Yõaannẽ 3:13 - ꞌBuuk cĩ Thõõth cĩ Nyekuci

¹³ Nga hõdõlan ẽẽtĩ umwaa õlõ cĩ Nyekuci hẽẽtahujjieen, nganĩĩt dioo Ngeertĩ Eeto, ꞌcĩ baa halluuccia hakuu loota nĩnga, ꞌcĩ hõdõlana õlõ cĩ Nyekuci.

Yõaannẽ 3:13 ပူးပေါင်းရင်းမြစ်များ

Maatteeo 28:20

õõt illimanit ĩhõõggõ jurrung hĩthĩhĩt thõõth vẽlẽk baa hallimaneekuung naa ngagiita. Nẽ dĩdĩ, harũmĩ hatĩ gõõng naag hĩ ngagiit hõdõõkõthĩ ĩꞌthõng kõr cĩ decciaanĩt cĩ lootu.”

Maatteeo 8:20

Ẽdẽcĩ Yeesu anneek, “Aꞌnyak irrieerrwaana ꞌlõõhĩt nẽ aꞌnyahit hĩbaallĩ ꞌcieethi cĩggĩĩng, nẽẽthĩ aitiõõ Ngeertĩ Eeto nĩngĩtĩ oongiyyi haaga tõõ.”

Yõaannẽ 1:18

Nga hĩcĩn eet umwaa Nyekuc, Ngeerĩnĩ ꞌcĩ odoyyii dioo, ꞌcĩ ĩĩn Nyekuc dĩdĩ nẽ õbõhõõ hĩ Maaꞌnyĩ ꞌcĩ etereꞌtheet ngagĩĩt hagaac Nyekuc.

Yõaannẽ 13:3

Baa aga Yeesu ngaatĩ akuuni nẽẽ hĩ Nyekuc Maaꞌnyĩ nẽ obodoothi hatĩ hĩ ĩnõõnnõ. Aga tarĩ aĩ, baa aaꞌnyĩk Maaꞌnyia ĩnõõnnõ makaaꞌthĩt vẽlẽk.

Yõaannẽ 17:5

Nẽẽthĩ ꞌyioko Baaba, buluthaa nganĩĩt muumaa cunni bulẽẽttaa baa haꞌnyak naag hĩ nganiit, baa nga heteheꞌnyiaa lõõcĩ.

Yõaannẽ 3:12

Má hõllõngaa athĩknaangu niig nganĩĩt hatĩ haduhaakuung thooꞌthiok ꞌcĩg aattĩg loota nĩnga, occa hatĩ elemmu ngaatĩ haduhaakuung thooꞌthiok cĩg õlõ cĩ Nyekuci hutuno?

Yõaannẽ 3:31

“Aku Yeesu hẽẽtahujjieen nẽ ĩllõõan eet vẽlẽk. Ĩĩn ẽẽtĩ ꞌcĩ aku loota nĩnga, eet cĩ looc nicci nẽ õthõõth thooꞌthiok cĩg looc nicci. Ĩllõõan ẽẽtĩ ꞌcĩ aku õlõõ cĩ Nyekuci hẽẽtahujjieen eet vẽlẽk.

Yõaannẽ 6:33

Nẽ ũbũnĩ ꞌcĩ aaꞌnyĩk Nyekuci eet ko, ĩnõõnnõ ꞌcĩ alluuccia hẽẽtahujjieen hikia haaꞌnyĩk eet cĩg looc nicci rũgẽt.”

Yõaannẽ 6:38

Hĩnĩngĩtĩ baa hõllõngaa halluuccia naa hẽẽtahujjieen hikia hĩdĩman tabiinit caannĩ, nẽẽthĩ, baa hakuu naa hikia hĩdĩman tabiinit cĩ eet baa ĩꞌthõõannaa nganĩĩta.

Yõaannẽ 6:42

Nĩngĩtĩ aĩnnĩ nẽẽg, “Hõllõngaa nooyyia Yeesu ngeertĩ Yothebo cieeni, ꞌcĩ haga naag maaꞌnyĩ hĩ aattĩnnĩ? Inni gõõng hĩĩ nẽẽ, ‘Hakuu hẽẽtahujjieen ko’?”

Yõaannẽ 6:46

Nga hĩcĩn eet umwaa Baaba, nẽẽthĩ, eet baa aku hĩ Nyekuc dioo ꞌcĩ ĩcĩn ĩnõõnnõ.

Yõaannẽ 6:51

Hĩĩnĩ naa ũbũnĩ cĩ rũgẽtõ baa alluuccia hẽẽtahujjieen. Eeta ꞌcĩg aduk ũbũnĩ icci, arũgĩ hatĩ nẽẽg ũdũt. Ĩĩn ũbũnĩ ciee ẽlẽ caannĩ ꞌcĩ hatĩ haaꞌnyihi eet cĩg looc nicci, hátĩ hũrũgĩt.”

Yõaannẽ 6:62

Ma hatĩ ꞌyioko icittu Ngeertĩ Eeto ngaatĩ õtõdĩ õkõõĩ hẽẽtahujjieen ĩĩ baa akuuni!

Yõaannẽ 8:42

Nĩngĩtĩ annẽẽkĩ Yeesu eet cĩg ꞌJudeei, “Má baa hĩĩ Nyekuci Maaꞌnyu cunuung, occa ꞌyioko ammĩnannaangu nganĩĩta, hĩnĩngĩtĩ baa hakuu naa hĩ ĩnõõnnõ nẽ ꞌyioko nganĩĩt cieeni. Baa hõllõngaa hakuu naa ẽmmẽn, baa ĩꞌthõõannaa nẽẽnĩ.

Dtiicanĩ cĩg ꞌThooyyiahu 2:34

Baa hõllõngaa õtõd Daavide hẽẽtahujjieen nẽ hõllõngaa õthõõth ẽlẽ cĩnnĩ baa aĩ, “Aduhaak Makayyioohiti Makayyioohit caannĩ anneek, ‘ꞌCioloongan ngaati attiaa caannĩ ĩcobbi,

Dtiicanĩ cĩg ꞌThooyyiahu 20:28

Uꞌthuutti eleeti cugguung nẽ ũtũhayyu lothippit cĩ lemmiook baag aaꞌnyuung Lorii ꞌcĩ Ẽllẽẽmĩth ngagiit ũtũhaac. Ĩĩtõ tũhayyiook cĩg lothippit cĩ lemmiook cĩg Nyekuci, baa ũũta nẽẽ biyyiẽẽtĩĩ cĩgĩnnĩg.

ꞌRooma 10:6

Nẽẽthĩ, aduha bũnnai ꞌcĩ aku lemiitta aĩ, “Ma hothooꞌthu ꞌthinneetinitõõ hainnu, ‘Nganĩ ꞌcĩ occa õtõd hẽẽtahujjieen?’ ” Nĩngĩtĩ aĩ, hũũk haꞌnyaha Krĩstõ loota.

1 Korinthia 15:47

Baa ẽhẽnytaa ẽẽtĩ ꞌcĩ oou dooba, nẽẽthĩ, baa aku ẽẽtĩ ꞌcĩ uruto ho hẽẽtahujjieen.

Eevvetho 1:23

Nẽ ĩĩn lothippiti cĩ lemmioohu ẽlẽ cĩ Krĩstõ nẽ aaꞌnyĩk Krĩstõ ĩhõõggõ hẽlẽggĩ vẽlẽk.