Yõaannẽ 3:5 - ꞌBuuk cĩ Thõõth cĩ Nyekuci

⁵ Ẽdẽcĩ Yeesu ĩnõõnnõ anneek, “Haduhaakii thõõth dĩdĩ, aitiõõ ẽẽtĩ ꞌcĩ aduhun habuccieet cĩ Nyekuci, hatĩ nga hittirria maamĩ hĩ Loriiaa ꞌcĩ Ẽllẽẽmĩth tõõ.

Yõaannẽ 3:5 ပူးပေါင်းရင်းမြစ်များ

Maatteeo 18:3

Nẽ uduhaak Yeesu ĩhõõggõ ĩĩnnĩk, “Haduhaakuung dĩdĩ, ma hõllõngaa oboddu niig eleeti aaut hĩ lohollia ꞌcĩg hidiciẽẽgĩ, hõllõngaa hatĩ aduhunnu habuccieet cĩ hẽẽtkujjieen.

Maatteeo 19:24

Nẽ tarĩ haduhaakuunga, ammũjĩ ngaatĩ occa adukni nyaakaalĩ hutuli cĩ lĩbbĩraaõ, hĩllõõan ngaatĩ occa adukni ẽẽtĩ ꞌcĩ ĩĩn ballioohit habuccieet cĩ Nyekuci.”

Maatteeo 21:31

“Ma ammuku niig, occa buulenit iina ꞌcĩ athĩhĩ thõõth ꞌcĩ aduhaak maaꞌnyia ho?” Ẽdẽcĩ paadĩrꞌnya ꞌcĩg obbitig hĩ makayyiook cĩg eetuk aĩ, “Buulenit ꞌcĩ oou.” Nĩngĩtĩ aduhaakĩ Yeesu ĩhõõggõ annẽẽkĩ, “Haduhaakuung naa ngagiit thõõth dĩdĩ, aduhun hatĩ eeta ꞌcĩg alũt occoro hĩ ꞌwaaꞌngiak habuccieet cĩ Nyekuci ĩĩcĩ oou hĩ ngagiita!

Maatteeo 28:19

Nẽ ꞌyioko, õõt aanytĩk eet loonyini vẽlẽk hĩĩtõ nuyyiook cĩgannĩg, aggamteek ĩhõõggõ baattithimo ꞌthaarĩĩ cĩg Maacõnĩ hĩ cĩg Ngeerĩnĩ hĩ cĩg Lori ꞌcĩ Ẽllẽẽmĩthĩ,

Maatteeo 3:11

“Haggameekuung naa baattithimo cĩ tũngẽẽnĩt cĩ ꞌthẽccaneetu maamĩ haaga, nẽẽthĩ, aku hatĩ eet umwaa ꞌcĩ ĩllõõannaa nganĩĩta, eet ꞌcĩ aitiõõ naa hõllõngaa hũũppani ngaatĩ hĩĩnnĩ appahaca cĩnnĩ nẽ hitilola caawa cĩgĩnnĩg. Aggameekuung hatĩ nẽẽ ngagiit baattithimo Loriiaa ꞌcĩ Ẽllẽẽmĩthĩ hĩ ꞌgwoyyia.

Maatteeo 5:20

Haduhaakuung dĩdĩ, má ꞌthẽk hõllõngaa anuyyu tilooinit cĩ Nyekuci jurrung ĩllõõanit Variꞌtheei hĩ ꞌlimmanniook cĩg Nyattaalak, hõllõngaa hatĩ aduhunnu habuccieet cĩ hẽẽtkujjieen ũdũt!”

Maarko 10:14

Ma baa õrõõta Yeesu thõõth icci ho, ikia ĩlĩĩlĩ nẽẽ nẽ ĩĩnnĩk nuyyiook, “Aanytĩk lõhõlĩ hiita hĩ nganĩĩta, ma halaammu ĩhõõggõ, hĩnĩngĩtĩ adiim habuccieet cĩ Nyekuci eet ꞌcĩg aattĩg hĩ lohollia cieegi.

Maarko 16:16

Ẽẽtĩ ꞌcĩ ẽlẽmĩ nyeemuut nẽ aggam baattithimo, eelliaa hatĩ nẽẽnĩ, nẽẽthĩ, ẽẽtĩ ꞌcĩ hõllõngaa ẽlẽmĩ, uuki hatĩ nẽẽnĩ.

