌThooyyiahu 10:14

Ẽdẽcĩ Pẽẽtũrũ aĩ, “Aitiõõ Makayyioohit! Gõõng nga hadak idiꞌngwa ꞌcĩg ĩĩn ꞌriiring ꞌcĩg hõllõngaa adak eeta.”

1 Korinthia 2:14

Ẽẽtĩ ꞌcĩ hõllõngaa aꞌnyak Lori, hõllõngaa ẽlẽmĩ thooꞌthiok ꞌcĩg au hĩ Lori cĩ Nyekuci, hĩnĩngĩtĩ ĩĩn thooꞌthioha nicciag ꞌgiithẽnĩt hĩ ĩnõõnnõ nẽ hõllõngaa occa athĩhĩ nẽẽ thooꞌthiok tĩko, hĩnĩngĩtĩ athĩhĩ ĩhõõggõ Lorii diooni.

Terethiinit 21:6

Nẽ õthõõthahaa tarĩ ĩnnĩhaa, “Edeccia dtiici! Iꞌthianaanĩ hẽlẽggĩ vẽlẽk hĩ nganĩĩta nẽ adtuurnik hĩ nganĩĩta. Haaꞌnyihi hatĩ naa eet ꞌcĩ aam kõrra hũhũd maam cĩg rũgẽt ꞌcĩ aalla ooo, hõllõngaa ũũta thõng buúk.

Terethiinit 22:1

Ma ho, eteretheeha aajĩlõ hidioo umwa ꞌcĩ ariha maama dtaabawaa ꞌcĩ aayyi Nyekuci hĩ Mĩꞌnyõõn. Lĩĩl ꞌcĩ attalĩth maama nẽ ĩĩtõ tẽllĩg thõng. Ĩĩn maama tĩko maam ꞌcĩg aaꞌnyeet rũgẽt.

Terethiinit 22:17

Nẽ othoothito Lorii ꞌcĩ Ẽllẽẽmĩth hĩ lothippit cĩ lemmioohu ĩĩtõ, “Ijjia!” Aꞌnyĩĩk eet ꞌcĩ athĩhĩ thõõth icci hĩĩ, “Ijjia!” Má atab ẽẽtĩ umwaa maam ꞌcĩg ahũdĩ, aꞌnyĩĩk hũhũd maam ꞌcĩg rũgẽt ꞌcĩ aalla ooo.

Terethiinit 7:17

Hĩnĩngĩtĩ ĩĩ Mĩꞌnyõõn ꞌcĩ abĩlĩ hõrggẽẽnaa cĩ dtaabaõ ho tũhayyioohit cĩnĩĩng. Õkõõĩ hatĩ nẽẽ ĩhõõggõ ngaatĩ aattiyyi maama cĩg rũgẽt ꞌcĩ aalla ooo. Attũmũny hatĩ Nyekuci tilaalõ cĩggĩĩng.”