Yõaannẽ 3:6 - ꞌBuuk cĩ Thõõth cĩ Nyekuci

⁶ Arrita eeta lõhõlĩ cĩggĩĩng, nẽẽthĩ, Lori cĩ Nyekuci diooni ꞌcĩ occa ũũhũyyii nganiit ĩĩ loholeec cĩ Nyekuci.

Yõaannẽ 3:6 ပူးပေါင်းရင်းမြစ်များ

ꞌThianaattõ 5:3

Ma baa õdõlanit irkiꞌnyia cĩg Aadamĩ ĩĩtõ ꞌmiia hõdẽĩ hĩ hẽẽn iyyio (130), ikia ittira loholeec umwa ꞌcĩ aaĩ hĩ nẽẽ dẽẽdẽ nẽ akateek ĩnõõnnõ ꞌthaar ꞌcĩg haĩ Thẽth.

ꞌThianaattõ 6:12

Ma baa udtuuha Nyekuci ngaatĩ ũllũngattĩ ꞌthẽccanẽẽta ꞌcĩg adĩman eeta looc ko,

ꞌThianaattõ 6:5

Baa aga Makayyioohiti ꞌthẽccanẽẽt ꞌcĩg adĩman eeta loota nĩnga vẽlẽk nẽ aga ngaatĩ abaꞌthĩ muhẽẽnĩtĩ vẽlẽk ꞌcĩ aꞌnyak eeta ꞌthinneetinii cĩggĩĩng buúk.

Yõaannẽ 1:13

Baa hõllõngaa ĩĩn nẽẽg lõhõlĩ cĩg Nyekuci hĩgõõng arrita eeta lõhõlĩ cĩggĩĩng, baa Nyekuc ꞌcĩ aaꞌnyĩk ĩhõõggõ hittirria hiita hĩĩtõ lõhõlĩ cĩgĩnnĩg ko.

Yõaannẽ 3:7

Ma hakuleehi ꞌjieen hatĩ hanneekii naa, adiim arrittiaannu niig vẽlẽk tarĩ.

ꞌRooma 7:18

Haga naa aitiõõ ꞌgii ꞌcĩ abũnnaa hĩ nganĩĩt tõõ, hĩnĩngĩtĩ ꞌthẽccan caannĩ. Tananga habũraneehi naa ngaatĩ hadticanĩĩ ꞌgii ꞌcĩ abũnnaa, aalla aꞌnyamannaa ngaatĩ hadticanĩĩ noho.

ꞌRooma 7:25

Ĩlaallẽ hĩ Nyekuc, hĩnĩngĩtĩ Yeesu Krĩstõ Makayyioohit cĩnaac! Nẽẽthĩ hoti ho, hĩĩna naa õõaa caannĩ appahaca cĩ nyattal cĩ Nyekuci, nẽẽthĩ, ẽllaa caannĩ, hĩĩnĩ appahaca cĩ nyattal cĩ ꞌthẽccaanõ.

ꞌRooma 7:5

Hĩnĩngĩtĩ baa nga aggammeet ngagĩĩt thõõth ꞌcĩ habũranẽẽkĩ ꞌthẽccan, baa aaꞌnyeet nyattalĩ hũbũratteek ꞌthẽccan eleetinii cĩggaac ĩcĩg aĩnanaanneet hadaahit.

ꞌRooma 8:13

Má arũgnu niig hĩnĩngĩtĩ ꞌthẽccanẽẽt cugguung, adaaknu hatĩnĩ, nẽẽthĩ, má ũtũngteehu niig ꞌthẽccanẽẽt cĩg ẽllaak ꞌtirriaanaa cĩ Loriio, arũgnu hatĩnĩ,

1 Korinthia 6:17

Nẽẽthĩ, ẽẽtĩ ꞌcĩ arũm ẽlẽ cĩnnĩ hĩ cĩ Makayyiookto, iita ĩĩtõ lorii cĩnnĩ hĩ cĩ Makayyiookto hõdẽẽthõng.

2 Korinthia 5:17

Nẽẽthĩ, má ikia ẽlẽm ẽẽtĩ umwaa Krĩstõ, ikia ũtũhũĩ rũgẽtĩ cĩnnĩ ĩĩ ngeju. Ataarõthĩ nẽẽ thooꞌthiok cĩg rũgẽt cĩnnĩ baa ꞌrẽẽnĩ. Nẽ ammanyanĩ rũgẽtĩ baa ꞌrẽẽnẽẽnĩ nẽ ikia ꞌcĩ ĩĩn ngeju!

ꞌGalaaꞌthia 5:24

Eeta cĩg Yeesu Krĩstõ, ĩĩn eet ꞌcĩg otoddoyyieek thooꞌthiok ꞌcĩg abathĩ ꞌcĩg abũraneek nẽẽg vẽlẽk hurucceea.

Eevvetho 2:3

Baa gõõng haattĩg naag vẽlẽk noho, ngaatĩ hanũĩ hẽlẽggĩ ꞌcĩg abũraneek eleeti cĩggaac. Nẽ hĩnĩngĩtĩ thooꞌthiok baag hadĩman naaga, ikia ĩlĩĩlĩeeheet Nyekuci ngagĩĩt haau hĩcĩ alĩĩllĩk eet vẽlẽk.

Kolooꞌthe 2:11

Baa iitiaau niig hĩ Krĩstõ, iita ũtũngtoothĩk ngagiit ꞌthẽccanẽẽta cugguung buúk, nẽẽthĩ, hõllõngaa ĩĩn ꞌteediniti ciee, ꞌcĩ etteeddiakĩ ẽlẽ cĩ eet ꞌcĩ maacĩ tuua, ĩĩn ꞌteedinit ꞌcĩ ẽttẽẽdĩ Krĩstõ ꞌthẽccanẽẽt eleetinii cugguung.

1 Yõaannẽ 3:9

Hõllõngaa occa aalla adĩman lohollia cĩg Nyekuci ꞌthẽcan. Hĩnĩngĩtĩ aaĩ ꞌtirriani cĩ Nyekuci ꞌcĩ aaꞌnyĩk ĩhõõggõ rũgẽt nẽ aaꞌnyĩk ĩhõõggõ hĩĩtõ lõhõlĩ cĩgĩnnĩg, hátĩ hiittiõõ hõllõngaa ara adĩman ꞌthẽccan.