Yõaannẽ 2:22 - ꞌBuuk cĩ Thõõth cĩ Nyekuci

²² Ma baa ũrũga Yeesu daahĩtha, iita ummuktõõthĩ nuyyiooha cĩgĩnnĩg thõõth baa aduha nẽẽ aĩ, hehenyiti hatĩ naa ꞌCieeth nicci waathinnioohĩĩ ꞌcĩg ĩĩn iyyio haaga. Nĩngĩtĩ au ẽlẽmmĩ nuyyiooha cĩgĩnnĩg thõõth ꞌcĩ eheeddi ꞌBuuhaa cĩ Nyekuci, hĩ thõõth baa aduha nẽẽnĩ.

Yõaannẽ 2:22 ပူးပေါင်းရင်းမြစ်များ

ꞌLuuka 24:26

Erekuung baa nooyyia ngagiit ngaatĩ occa accananiini Krĩstõ nga haaꞌnyĩhoothĩk bulẽẽnĩtĩ cĩnnẽẽnĩ?”

ꞌLuuka 24:44

Ma nĩngaata, ĩĩnnĩk ĩhõõggõ, “Baa nga harũmĩ naag hĩ ngagiita, baa gõõng haduhaakuung naa hanneekuung, edeeꞌnyia hatĩ ꞌgii vẽlẽk ꞌcĩ eheeddi, hĩnĩngĩtĩ nganĩĩt nyattaalaa cĩ Mũũꞌtha hĩ ĩĩcĩ põrõvẽtaaꞌnyanu hĩ ꞌBuuhaa cĩ Tegellwaanu.”

Yõaannẽ 12:16

Ĩĩcĩ oou, baa hõllõngaa aga nuyyiooha cĩg Yeesu thõõth icci. Ma baa ubuluthi Yeesu ẽlẽk, iita agayyiõõthĩ nẽẽg ngaatĩ baa eheedini thõõth ciee ꞌBuuhaa cĩ Nyekuci nẽ ĩdĩmatteek eeta ĩnõõnnõ thooꞌthiok iccig.

Yõaannẽ 14:26

Nẽẽthĩ, aku hatĩ Ellioohiti, Lorii ꞌcĩ Ẽllẽẽmĩth, ꞌcĩ hatĩ ĩꞌthõõa Baaba ꞌthaarĩĩ cĩgannĩg, hátĩ hikia hillimaneehuung thooꞌthiok vẽlẽk nẽ ummuhaahuung thooꞌthiok baag haduhaakuung naana.

Yõaannẽ 16:4

Haduhaakuung ꞌyioko naa ngagiit thõõth icci, hátĩ ma ikia kõrra niccia, ammuhooꞌthu hatĩ thõõth baa hiloottuung naa ngagiita.

Yõaannẽ 2:11

Thõõth ꞌcĩ baa adtican Yeesu ĩĩcĩ oou, ꞌcĩ ĩnaat eeta ho cieeni. Baa adtican nẽẽ thõõth icci, õlõõ cĩ Kana, looccaa cĩ ꞌGalileea. Ikia ẽtẽrẽtha Yeesu bulẽẽnĩt cĩnnĩ õlõõ nĩĩca nẽ iita elemit nuyyiooha cĩgĩnnĩg ĩnõõnnõ, hĩnĩngĩtĩ thõõth icci.

Yõaannẽ 2:17

Nĩngĩtĩ ammuhaanĩ nuyyiooha cĩgĩnnĩg thooꞌthiok baag eheeddi ꞌBuuhaa cĩ Nyekuci aĩ, “Hammĩnani naa ꞌcieeth cunni gẽrrẽẽt ũdũt.”

Yõaannẽ 2:2

Baa avva eeta Yeesu hĩ nuyyiook cĩgĩnnĩg buúk, hiita nyahũũtaawa nĩĩcĩ.

Dtiicanĩ cĩg ꞌThooyyiahu 11:16

Nĩngĩtĩ hammuhunõõꞌthĩ thõõth baa aduha Makayyioohiti Yeesu aĩ, ‘Aggameekuung ngagiit Yõaannẽ baattithimo maamĩ haaga, nẽẽthĩ aggammu hatĩ niig baattithimo Loriiaa ꞌcĩ Ẽllẽẽmĩthĩ.’

Dtiicanĩ cĩg ꞌThooyyiahu 13:33

idticaneeheet Nyekuci ngagĩĩt lõhõlĩ cĩg hĩbaangĩ cĩggaac, thõõth ꞌcĩ arũgthaanĩ nẽẽ Yeesu. Hĩcĩ eheeddi ꞌBuuhaa cĩ Tegellwaanu dhoortaa ꞌcĩ ĩĩn ꞌramma aĩ, “ ‘Iini nii Loholeec caannĩ nẽ ꞌyioko kõr nicci, hanneekii hĩĩna naa Maaꞌnyu.’