Yõaannẽ 3:2 - ꞌBuuk cĩ Thõõth cĩ Nyekuci

² Ma kõr umwa baal, ũũk ũmmũdoothĩk nẽẽ Yeesu nẽ ĩĩnnĩk, “ꞌLimmannioohit, hagayya naag ĩĩnĩ nii ꞌlimmannioohit ꞌcĩ ĩꞌthõõannii Nyekuci, aĩ ijjia ꞌlimmaneet ngagĩĩta. Aitiõõ ẽẽtĩ ꞌcĩ occa adĩman thooꞌthiok ꞌcĩg ĩnaat eeta ho, hatĩ aitiõõ Nyekuci hĩ ĩnõõnnõ tõõ.”

Yõaannẽ 3:2 ပူးပေါင်းရင်းမြစ်များ

Maatteeo 22:16

Ma ho, ĩꞌthooyyia nẽẽg nuyyiook cĩggĩĩng hõdẽĩ hĩ eet cĩg Ẽrõõdẽ, hiita hĩ ĩnõõnnõ. Iita uduktaak nẽẽg ĩnõõnnõ ĩĩttĩk, “ꞌLimmannioohit, hagayyi naag ĩĩnĩ eet ꞌcĩ abũnnaa nẽ allimani thõõth cĩ Nyekuci ꞌgõõlaa ꞌcĩ ĩĩn dĩdĩ. Acini nii eet vẽlẽk ꞌgõõlaa ꞌcĩ aduhõõ thõng nẽ hagayyia ngaatĩ hõllõngaa ũũhũĩ thõõth ꞌcĩ allimani, hĩnĩngĩtĩ thooꞌthiok ꞌcĩg aduhaaki eeta ꞌcĩg obbitig nganiita.

Maatteeo 23:7

Accamana nẽẽg ngaatĩ ĩꞌthaaĩ eeta ĩhõõggõ ꞌcuuha annẽẽkĩ, ‘ꞌLimmanniook.’

Maatteeo 23:8

“Occa hõllõngaa anneekuung eeta, ‘ꞌLimmannioohit,’ hĩnĩngĩtĩ aꞌnyaku niig ꞌlimmannioohit hõdẽẽthõng nẽ aduhoonnu niig vẽlẽk iiginnu ꞌgõtõn hĩ ngõnat.

Maarko 12:14

Ma ho, ummuddieek nẽẽg Yeesu nẽ ijinit ĩĩttĩk, “ꞌLimmannioohit, hagayyĩa naag aduha nii thõõth ꞌcĩ ĩĩn dĩdĩ nẽ hõllõngaa itieelli thooꞌthiok ꞌcĩg ammuk eeta. Nẽ tarĩ hõllõngaa aallahi makaaꞌthĩt cĩ eetu, nẽẽthĩ, allimani eet thõõth cĩ Nyekuci ꞌcĩ ĩĩn dĩdĩ. Duhaaheet da, abathĩ occa nyattaalaa cĩnaang ngaatĩ hadũmaneeka habu cobbi cĩ ꞌRooma occoro, hode abũnnaa ngaatĩ hadũmaneeka?

Yõaannẽ 1:38

Ma baa abbuudi Yeesu ho, adtuuha hinnia nuyyiook ꞌcĩg ĩĩn ꞌramma ho ngaatĩ anũĩ ĩnõõnnõ, nĩngĩtĩ ajini ĩhõõggõ annẽẽkĩ, “Anũyyiaangu inni?” Ẽdẽcĩ nẽẽg Yeesu anneek, “Rabbi, nĩngĩtĩ aayyi nii ho inoo?” Aĩ thõõth ꞌcĩ aĩ “Rabbi” ho Ebereeiyyi, “ꞌLimmannioohit.”

Yõaannẽ 10:38

Nẽẽthĩ, má hadĩmani naa thooꞌthiok ꞌcĩg adĩman Baaba, tananga hiittiõõ hõllõngaa ẽlẽmmaangu nganĩĩta, elemit ꞌthĩ nẽẽ thooꞌthiok ꞌcĩg ĩnaat eeta ho, hátĩ agaac ĩĩtõ, aaĩ Baaba hĩ nganĩĩta nẽ haau naa hĩ ĩnõõnnõ.”

Yõaannẽ 12:37

Tananga baa ĩdĩman Yeesu thooꞌthiok ꞌcĩg ĩnaat eeta ho hẽbẽrẽẽnnĩĩ cĩggĩĩng ẽlẽk, aalla nga abũrĩ nẽẽg ĩnõõnnõ noho.

Yõaannẽ 14:10

Hõllõngaa elemi nii thõõth ꞌcĩ haini naa, haaĩ naa hĩ Baaba nẽ aau Baaba hĩ nganĩĩta? Nẽ thõõth ꞌcĩ haduha naa ho, hõllõngaa aku õõa caannĩ ẽmmẽn, Baaba ꞌcĩ aaĩ hĩ nganĩĩt ꞌcĩ õthõõth thooꞌthiok iccig ko.

Yõaannẽ 15:24

Ma baa hiittiõõ ngaatĩ hadĩmanĩĩ naa thooꞌthiok ꞌcĩg ĩnaat eeta hõrggẽẽnaa cĩnĩĩng, ꞌcĩg nga hĩdĩman eet umwaa ũdũt ko, occa ꞌyioko nga hagaacõ nẽẽg ꞌthẽccanẽẽt cĩggĩĩng. Nẽẽthĩ ꞌyioko, hĩcĩ ĩcĩnĩt nẽẽg thooꞌthiok ꞌcĩg ĩnaat eeta ho, aalla hinnia nga aaburreeka nẽẽg nganĩĩt hĩ Baaba noho.

