Yõaannẽ 2:2 - ꞌBuuk cĩ Thõõth cĩ Nyekuci

² Baa avva eeta Yeesu hĩ nuyyiook cĩgĩnnĩg buúk, hiita nyahũũtaawa nĩĩcĩ.

Yõaannẽ 2:2 ပူးပေါင်းရင်းမြစ်များ

Maatteeo 12:19

Aitiõõ hatĩ nẽẽ hõllõngaa ẽggẽrẽny hode arruui, nẽ aitiõõ hatĩ ẽẽtĩ ꞌcĩ athĩhĩ molook cĩnnĩ ꞌgoolliohĩĩ ꞌcĩg obbitig tõõ.

Maatteeo 25:40

“Ẽdẽcĩ hatĩ habuui aĩ, ‘Haduhaakuung dĩdĩ, ꞌgii ꞌcĩ baa adticaneeku niig ꞌgotoonoga hĩ ngoonoga iccig hõllõngaa aallak eeta ho, adticaneekaangu nganĩĩta.’

Maatteeo 25:45

“Ẽdẽcĩ hatĩ nẽẽ aĩ, ‘Haduhaakuung dĩdĩ, ꞌgii ꞌcĩ baa hõllõngaa adticaneeku niig ꞌgotoonoga hĩ ngoonoga iccig hõllõngaa aallak eeta ho, hõllõngaa adticaneekaangu nganĩĩta.’

Yõaannẽ 2:12

Ma urutaa cĩ, ĩtĩngaacõ Yeesu hĩ aattĩnnĩ hĩ ꞌgõtõõnõgĩ hĩ nuyyiook cĩgĩnnĩg, õõt ĩĩcĩ ꞌtaaũn cĩ Kapernaumĩ nẽ õõt aauto waathinniook ꞌcĩg abadtẽc nĩngaata.

Yõaannẽ 2:17

Nĩngĩtĩ ammuhaanĩ nuyyiooha cĩgĩnnĩg thooꞌthiok baag eheeddi ꞌBuuhaa cĩ Nyekuci aĩ, “Hammĩnani naa ꞌcieeth cunni gẽrrẽẽt ũdũt.”

Yõaannẽ 2:22

Ma baa ũrũga Yeesu daahĩtha, iita ummuktõõthĩ nuyyiooha cĩgĩnnĩg thõõth baa aduha nẽẽ aĩ, hehenyiti hatĩ naa ꞌCieeth nicci waathinnioohĩĩ ꞌcĩg ĩĩn iyyio haaga. Nĩngĩtĩ au ẽlẽmmĩ nuyyiooha cĩgĩnnĩg thõõth ꞌcĩ eheeddi ꞌBuuhaa cĩ Nyekuci, hĩ thõõth baa aduha nẽẽnĩ.

Yõaannẽ 2:3

Ma baa edeccia mẽrta cĩ viinoo, ikia uduhaak Maria Yeesu ĩĩnnĩk, “Edecciaak eeta niccieeg mẽrtĩ cĩ viinoo.”

Yõaannẽ 3:22

Ma urutaa ĩĩcĩ, ĩtĩngaacõ Yeesu hĩ nuyyiook cĩgĩnnĩg õõt ĩĩcĩ looc cĩ ꞌJudeea, ngaatĩ baa õõ aattiyyi nẽẽg waathinniook ũgĩ nẽ õõt aggamteek eet baattithimo.

Yõaannẽ 4:2

Nẽẽthĩ, baa hõllõngaa Yeesu ꞌcĩ aaꞌnyĩk eet baattithimo ho, baa nuyyiook cĩgĩnnĩg ꞌcĩg aggameek eet baattithimo ho.

Yõaannẽ 4:33

Ma nĩngaata, iꞌthiattaaĩ nuyyiooha ijitto ẽmmẽn ĩĩtõ, “Aꞌnyahaak occa hatĩ eet umwaa ĩnõõnnõ ꞌgẽẽn ꞌcĩ adahĩ?”

Yõaannẽ 4:8

Baa nga õõ ũũta nuyyiooha cĩgĩnnĩg ꞌgẽẽn umwa ꞌtaaũnatõõ.

Yõaannẽ 6:12

Ma baa udukto eeta vẽlẽk hũũppattĩ, ikia uduhaak Yeesu nuyyiook cĩgĩnnĩg ĩĩnnĩk, “Uluttia ũbũnẽẽt ꞌcĩg anyiꞌthiaa vẽlẽk, hátĩ hiittiõõ ꞌcĩg adhuhoothĩk tuu tõõ.”

Yõaannẽ 6:16

Ma ꞌjiaatĩn niccia, iita ulluucci nuyyiooha cĩg Yeesu õõt ĩĩcĩ Bũlũc cĩ ꞌGalileea hõõt hẽrẽẽcõ Yeesu.

