Yõaannẽ 21:9 - ꞌBuuk cĩ Thõõth cĩ Nyekuci

⁹ Ma baa adukna nuyyiooha haahũla battaala ho, iita udtuukta ũbũnẽẽt ũgĩ hĩ ꞌgwoo ꞌcĩ ĩwaadini ulugo.

Yõaannẽ 21:9 ပူးပေါင်းရင်းမြစ်များ

Maatteeo 4:11

Nĩngĩtĩ ũũnnĩkĩ habuui cĩ loriẽẽt ꞌcĩg abathĩ ho, Yeesu nẽ iita eelito aajĩlẽẽta ĩnõõnnõ haanytĩk ꞌgii ꞌcĩ adiim nẽẽnĩ.

Maarko 8:3

Má hĩꞌthooihi naa ĩhõõggõ ꞌgõõl hõõt ĩĩcĩ olu nga hudukto, occa hinnia hatĩ awaalĩth ũgẽẽgĩ ꞌgõõla nẽ etteedito looc, hĩnĩngĩtĩ au nẽẽg ꞌrẽẽna gẽrrẽẽt.”

Yõaannẽ 18:18

Baa alalĩ lõõcĩ nẽ aaddieek dticcianniooha hĩ boliith cĩg ẽbẽk ꞌCieeth cĩ Nyekuci ꞌgwoo umwa nĩngaata, ꞌcĩ ĩrraan nẽẽgĩ. Ma ho, uppwaanothoothĩk Pẽẽtũrũ ĩhõõggõ ngaatĩ ĩrraanĩ nẽẽg ꞌgwoo ho, hũũk hĩbĩl nĩngaata nẽ ĩrraan nẽẽ buúk ꞌgwoo.

Yõaannẽ 21:10

Nĩngĩtĩ annẽẽkĩ Yeesu ĩhõõggõ, “Iitaaĩ da ulugo aag nga aggammu thõng ũgĩ.”

Yõaannẽ 21:13

Ma ho, ikia uurana Yeesu ũbũnẽẽt niccig nẽ eꞌngereek ĩhõõggõ nẽ ẽꞌngẽr ulugo buúk.

Yõaannẽ 21:8

Baa obokii haahũlĩ hĩ dẽmẽt, aꞌnyak mĩĩtĩrꞌnya ꞌmiia hõdẽĩ. Nĩngĩtĩ idionganĩ nuyyiooha ũgẽẽgĩ haahũlatõõ nẽ utugurrieek haahũl hĩ nyelelewwa ꞌcĩg abbĩꞌthĩĩ ulugo ho ĩĩcĩ demeto.

Yõaannẽ 6:11

Ma nĩngaata, aggama Yeesu ũbũnẽẽt niccig nẽ aggatana, nĩngĩtĩ ẽꞌngẽrẽẽkĩ eeta. Ma urutaa cĩnnĩ, ikia aggatan nẽẽ ulugo buúk nẽ eꞌngereek eet. Nĩngĩtĩ aduhẽẽnĩ eeta vẽlẽk hũũppattĩ.

Yõaannẽ 6:9

“Aaĩ nyahaappanĩ umwaa ngaati ꞌcĩ aꞌnyak ũbũnẽẽt ꞌtur hĩ ulugo ꞌramma, ũũppan occa hatĩ ꞌgẽẽn ciee eet niccig vẽlẽk?”