Yõaannẽ 2:11

Thõõth ꞌcĩ baa adtican Yeesu ĩĩcĩ oou, ꞌcĩ ĩnaat eeta ho cieeni. Baa adtican nẽẽ thõõth icci, õlõõ cĩ Kana, looccaa cĩ ꞌGalileea. Ikia ẽtẽrẽtha Yeesu bulẽẽnĩt cĩnnĩ õlõõ nĩĩca nẽ iita elemit nuyyiooha cĩgĩnnĩg ĩnõõnnõ, hĩnĩngĩtĩ thõõth icci.

Yõaannẽ 20:16

Nĩngĩtĩ aũyyĩ Yeesu ĩnõõnnõ annẽẽkĩ, “Maria.” Ma ho, ubbuudi nẽẽ nẽ ĩĩnnĩk Yeesu Aramaayyi, “Rabboni!” nĩngĩtĩ aĩ, ꞌLimmannioohit.

Yõaannẽ 3:26

Ma ho, iita õõt nuyyiooha niccieeg hĩ Yõaannẽ nẽ ijinit ĩnõõnnõ ĩĩttĩk, “ꞌLimmannioohit, aggameek ẽẽtĩ baa arũmeennu hĩ nganiit ĩĩcĩ baakĩt cĩ hidioo cĩ ꞌJõrdanĩ buúk eet baattithimo nẽ õõt eeta vẽlẽk hĩ ĩnõõnnõ.”

Yõaannẽ 4:31

Ma baa nga ovvooyyia eeta ꞌgõõla, iita othooꞌthik nuyyiooha cĩgĩnnĩg ĩnõõnnõ ĩĩttĩk, “ꞌLimmannioohit, daak ꞌgẽẽn umwa ꞌcĩ abadtẽc.”

Yõaannẽ 5:36

“Haꞌnyahi naa thooꞌthiok ũgĩ ꞌcĩg aaddi ĩllõõan baag Yõaannẽ. Nẽ dtiici baa aaꞌnya nganĩĩt Baaba hẽdẽcaak hĩcĩ hadĩmani ꞌyioko ho, ẽtẽrꞌtha aĩ, ĩꞌthõõannaa nẽẽ nganĩĩta.

Yõaannẽ 6:2

Baa anũ ĩnõõnnõ lothippiti cobbi gẽrrẽẽt ꞌgõõlaa ꞌcĩ õkõõĩ nẽẽnĩ, hĩnĩngĩtĩ ĩcĩn lothippiti thooꞌthiok ꞌcĩg ĩnaat eeta ꞌcĩg aaꞌnyĩkĩ Yeesu eet ꞌcĩg õmmõõrĩ hũbũttaathõ.

Yõaannẽ 7:31

Baa mẽẽlĩg eeta ꞌcĩg ẽlẽmĩ ĩnõõnnõ lothippitatõõ ꞌCieethaa cĩ Nyekuci. Nĩngĩtĩ aĩnnĩ, “Ma ikia Krĩstõ, ammuku niig aku occa hatĩ adtican thooꞌthiok ꞌcĩg ĩnaat eeta ꞌcĩg ĩllõõan ꞌcĩg adtican ẽẽtĩ cieeni?”

Yõaannẽ 9:16

Nĩngĩtĩ aĩnnĩ Variꞌtheei ũgẽẽgĩ, “Aitiõõ ẽẽtĩ ciee hõllõngaa aku hĩ Nyekuc, hĩnĩngĩtĩ hõllõngaa aꞌthũũnnĩ nẽẽ Kõr cĩ ꞌYiommaanõ.” Baa hinnia õthõõth Variꞌtheei ũgẽẽgĩ aĩ, “Aga gõõng ẽẽtĩ ꞌcĩ ĩĩn ꞌthẽccannioohit ngaatĩ adĩmanĩ thooꞌthiok ꞌcĩg ĩnaat eeta hutuno?” Nĩngĩtĩ eꞌngeriini lothippiti cĩ Variꞌtheei.

Dtiicanĩ cĩg ꞌThooyyiahu 10:38

ꞌgõõl ꞌcĩ aaꞌnyĩkĩ Nyekuci Yeesu cĩ Naaꞌtharẽtĩ Lori ꞌcĩ Ẽllẽẽmĩth hĩ ꞌtirrian hĩ ꞌgõõl ꞌcĩ õvvõõĩ looc vẽlẽk, adticanĩ thooꞌthiok ꞌcĩg abũnnaa, hĩ ngaatĩ ẽẽlanĩ eet ꞌcĩg aggam habuui cĩ loriẽẽt ꞌcĩg abathĩ, hĩnĩngĩtĩ baa aaĩ Nyekuci hĩ ĩnõõnnõ.

Dtiicanĩ cĩg ꞌThooyyiahu 2:22

“Ĩthĩhĩt thooꞌthiok iccig, niig eeta cĩg Ĩꞌthĩraẽlĩ. Baa ĩĩn Yeesu cĩ Naaꞌtharẽtĩ eet ꞌcĩ aku makaaꞌthĩtaa cĩ Nyekuci nẽ aaꞌnyĩk Nyekuci ĩnõõnnõ hidtican thooꞌthiok ꞌcĩg ĩnaat eeta. Nẽ agayyu ꞌthẽk niig vẽlẽk thõõth icci, hĩnĩngĩtĩ baa adtican Yeesu thooꞌthiok iccig hõrggẽẽnaa cunuung.

Pilippi 1:14

Nẽẽthĩ ꞌyioko, hĩnĩngĩtĩ hecebbi naa baabuutha, iita okomit nuyyiook cĩg Makayyiooktak ꞌthinneeti nẽ ĩꞌthĩlanit ngaatĩ irriõõnĩ nyeemuut cĩ Nyekuci.