Yõaannẽ 3:32 - ꞌBuuk cĩ Thõõth cĩ Nyekuci

³² Õthõõth nẽẽ thõõth ꞌcĩ baa ĩcĩn nẽẽ nẽ ĩthĩha. Nẽẽthĩ hinnia, aitiõõ ẽẽtĩ ꞌcĩ ẽlẽmĩ thõõth cĩnnĩ ho tõõ.

Yõaannẽ 3:32 ပူးပေါင်းရင်းမြစ်များ

Maatteeo 7:8

Hĩnĩngĩtĩ ẽẽtĩ ꞌcĩ ajin ꞌgiimwa, aanytĩhoothĩk hatĩnĩ nẽ ẽẽtĩ ꞌcĩ adiim ꞌgiimwa, ammũda hatĩnĩ nẽ abbuuhothoothĩk hatĩ hattũũg eet ꞌcĩ aruhi.

Yõaannẽ 1:11

Baa aku nẽẽ looccaa cĩnnĩ nẽ hõllõngaa ẽlẽmĩ eeta cĩgĩnnĩg ĩnõõnnõ.

Yõaannẽ 15:15

Iittiõõ naa hõllõngaa hauyyuung ngagiit hanneekuung dticcianniook, hĩnĩngĩtĩ aitiõõ dticciannioohiti hõllõngaa aga dtiic cĩ makayyioohit cĩnnĩ. Nẽẽthĩ ꞌyioko, hutuvvuung naa ngagiit hiinnihuung ꞌgoonoga, hĩnĩngĩtĩ heteretheehuung naa ngagiit hẽlẽggĩ vẽlẽk baag aduhaaka nganĩĩt Baaba.

Yõaannẽ 18:37

Nĩngĩtĩ aĩnnĩ Pĩlaatõ, “Ĩĩnĩ thĩ mĩĩ ꞌthẽk habu!” Ẽdẽcĩ Yeesu anneek, “Ẽbẽaneehi ngaatĩ aĩnnĩ hĩĩnĩ naa habu. Nẽ dĩdĩ, baa harrittia naa, hĩnĩngĩtĩ thõõth icci nẽ baa thõõth icci ꞌcĩ hakuuni naa loota nĩnga ho, hátĩ hĩĩ hebereec cĩ thõõth ꞌcĩ ĩĩn dĩdĩ. Nẽ eeta vẽlẽk ꞌcĩg ammĩnan thõõth ꞌcĩ ĩĩn dĩdĩ, athĩhĩ thõõth caannĩ.”

Yõaannẽ 3:11

Haduhaakii thõõth dĩdĩ, haduhaanna naag thõõth ꞌcĩ hagayyia, hĩnĩngĩtĩ hĩcĩtta hẽbẽrẽẽnnĩĩ cĩggaang. Nẽẽthĩ hinnia, hõllõngaa elemmu thõõth ꞌcĩ haduhaanna naag ko ũdũt.

Yõaannẽ 3:26

Ma ho, iita õõt nuyyiooha niccieeg hĩ Yõaannẽ nẽ ijinit ĩnõõnnõ ĩĩttĩk, “ꞌLimmannioohit, aggameek ẽẽtĩ baa arũmeennu hĩ nganiit ĩĩcĩ baakĩt cĩ hidioo cĩ ꞌJõrdanĩ buúk eet baattithimo nẽ õõt eeta vẽlẽk hĩ ĩnõõnnõ.”

Yõaannẽ 3:33

Aduha ẽẽtĩ ꞌcĩ ẽlẽmĩ thõõth cĩnnĩ aĩ, õthõõth Nyekuci thõõth ꞌcĩ ĩĩn dĩdĩ.

Yõaannẽ 5:20

Hĩnĩngĩtĩ ammĩnan Maaꞌnyia Ngeerĩnĩ nẽ eteretheek ĩnõõnnõ thooꞌthiok vẽlẽk ꞌcĩg adĩman nẽẽnĩ. Nẽ dĩdĩ, eterꞌtheek hatĩ nẽẽ ĩnõõnnõ thooꞌthiok ꞌcĩg obbitig ꞌcĩg abulannuung ngagiit ꞌcĩg ĩllõõan iccig.

Yõaannẽ 8:26

Haꞌnyahi naa thooꞌthiok ꞌcĩg mẽẽlĩg ꞌcĩg occa hetteedikuung ngagiita. Nẽẽthĩ hinnia, ẽẽtĩ baa ĩꞌthõõannaa nganĩĩt ko, ĩĩn eet ꞌcĩ aduha thõõth dĩdĩ nẽ thõõth ꞌcĩ hathĩkna naa hĩ ĩnõõnnõ, haduhaahi eet ꞌcĩg looc nicci.”