Yõaannẽ 2:18 - ꞌBuuk cĩ Thõõth cĩ Nyekuci

¹⁸ Ma ho, iita ijinit makayyiooha cĩg ꞌJudeei Yeesu ĩĩttĩk, “Thõõth iina ꞌcĩ ĩnaat eeta ꞌcĩ occa eterꞌtheekeet nii ngagĩĩt makaaꞌthĩt ꞌcĩ adticanĩĩ thooꞌthiok iccig vẽlẽk ko?”

Yõaannẽ 2:18 ပူးပေါင်းရင်းမြစ်များ

Luugithõõ 7:9

“Ma anneekuung habuui cĩ Ijjibi, ‘Idticatteehaangu da thõõth ꞌcĩ ĩnaatti,’ duhaak Arõõnẽ anneek, ‘Dhuheek hĩbahĩt cunni looc muumaa cĩ habu cĩ Ijjibi,’ nẽ aku hatĩ ũũkcĩ hĩbahĩtĩ hĩĩ hũkaat.”

Maatteeo 21:23

Baa õkõ aduhun Yeesu nĩngĩtĩ õbõhõõ hĩ halang cĩ ꞌCieeth cĩ Nyekuci nẽ illiman eeta, ma ho, ummuddiaak makayyiooha cĩg paadĩrꞌnyaannu hĩ makayyiook cĩg eetuk ĩnõõnnõ nẽ ijinit ĩĩttĩk, “Ammũda nii makaaꞌthĩt ꞌcĩ adĩmanĩĩ thooꞌthiok iccig ko ĩĩna? Aaꞌnyi nganĩ?”

Maarko 8:11

Ma baa ĩthĩhĩt Variꞌtheei aĩ õdõlan Yeesu, iita iꞌthiattaaĩ nẽẽg ẽppẽhattõõ hĩ ĩnõõnnõ. Baa attĩman nẽẽg ĩnõõnnõ hidtican thõõth ꞌcĩ ĩnaat eeta ꞌcĩ aku hẽẽtahujjieen, hẽtẽrẽtha makaaꞌthĩt cĩnnĩ.

ꞌLuuka 11:29

Ma baa aluttiaa lothippiꞌnya nĩngaata ho, irrioonĩk Yeesu ĩhõõggõ ĩĩnnĩk, “Abaꞌthu niig eeta cĩg irkiꞌnyia iccig gẽrrẽẽt. Ara adiimmu terethiinit ꞌcĩ ĩnaatti, nẽẽthĩ, aitiõõ hatĩ ẽẽtĩ ꞌcĩ eterꞌthoothĩk tõõ. Occa hatĩ terethiinit baa Yõõna diooni.

Yõaannẽ 1:19

Baa ĩꞌthõ makayyiooha cĩg ꞌJudeei ꞌJeruꞌthalẽma, paadĩrꞌnya hĩ eet cĩg hattũũg cĩ ꞌLeevi, hõõt hijinit Yõaannẽ hĩĩttĩk, eet ꞌcĩ nganĩ nii.

Yõaannẽ 1:25

nẽ õõt ijinit ĩnõõnnõ ĩĩttĩk, “Aggameehi nii eet baattithimo inni, hatĩ hõllõngaa ĩĩnĩ nii Krĩstõ hode Eliijja hode põrõvẽtaac?”

Yõaannẽ 6:30

Nĩngĩtĩ ajini nẽẽg Yeesu annẽẽkĩ, “Thõõth ꞌyioko iina ꞌcĩ ĩnaat eeta ꞌcĩ occa eterꞌtheekeet nii ngagĩĩt, hátĩ helemtiina? Ne occa ꞌyioko ꞌcĩ occa adĩmani nii?

Dtiicanĩ cĩg ꞌThooyyiahu 4:7

Nĩngĩtĩ aꞌnyakiaanĩ Pẽẽtũrũ hĩ Yõaannẽ hẽbẽrẽẽnnĩĩ cĩggĩĩng nẽ ijinit ĩĩttĩk, “ꞌTirrian iina ꞌcĩ adĩmannu niig thõõth icci nẽ ꞌthaar cĩg nganĩ ꞌcĩg adticaniinnu niig ko?”

Dtiicanĩ cĩg ꞌThooyyiahu 5:28

“Baa haduhaakuung naag ngagiit hanneekuung ma hallimannu eet ꞌthaarĩĩ cĩg Yeesu. Ĩcĩnĩt thĩ dako thõõth ꞌcĩ adticannu niig ko! Allimannu eet ꞌJeruꞌthalẽm hũtũrũũr nẽ aanyteetu ngagĩĩt heteheellia daahĩth cĩ Yeesu.”