Yõaannẽ 2:19 - ꞌBuuk cĩ Thõõth cĩ Nyekuci

¹⁹ Ẽdẽcĩ Yeesu ĩhõõggõ anneek, “Ĩꞌthaanit ꞌCieeth icci Nyekuci ho, nẽ hatĩ hẽtẽhẽnya naa waathinnioohĩĩ ꞌcĩg ĩĩn iyyio hĩbĩl tarĩ.”

Yõaannẽ 2:19 ပူးပေါင်းရင်းမြစ်များ

Maarko 14:58

“Baa hathĩkna naag Yeesu aĩ, ‘Hĩꞌthaani hatĩ ꞌCieeth cĩ Nyekuci ꞌcĩ ẽhẽnyta eeta ho nẽ hẽtẽhẽnyaa umwa waathinnioohĩ ꞌcĩg ĩĩn iyyio, ꞌcĩ occa hõllõngaa ẽhẽnyta eeta.’ ”

Maarko 15:29

Baa arannĩ eeta ꞌcĩg ẽttẽẽd nĩngaata Yeesu aĩ, “Ac! Ma baa aini nii occa ĩꞌthaanni ꞌCieeth cĩ Nyekuci nẽ etehenyuu waathinnioohĩĩ ꞌcĩg ĩĩn iyyio!

Maatteeo 27:40

nẽ ĩĩtõ, “Nii ꞌcĩ othoothi aini õkõ hatĩ ĩꞌthaani ꞌCieeth cĩ Nyekuci nẽ etehenyuu tarĩ urutaa cĩ waathinniook iyyio ho, ẽla thĩ da ꞌyioko ẽlẽ cunni, luuccia loota hurucceea, hatĩ ĩĩnĩ nii Ngeertĩ Nyekuci!”

Maatteeo 12:40

Hĩnĩngĩtĩ baa aaĩ Yõõna hẽẽngatõõ cĩ ulugooc cobbi waathinniook iyyio hĩ baalinniook iyyio, hĩcĩ hatĩ aaĩ Ngeertĩ Eeto ꞌloohatõõ, waathinniook iyyio hĩ baalinniook iyyio buúk.

ꞌRooma 8:11

Nẽ má aaĩ Lorii cĩ Nyekuc baa arũgtha Yeesu daahĩtha hĩ ngagiita, aaꞌnyĩk hatĩ Nyekuci baa arũgtha Krĩstõ daahĩtha eleeti cugguung ꞌcĩg occa adaahĩ ho, rũgẽt Loriiaa cĩnnĩ ĩcĩ aaĩ hĩ ngagiita.

Dtiicanĩ cĩg ꞌThooyyiahu 3:15

Uruktu eet ꞌcĩ aaꞌnyeet rũgẽt, nẽẽthĩ, baa ũrũgũtha Nyekuci ĩnõõnnõ daahĩtha. Hĩĩgĩnna ꞌyioko naag hẽbẽrĩ cĩg thõõth ꞌcĩ adtican nẽẽ ho.

Dtiicanĩ cĩg ꞌThooyyiahu 2:32

“Ũrũgũtha Nyekuci Yeesu icci daahĩtha nẽ ꞌyioko, hĩĩgĩn naag vẽlẽk hẽbẽrĩ cĩg thõõth ꞌcĩ ĩĩn dĩdĩ.

Dtiicanĩ cĩg ꞌThooyyiahu 2:24

Nẽ baa ũrũgũtha Nyekuci ĩnõõnnõ ꞌloohatõõ, ikia iittiõõ daahĩthĩ ꞌcĩ aggam ĩnõõnnõ tarĩ tõõ.

1 Pẽẽtũrũ 3:18

Hĩnĩngĩtĩ baa adaahĩ Krĩstõ tabattĩ hõdẽẽthõng, hĩnĩngĩtĩ ꞌthẽccanẽẽt cĩggaac. Baa nga hẽꞌthẽcan nẽẽ thõõth umwa ũdũt, nẽẽthĩ, baa adaahĩ nẽẽ, hĩnĩngĩtĩ ꞌthẽccanniook, hátĩ huukuung ngagiit hĩ Nyekuc. Baa aruhi nẽẽ hadaak, nĩngĩtĩ aaꞌnyĩkĩ Nyekuci ĩnõõnnõ hũrũga Loriia.

ꞌRooma 6:4

Baa haggam naag baattithimo, baa haauto naag hĩ eeta ꞌcĩg hadaahito nẽ hadayyi hĩ Krĩstõ. Nẽ hĩ baa arũgthaa Krĩstõ daahĩtha bulẽẽttaa cĩ Nyekuc Maaꞌnyĩ, hau hatĩ haꞌnyak naag buúk rũgẽt ꞌcĩ ĩĩn ngeju.