Yõaannẽ 6:60

Ma baa athĩhĩ nuyyiooha cĩgĩnnĩg thõõth icci ho, iita othoothito ꞌcĩg mẽẽlĩg ĩĩtõ, “Õkõmĩ ꞌlimmanĩ ciee gẽrrẽẽt, nganĩ ꞌcĩ occa ẽlẽmĩ?”

Yõaannẽ 6:66

Ma ngaati, iita ũtũbũrĩt nuyyiooha ũgẽẽgĩ ꞌcĩg mẽẽlĩg ngaatĩ anũĩ Yeesu.

Yõaannẽ 6:67

Nĩngĩtĩ ajini Yeesu nuyyiook cĩgĩnnĩg ĩĩn õmmõtõ hĩ ꞌramma ho annẽẽkĩ, “Aitiõõ niig buúk hõllõngaa adiimmu ũũnnĩkaangu?”

Yõaannẽ 6:70

Ẽdẽcĩ Yeesu ĩhõõggõ anneek, “Nga nooyyia hẽbẽraauung naa ngagiit ꞌcĩg iiginnu õmmõtõ hĩ ꞌramma ho? Nẽẽthĩ hinnia, aaĩ eet umwaa hõrggẽẽnaa cunuung ꞌcĩ ĩĩn lori ꞌcĩ abathĩ!”

Yõaannẽ 6:71

Baa õthõõth Yeesu ꞌJuuda, ngeertĩ eet ꞌcĩ haĩ ꞌThimõõnẽ Ithkarioote, ꞌcĩ hatĩ õhõppõõcan ĩnõõnnõ kõr umwa. Tananga baa aaĩ ꞌJuuda buúk nuyyiõõhĩĩ ꞌcĩg ĩĩn õmmõtõ hĩ ꞌramma ho.

Yõaannẽ 6:8

Ma nĩngaata, ẽdẽc nuyyioohiti cĩnnĩ umwaa ꞌcĩ haĩ Andrea ꞌgõtõnĩ ꞌThimõõnẽ Pẽẽtũrũ ĩĩ,

Yõaannẽ 7:3

iita ĩĩttĩk Yeesu ꞌgotoonoggia, “Tũngeek nĩngĩtĩ, bĩĩt ĩĩcĩ looc cĩ ꞌJudeea, ĩĩcĩ hatĩ õõ acĩnĩ nuyyiooha cugunnig thooꞌthiok cugunnig ꞌcĩg ĩnaat eeta!

Dtiicanĩ cĩg ꞌThooyyiahu 11:26

Ma baa õkõ ammũda ĩnõõnnõ ho, aꞌnyaha Antioha ngaatĩ õmmõtõõnĩ hĩ lothippit cĩ lemmioohu irkit hũtũrũũr, nĩngĩtĩ allimanĩ eet. Baa ꞌtaaũn cĩ Antiohĩ ho, ꞌcĩ atimanĩ eeta akannẽẽkĩ nuyyiook ꞌthaar anneek Kristiaanĩta.

Dtiicanĩ cĩg ꞌThooyyiahu 11:29

Ma ho, ummuhit nuyyiooha ꞌcĩg aattĩg Antioha ngaatĩ ĩꞌthõõĩkĩ ꞌbaaninit cĩnĩĩng ꞌgõõnõgĩ ꞌJudeea.

1 Korinthia 10:31

Nẽẽthĩ hoti ho, má aduheennu nẽ uhuddieeu hode adĩmannu hẽlẽggĩ ꞌcĩg adiimmu niiga, ĩdĩmanit ĩhõõggõ vẽlẽk hĩĩtõ bulẽẽnĩt cĩ Nyekuci.

1 Korinthia 7:39

Occa aalla ngaa arũmĩ hĩ maac cĩnnĩ ĩꞌthõng hadaak maac. Nẽẽthĩ hatĩ ooggia nẽẽ hũꞌthũwan ẽẽtĩ ꞌcĩ ĩĩn nuyyioohit cĩ Makayyiookto diooni.

Kolooꞌthe 3:17

Nẽ ꞌgii vẽlẽk ꞌcĩ adĩmannu, hode thõõth ꞌcĩ othooꞌthu, ĩdĩmanit, hĩnĩngĩtĩ Makayyioohit Yeesu, ngaatĩ atallu Nyekuc Baangeet ꞌthaarĩĩ cĩg Krĩstõ.

Ebereei 13:4

Aꞌnyĩĩk maac hĩ ngaa hũrũmtĩ ũdũt. Aallattia ũrũmtĩ ũdũt, hĩnĩngĩtĩ uuk hatĩ Nyekuci eet ꞌcĩ adĩman thooꞌthiok ꞌcĩg ĩĩn ꞌriiring ꞌthũwaana.

Terethiinit 3:20

Nẽ ĩthĩktaangu nganĩĩt jurrung ciee habili hattũũgaa cunuung nẽ huruha, má ĩthĩk eet umwaa molook caannĩ nẽ ubbuuk hattũũg, hadukna hatĩ nẽ hiita huduktooa hõdẽĩ hĩ ĩnõõnnõ.