Maarko 9:47

Má eterꞌtheeki nganiit hẽbẽrẽẽcĩ cunni dĩman ꞌthẽccan, ꞌtõkõcaak tuu, hĩnĩngĩtĩ mẽẽn ngaatĩ adukni habuccieet cĩ Nyekuci hatĩ aꞌnyahi hebereec hõdẽẽthõng hĩllõõan ngaatĩ aꞌnyahĩ hẽbẽrĩ ꞌramma nẽ udhuhoothihuu ꞌgwoyyiaa ꞌcĩ aalla ooo,

ꞌLuuka 13:24

“Haduhaakuung dĩdĩ, ĩrrĩcatta gẽrrẽẽt ngaatĩ aduhunnu hattũũg ꞌcĩ lũdũcĩ, hĩnĩngĩtĩ mẽẽlĩg hatĩ eeta ꞌcĩg attĩman ngaatĩ adukni nẽ aꞌnyaman hatĩnĩ.

ꞌLuuka 13:3

Haduhaakuunga, má hõllõngaa uunniku niig ꞌgõõl cĩ ꞌthẽccanẽẽt cugguung, acuddiaannu hatĩ hĩĩ lõõcĩ ꞌthĩĩ!

ꞌLuuka 13:5

Huduhaahuung dĩdĩ, má hõllõngaa uunniku niig buúk ꞌgõõl cĩ ꞌthẽccanẽẽt cugguung, adaaknu hatĩ niig buúk hĩ nẽẽgĩ.”

Yõaannẽ 1:13

Baa hõllõngaa ĩĩn nẽẽg lõhõlĩ cĩg Nyekuci hĩgõõng arrita eeta lõhõlĩ cĩggĩĩng, baa Nyekuc ꞌcĩ aaꞌnyĩk ĩhõõggõ hittirria hiita hĩĩtõ lõhõlĩ cĩgĩnnĩg ko.

Yõaannẽ 3:3

Ẽdẽcĩ Yeesu Nikodemo anneek, “Haduhaakii dĩdĩ, aitiõõ ẽẽtĩ ꞌcĩ occa aduhun habuccieet cĩ Nyekuci, hatĩ nga hittirria nẽẽ tarĩ tõõ.”

Yõaannẽ 3:4

Ma nĩngaata, ijin Nikodemo Yeesu ĩĩnnĩk, “Ĩcca occa gõõng arrittiaa ẽẽtĩ cobbi tarĩ hutuno? Dĩdĩ occa hõllõngaa aduhun nẽẽ hẽẽngatõõ cĩ aattĩnnĩ nẽ ittirria tarĩ!”

Dtiicanĩ cĩg ꞌThooyyiahu 2:38

Ẽdẽcĩ Pẽẽtũrũ anneek, “Ũtũngteek niig vẽlẽk hõdẽĩ hõdẽĩ ꞌthẽccanẽẽt cugguung nẽ aggamtu baattithimo ꞌthaarĩĩ cĩg Yeesu Krĩstõ, hátĩ hũtũngtoothĩk ꞌthẽccanẽẽta cugguung. Nẽẽthĩ hatĩ aaꞌnyĩhoothĩhuung ꞌbaaniniti cĩ Lori ꞌcĩ Ẽllẽẽmĩthĩ.

Dtiicanĩ cĩg ꞌThooyyiahu 3:19

Ũtũngteek ꞌthẽccanẽẽt nẽ elemtu Nyekuc, hátĩ hũtũngtoothĩk ꞌthẽccanẽẽta, hátĩ haaꞌnyuung Makayyioohiti ꞌyiomman,

ꞌRooma 14:17

Hĩnĩngĩtĩ hõllõngaa ĩĩn habuccieet cĩ Nyekuci cĩ duhẽẽttõ hode cĩ hũdẽẽttõ, nẽẽthĩ, ĩĩn habuccieet ꞌcĩ haaꞌnyĩkĩ Nyekuc haccamanoothĩk nẽ ĩĩ ꞌcĩ haattiyyi ganõõna hĩ ꞌcĩ haattiyyi taliitta dĩdĩ. Aku thõõth ciee vẽlẽk, hĩnĩngĩtĩ Lori ꞌcĩ Ẽllẽẽmĩthĩ.