Yõaannẽ 11:25

Ẽdẽcĩ Yeesu tarĩ aĩ, “Nganĩĩt ꞌcĩ harũgtha eet daahĩtha nẽ haaꞌnyĩha rũgẽt. Ẽẽtĩ ꞌcĩ ẽlẽmma nganĩĩt tananga hadaak, arũgĩ hatĩnĩ.

Maarko 8:31

Ma nĩngaata, iꞌthianaaĩ Yeesu illiman nuyyiook ĩĩnnĩk, “Ammũda hatĩ Ngeertĩ Eeto ꞌcannan cobbi gẽrrẽẽt nẽ abũrĩ hatĩ makayyiooha cĩg eetuk hĩ makayyiook cĩg paadĩrꞌnyaannu hĩ ꞌlimmanniook cĩg nyattal cĩ Mũũꞌtha ĩnõõnnõ. Aruhi hatĩ nẽẽ hadaak nẽ ũrũga tarĩ, urutaa cĩ waathinniook iyyio.”

Kolooꞌthe 2:12

Baa adayyieeu niig hĩ Krĩstõ hõdẽĩ kõr baa aggammu baattithimo nẽ ũrũgtaau hõdẽĩ lemiittaa cunuung ĩcĩ aꞌnyaku niig ꞌtirriaanaa cĩ Nyekuci, ĩĩ baa arũgnaanĩ Krĩstõ daahĩtha.

1 Korinthia 15:12

Nẽẽthĩ, má irriõõnĩ thõõth ꞌcĩ aĩ, baa ũrũga Krĩstõ daahĩtha, inni thĩ hothoothito eeta ũgẽẽgĩ hõrggẽẽnaa cunuung hĩĩtõ, aitiõõ eeta ꞌcĩg adaahito hõllõngaa occa arũgna ho?

ꞌRooma 4:24

baa eheeddi thõõth ciee hĩĩ cĩnaac, hĩnĩngĩtĩ helemmi hatĩ naag buúk, hĩnĩngĩtĩ lemiinit cĩnaac hĩ Nyekuc, baa arũgtha Makayyioohit cĩnaac Yeesu daahĩtha.

Dtiicanĩ cĩg ꞌThooyyiahu 3:26

Ma baa ũrũgũtha Nyekuci dticciannioohit cĩnnĩ, baa nõõ ĩꞌthõõa nẽẽ ĩnõõnnõ hikia haggatanuung ngagiit hõdẽĩ hõdẽĩ ũtũngteek ꞌthẽccanẽẽta.”

Yõaannẽ 5:19

Ma nĩngaata, ẽdẽc Yeesu makayyiook cĩg ꞌJudeei ĩĩnnĩk, “Haduhaakuung dĩdĩ, aitiõõ ꞌgii ꞌcĩ adtican Ngeertĩ Nyekuci ẽmmẽn tõõ. Adĩman nẽẽ thõõth ꞌcĩ acĩna hĩ Maaꞌnyĩ. ꞌGii ꞌcĩ adĩman Maaꞌnyia, adĩman Ngeerĩnĩ buúk.

Maatteeo 27:63

nẽ ĩĩttĩk, “Makayyioohit, hammuhooꞌtha naag thõõth baa aduha oloꞌngiaahiti nicciaa, baa nga arũgĩ aĩ, ‘Urutaa cĩ waathinniook iyyio, arũgna hatĩ nẽẽ daahĩtha tarĩ.’

Maatteeo 16:21

Nganĩngĩtĩ kõr tĩho, iꞌthianaaĩ Yeesu uduhaak nuyyiook cĩgĩnnĩg thõõth ꞌcĩ hatĩ adĩmanoothĩk ĩnõõnnõ. Baa aduhaak nẽẽ ĩhõõggõ anneek, “Adiim ꞌthẽk hõkõ naa ꞌJeruꞌthalẽma ngaatĩ hatĩ hõkõ haccananiini gẽrrẽẽt, athĩnĩĩ cĩg makayyioohu, hĩ ĩĩcĩg makayyiook cĩg paadĩrꞌnyaannu, hĩ ĩĩcĩg ꞌlimmanniook cĩg nyattal cĩ Mũũꞌtha. Aaꞌnya hatĩ nẽẽg nganĩĩt haccananĩ gẽrrẽẽt ũdũt. Haruhi hatĩ naana nẽ urutaa cĩ waathinniook iyyio, harũgna hatĩ naa daahĩtha tarĩ.”

Dtiicanĩ cĩg ꞌThooyyiahu 6:14

Baa hathĩkna naag ĩnõõnnõ ngaatĩ aĩnnĩ aku hatĩ Yeesu cĩ Naaꞌtharẽtĩ hikia hirriban nĩngĩtĩ nẽ ũtũhũ nyattalliook baag aaꞌnyeet ngagĩĩt Mũũꞌtha.”