Yõaannẽ 3:30 - ꞌBuuk cĩ Thõõth cĩ Nyekuci

³⁰ Yeesu ꞌcĩ hatĩ aku abuli hĩllõõan nẽ hikia hĩĩna naa eet umwa ꞌcĩ hidici haaga.

Yõaannẽ 3:30 ပူးပေါင်းရင်းမြစ်များ

Yõaannẽ 3:29

“Hatĩ aꞌthũwanni loholeec ꞌcĩ ngayyi nyahũũtaawa, atalĩ ꞌgoonnia ngaatĩ aayyi nĩngaata, hátĩ hĩthĩk molook cĩ nyattaraanõ. Ĩnõõ ꞌcĩ haccamanõõthĩkĩĩ naa gẽrrẽẽt ko.

Yõaannẽ 3:31

“Aku Yeesu hẽẽtahujjieen nẽ ĩllõõan eet vẽlẽk. Ĩĩn ẽẽtĩ ꞌcĩ aku loota nĩnga, eet cĩ looc nicci nẽ õthõõth thooꞌthiok cĩg looc nicci. Ĩllõõan ẽẽtĩ ꞌcĩ aku õlõõ cĩ Nyekuci hẽẽtahujjieen eet vẽlẽk.

1 Korinthia 3:5

Nganĩ nooyyia ꞌyioko ꞌthẽk Appoolo? Nẽ nganĩ nooyyia ꞌyioko ꞌthẽk Paaulo? Ĩĩn nẽẽg dticcianniook haaga, ꞌcĩg aaꞌnyuung ngagiit iita aꞌnyahit lemiinit, hĩcĩ baallĩ aaꞌnyĩk Makayyioohiti ĩhõõggõ dtiic hõdẽĩ hõdẽĩ.

Kolooꞌthe 1:18

Ĩĩn Krĩstõ Makayyioohit cĩ lothippit cĩ lemmioohu. Nẽ ĩĩn lothippiti ciee ẽlẽ cĩnnĩ. Atiman nẽẽ ngaatĩ arũgnaanĩ daahĩtha, hátĩ hĩĩ Makayyioohit cĩ eet vẽlẽk hĩ hẽlẽggĩ vẽlẽk.

Terethiinit 11:15

Ma baa adtahĩ aajĩlõ ꞌcĩ ĩĩn tũkĩramma tũũrĩ cĩnnĩ ho, iita awacahit molookwaana ũgẽẽgĩ ꞌcĩg mẽẽlĩg hẽẽtahujjieen ĩĩtõ, “Nẽ ꞌyioko, ikia ĩĩ habuccieet cĩ looc nicci, cĩ Makayyioohit Nyekuc cĩnaac hĩ Krĩstõ cĩnnĩ, aggam hatĩ nẽẽ habuccieet cĩnnĩ irkiꞌnyia hĩ irkiꞌnyia.”