Yõaannẽ 2:16 - ꞌBuuk cĩ Thõõth cĩ Nyekuci

¹⁶ Ma nĩngaata, uduhaak eet ꞌcĩg ũũtẽnĩ ngabuuthiꞌnya ĩĩnnĩk, “Ootti ngabuuthiꞌnya niccig battaala! Ma haarru ꞌCieeth cĩ Baaba hĩĩ ꞌcuuk!”

Yõaannẽ 2:16 ပူးပေါင်းရင်းမြစ်များ

Maatteeo 21:12

Baa õkõ Yeesu ngaatĩ õbõhõõ hĩ ꞌCieeth cĩ Nyekuci nẽ itiggiawaak eet ꞌcĩg ũũtĩ nĩngaata battaali. Ebelluukan nẽẽ tẽrẽmẽẽjĩt cĩg tuuyyiok ꞌcĩg appahõõnĩ ꞌrabbẽẽt, hĩ eet ꞌcĩg ũũtẽnĩ ngabuuthiꞌnya.

Maatteeo 21:13

Nĩngĩtĩ annẽẽkĩ Yeesu ĩhõõggõ, “Aduha ꞌBuuhi cĩ Nyekuci aĩ, ‘Haĩ ꞌcieeth caannĩ, ꞌCieeth cĩ Laiitto,’ au hinnia aarru niig hĩĩ, ‘nĩngĩtĩ aguꞌthẽẽnĩ igorriaaha.’ ”

Maatteeo 22:5

“Hõllõngaa hinnia athĩhĩ eeta tĩko, nĩngĩtĩ õõĩ ꞌgoolliohĩĩ cĩggĩĩng, õkõ umwaa ĩĩcĩ mana cĩnnĩ, õkõ umwaa ĩĩcĩ dũkaan cĩnnĩ.

Maarko 11:17

Nĩngĩtĩ allimanĩ eet annẽẽkĩ, “Aĩ Nyekuci ꞌBuuhaa cĩnnĩ, “ ‘Haĩ hatĩ ꞌCieeth caannĩ, ꞌCieeth cĩ Laiitto, ꞌcĩ alaiini eeta vẽlẽk cĩg loonyinu.’ Auunnu hinnia niig aarru hĩĩ ‘nĩngĩtĩ aguꞌthẽẽnĩ igorriaaha!’ ”

ꞌLuuka 2:49

Ẽdẽcĩ hinnia nẽẽ ĩhõõggõ anneek, “Adiimmaangu inni? Hõllõngaa agayyu niig ngaatĩ adiim haayyi naa ꞌcieethaa cĩ Baaba?”

Yõaannẽ 10:29

Ĩllõõan Baaba baa aaꞌnya nganĩĩt ĩhõõggõ vẽlẽk. Aitiõõ ẽẽtĩ ꞌcĩ occa avvucana ĩhõõggõ athĩnĩĩ cĩgĩnnĩg tõõ.

Yõaannẽ 2:15

Nĩngĩtĩ akũmanaanĩ Yeesu halli umwa ꞌlõõrõngĩtĩ nẽ itiggiaeek ĩhõõggõ hõdẽĩ hĩ aꞌtha hĩ tĩĩn vẽlẽk, hõõt battaala ꞌCieethaa cĩ Nyekuci. Ebelluukan nẽẽ tẽrẽmẽẽjĩt cĩg eet ꞌcĩg appak ꞌrabbẽẽt ko nẽ ĩꞌthaan ꞌrabbẽẽt cĩggĩĩng ꞌcĩg kũtũrĩg.

Yõaannẽ 20:17

Ma nĩngaata, uduhaak Yeesu ĩnõõnnõ ĩĩnnĩk, “Ma nõõ harabũũttaanĩ, nga hobodooth naa hĩ Baaba. Bĩĩt nõõ hĩ ꞌgotoonoga nẽ uduhaahu ĩhõõggõ ĩĩnnĩhuu, ‘Hobodootha naa hĩ Baaba caannĩ ꞌcĩ ĩĩn Maaꞌnyu cunuung buúk, hĩ Nyekuc caannĩ nẽ ĩĩ Nyekuc cunuung buúk.’ ”

Yõaannẽ 5:17

Nĩngĩtĩ annẽẽkĩ Yeesu ĩhõõggõ, “Nga hĩbĩl Baaba caannĩ dtiica hĩĩ kõr hĩ niccieeni, ĩnõõ ꞌcĩ hadticaniini naa buúk ko.”

Yõaannẽ 8:49

Ẽdẽcĩ Yeesu ĩhõõggõ anneek, “Aitiõõ naa hõllõngaa haꞌnyahi lori ꞌcĩ abathĩ. Hiꞌngolli naa Baaba nẽ aburru niig ngaatĩ ingoliinnaangu niig nganĩĩt buúk.

1 Timotteeo 6:5

hĩ jore hĩ ngaatĩ õdõõmĩ ꞌgõõnõgĩ hĩ muhẽẽnĩt ꞌcĩ abathĩ nẽ aꞌnyak nẽẽ õõ ꞌcĩ abathĩ, ꞌcĩ hõllõngaa agaĩ thooꞌthiok ꞌcĩg ĩĩn dĩdĩ. Ammuk nẽẽg aĩ, ĩĩn thõõth cĩ Nyekuci ꞌcĩ hammũdaanĩ ꞌrabbẽẽta.

2 Pẽẽtũrũ 2:3

Ĩĩn hatĩ nẽẽg lobolobbiaak ꞌcĩg adiim eet ꞌcĩg anũ ĩhõõggõ nẽ iggoolluung thooꞌthiohĩĩ ꞌcĩg ẽmmẽdĩ. Nẽẽthĩ, baa idiim uuk Nyekuci ĩhõõggõ baangaani nẽ uuk hatĩ nẽẽ ĩhõõggõ dĩdĩ.