ꞌRooma 8:2

hĩnĩngĩtĩ aaꞌnyuung hatĩ Lorii ꞌcĩ Ẽllẽẽmĩth ngagiit rũgẽt ꞌcĩ aku hĩ Yeesu Krĩstõ nẽ õõgauung ꞌthẽccaana hĩ daahĩtha.

1 Korinthia 15:50

Hõlõ, hadiimmuung naa ngagiit agaac ĩĩtõ, õꞌngõlĩ hatĩ horumwa eleeti cĩggaac ꞌcĩg ĩĩn ẽlẽ hĩ biyyi ho haaga. Nẽẽthĩ, aĩ thõõth ciee nẽẽ, aitiõõ hatĩ eleeti cĩggaac hõllõngaa õthõl habuccieet cĩ Nyekuci ꞌcĩ aalla ũdũt ko.

1 Korinthia 2:12

Hĩcĩ humuddia naag Lori cĩ Nyekuci, ꞌcĩ hõllõngaa ĩĩn lori cĩ looc nicci, hiita hagaacõ naag hẽlẽggĩ ꞌcĩg ẽllẽẽmĩth gẽrrẽẽt ꞌcĩg aaꞌnyeet Nyekuci haaga.

1 Korinthia 6:11

Baa gõõng aattiyyu niig ũgẽẽgĩ nohota. Nẽẽthĩ ꞌyioko, utuunytuung ngagiit ꞌthaara cĩg Makayyioohit cĩnaac Yeesu Krĩstõ, hĩ ꞌtirrian cĩ Lori cĩ Nyekuci haanytuung ĩĩtõ tẽllĩg nẽ elemuung Nyekuci.

ꞌGalaaꞌthia 6:15

Aitiõõ hõllõngaa aaddi hatĩ etteeddi ẽẽtĩ hode nga hẽttẽẽdĩ, thõõth ꞌcĩ aaddi hĩ Nyekuc diooni, ꞌcĩ occa hĩĩgĩnnĩ naag ngeju.

Eevvetho 5:26

Baa aaꞌnyĩk Krĩstõ lemmiook helleemito ngaatĩ ũũnyĩ ĩhõõggõ maamĩ, ꞌtirriaanaa cĩ thõõth cĩ Nyekuci.

1 Pẽẽtũrũ 1:2

Baa agauung Nyekuci Baangẽẽtĩ ngagiit nẽ ẽbẽraauung baa hũnũũk nẽ aaꞌnyuung Lorii cĩnnĩ ngagiit elleemit. Nẽ hĩnĩngĩtĩ thõõth icci, ĩthĩktu niig ĩnõõnnõ nẽ utuunyuung nẽẽ ngagiit biyyiẽẽtĩĩ cĩg Yeesu Krĩstõ. Aꞌnyĩĩk Nyekuc haaꞌnyuung bũnnai hĩ ganõn ꞌcĩ maka gẽrrẽẽt.

1 Pẽẽtũrũ 3:21

Ĩthakꞌthoothĩk maama cĩg tawaanak ko, baattithimo ꞌcĩ ꞌyioko ẽẽlannuung ngagiit ko. Nẽẽthĩ, ĩllõõan baattithimo tũũnyẽnĩt cĩ ꞌriiring cĩg ẽllaak. Ĩĩn baattithimo ꞌgõõl ꞌcĩ õbõdaanĩ eeta hĩ Nyekuc ꞌthinneetinii ꞌcĩg abũnnaa, hĩnĩngĩtĩ baa ũrũga Yeesu Krĩstõ daahĩtha.

1 Yõaannẽ 2:29

Hĩcĩ haga naag haĩ, adĩman Krĩstõ thõõth ꞌcĩ aũlanĩ, haga naag buúk haĩ ĩĩn eeta vẽlẽk ꞌcĩg adĩman thõõth ꞌcĩ aũlan, lõhõlĩ cĩg Nyekuci.

1 Yõaannẽ 5:1

Ẽẽtĩ ꞌcĩ ẽlẽmĩ ngaatĩ ĩĩnnĩ Yeesu, Krĩstõ, ĩĩn nẽẽ loholeec cĩ Nyekuci nẽ ẽẽtĩ ꞌcĩ ammĩnan Maaꞌnyĩ, ammĩnan nẽẽ ngeerĩnĩ buúk.