Yõaannẽ 21:2 - ꞌBuuk cĩ Thõõth cĩ Nyekuci

² Baa arũmĩ ꞌThimõõnẽ Pẽẽtũrũ hĩ Tomaaꞌthio ꞌcĩ haĩ ꞌthaar ũgĩ Diidimo hĩ Nathaniele ꞌcĩ aku ꞌtaaũnaa cĩ Kana looccaa cĩ ꞌGalileea, hĩ ꞌJeemith hĩ Yõaannẽ lõhõlĩ cĩg ꞌThebedeeo, hĩ nuyyiook ũgĩ ꞌramma nĩngaata.

Yõaannẽ 21:2 ပူးပေါင်းရင်းမြစ်များ

Maatteeo 10:3

Pilippo hĩ Bartolomeeo, Tomaaꞌthio hĩ Maatteeo baa ĩĩn eet ꞌcĩg alũt occoro, ꞌJeemith ngeertĩ Aliveo, hĩ Tadeeo;

Maarko 1:19

Ma baa ũũk Yeesu ĩĩcĩ oou hĩdĩhĩdĩĩc, udtuuha nẽẽ ꞌJeemith hĩ Yõaannẽ lõhõlĩ cĩg ꞌThebedeeo, ꞌcĩg baag aattĩg haahũlaa cĩnĩĩng alũũlũ nyelelewwaꞌnya cĩggĩĩng.

ꞌLuuka 5:10

Nẽ ubulan ꞌgõõnõgĩ ꞌcĩg haĩ ꞌJeemith hĩ Yõaannẽ buúk gẽrrẽẽt. Baa ĩĩn cieeg lõhõlĩ cĩg eet ꞌcĩ haĩ ꞌThebedeeo. Ma nĩngaata, uduhaak Yeesu ꞌThimõõnẽ ĩĩnnĩk, “Ma hiꞌngolli ꞌgii umwa, iꞌthianaanĩ kõr nicci, ulutu hatĩ gõõng nii eet hiita hĩthĩhĩt thõõth cĩ Nyekuci hĩgõõng aggami ulugo.”

Yõaannẽ 1:45

Nĩngĩtĩ ammũdaanĩ Pilippo Nathaniele nẽ uduhaak ĩĩnnĩk, “Hummuddiaawa eet baa ẽhẽẽd Mũũꞌtha nyattaala nẽ eteheedito põrõvẽtaaꞌnya buúk ĩĩtõ, Yeesu cĩ Naaꞌtharẽtĩ ngeertĩ Yothebo.”

Yõaannẽ 11:16

Ma ho ẽdẽc Tomaaꞌthio ꞌcĩ haĩ ꞌthaar ũgĩ Diidimo, nĩngĩ gõõng haĩ naag hũũhũꞌnya, uduhaak ꞌgõõnõgĩ ĩĩnnĩk, “Hõõt naag buúk hadaahit hõdẽĩ hĩ Yeesu.”

Yõaannẽ 2:1

Ma baa urutaa cĩ waathinniook iyyio, baa aaĩ Maria aattĩ Yeesu nyahũũtaawa umwaanĩ õlõõ ꞌcĩ haĩ Kana looccaa cĩ ꞌGalileea.

Yõaannẽ 2:11

Thõõth ꞌcĩ baa adtican Yeesu ĩĩcĩ oou, ꞌcĩ ĩnaat eeta ho cieeni. Baa adtican nẽẽ thõõth icci, õlõõ cĩ Kana, looccaa cĩ ꞌGalileea. Ikia ẽtẽrẽtha Yeesu bulẽẽnĩt cĩnnĩ õlõõ nĩĩca nẽ iita elemit nuyyiooha cĩgĩnnĩg ĩnõõnnõ, hĩnĩngĩtĩ thõõth icci.

Yõaannẽ 20:28

Ma ho, ĩĩnnĩk Tomaaꞌthio ĩnõõnnõ, “Makayyioohit caannĩ hĩ Nyekuc caannĩ!”

Yõaannẽ 4:46

Ma ho, õbõdõõthĩ Yeesu ĩĩcĩ õlõ cĩ Kana, looccaa cĩ ꞌGalileea, õlõõ baa ũũhũĩ nẽẽ maam hĩĩ mẽrtĩ cĩ viinoo. Baa aaĩ ꞌgaalacĩ umwaa ꞌcĩ õmmõõrĩ ngeerĩnĩ gẽrrẽẽt ꞌtaaũnaa cĩ Kapernaumĩ.