Yõaannẽ 2:11 - ꞌBuuk cĩ Thõõth cĩ Nyekuci

¹¹ Thõõth ꞌcĩ baa adtican Yeesu ĩĩcĩ oou, ꞌcĩ ĩnaat eeta ho cieeni. Baa adtican nẽẽ thõõth icci, õlõõ cĩ Kana, looccaa cĩ ꞌGalileea. Ikia ẽtẽrẽtha Yeesu bulẽẽnĩt cĩnnĩ õlõõ nĩĩca nẽ iita elemit nuyyiooha cĩgĩnnĩg ĩnõõnnõ, hĩnĩngĩtĩ thõõth icci.

Yõaannẽ 2:11 ပူးပေါင်းရင်းမြစ်များ

Luugithõõ 14:31

Ma baa acĩn eeta cĩg Ĩꞌthĩraẽlĩ ꞌtirrian cobbi ꞌcĩ uuki Makayyioohiti eet cĩg Ijjibi ho, iita itingolli nẽẽg Makayyioohit nẽ aarrik ꞌthinneeti cĩggĩĩng hĩ ĩnõõnnõ hĩ Mũũꞌtha dticciannioohit cĩnnĩ buúk.

Luugithõõ 4:9

Nẽẽthĩ, má hõllõngaa ẽlẽmĩ nẽẽg thooꞌthiok ꞌcĩg ĩĩn ꞌramma ꞌcĩg ĩnaatti ho, hode hõllõngaa athikniina, dtĩĩla maam hidiowwaa cĩ Naaĩlĩ nẽ udduutihuu ngaatĩ õdõhõhõhĩĩ. Ũũkcĩ hatĩ maama cĩg hidiowwaak ko loota hĩĩtõ biyyi.”

Yõaannẽ 1:14

Ma nĩngaata, ikia Thõõth baa ĩĩn lanyit ĩĩ eet nẽ hũrũmtĩ hĩ ngagĩĩt hõdẽĩ loota nĩnga. Hiita hĩcĩnĩt naag bulẽẽnĩt cĩnnĩ dĩdĩ, bulẽẽnĩt cĩ Ngeertĩ Nyekuc Maaꞌnyĩ ꞌcĩ odoyyii. Aꞌnyahaakeet nẽẽ ngagĩĩt loota nĩnga, bũnnai hĩ thõõth vẽlẽk ꞌcĩ ĩĩn dĩdĩ, ꞌcĩ aku hĩ Nyekuc.

Yõaannẽ 1:17

Baa aaꞌnyĩk Nyekuci eet nyattal cĩnnĩ, eetaa ꞌcĩ haĩ Mũũꞌtha, nẽ ikia bũnnai hĩ thõõth ꞌcĩ ĩĩn dĩdĩ hĩ Yeesu Krĩstõ.

Yõaannẽ 1:43

Ma loohoth cĩnnĩ, ĩtĩnga Yeesu ũũk ĩĩcĩ ꞌGalileea. Ma baa ommottio hĩ Pilippo, uduhaak ĩnõõnnõ ĩĩnnĩk, “Ijjia nũaa nganĩĩta.”

Yõaannẽ 1:50

Ma ho, ĩĩnnĩk Yeesu ĩnõõnnõ, “Elemi nii thõõth caannĩ, hĩnĩngĩtĩ hanneekii, iyyia hacciinnii aa iccioloongani ꞌmũũnĩca uruta. Acini hatĩ nii hẽlẽggĩ ꞌcĩg ĩllõõan thooꞌthiok iccig.”

Yõaannẽ 10:41

Nĩngĩtĩ auuni eeta ꞌcĩg mẽẽlĩg hĩ ĩnõõnnõ nẽ ĩĩtõ, “Tananga nga hĩdĩman Yõaannẽ thõõth umwa ꞌcĩ ĩnaat eeta, baa nẽ ikia ĩĩ thõõth ꞌcĩ aduha nẽẽ, hĩnĩngĩtĩ Yeesu ho dĩdĩ.”

Yõaannẽ 11:15

Nẽ hĩnĩngĩtĩ ngagiita, hatali naa ngaatĩ haitõõnnĩ ĩĩca tõõ, hátĩ iita aꞌnyahit niig lemiinit. Nẽẽthĩ ꞌyioko, hõõt hĩcĩnĩt ĩnõõnnõ.”

Yõaannẽ 11:47

Nĩngĩtĩ alũtẽẽnĩ makayyiooha cĩg paadĩrꞌnyaannu hĩ Variꞌtheei hĩ lothippit ꞌcĩ makayyioohu nẽ utuvvuyyia mõtõõnĩt lokihooa nẽ utuhanit thõõth ĩĩtõ, “Hadĩman occa hutuno? Adtican ẽẽtĩ ciee thooꞌthiok ꞌcĩg mẽẽlĩg ꞌcĩg ĩnaat eeta.

Yõaannẽ 12:18

Ma baa athĩhĩ eeta ꞌcĩg mẽẽlĩg ngaatĩ adticanĩ Yeesu thõõth ꞌcĩ ĩnaat eeta, ꞌcĩ arũgthaanĩ nẽẽ Laaꞌtharõ daahĩtha ho, iita õõt ommottio nẽẽg hĩ Yeesu.

Yõaannẽ 12:37

Tananga baa ĩdĩman Yeesu thooꞌthiok ꞌcĩg ĩnaat eeta ho hẽbẽrẽẽnnĩĩ cĩggĩĩng ẽlẽk, aalla nga abũrĩ nẽẽg ĩnõõnnõ noho.

Yõaannẽ 12:41

Baa aduha põrõvẽtaacĩ Iꞌthaia thõõth icci, hĩnĩngĩtĩ baa ĩcĩn nẽẽ thõõth cĩ bulẽẽnĩt cĩ Yeesu horumwa nẽ õthõõth bulẽẽnĩt cĩ Elliookto.

Yõaannẽ 14:13

Ijittaangu nganĩĩta nẽ hatĩ hĩdĩmaneehuung naa thõõth ꞌcĩ adiimmu ho, hátĩ haaꞌnyĩk Ngeerĩnĩ Maaꞌnyĩ bulẽẽnĩt.

Yõaannẽ 16:27

Aitiõõ, ammĩnannuung ngagiit Baaba, hĩnĩngĩtĩ baa ammĩnannaangu niig nganĩĩta nẽ elemtu ngaatĩ hakuuni naa hĩ Baaba.

Yõaannẽ 16:30

Nẽẽthĩ ꞌyioko, hĩcĩtta ngaatĩ agaĩ thõõth vẽlẽk nẽ iittiõõ eet umwaa ꞌcĩ occa nga ajinni thõõth umwa tarĩ tõõ. Aaꞌnyeet thooꞌthioha cieeg vẽlẽk hẽlẽmta naag hĩĩtta, akuu nii hĩ Nyekuc.”

Yõaannẽ 2:1

Ma baa urutaa cĩ waathinniook iyyio, baa aaĩ Maria aattĩ Yeesu nyahũũtaawa umwaanĩ õlõõ ꞌcĩ haĩ Kana looccaa cĩ ꞌGalileea.

Yõaannẽ 2:23

Ma baa nga aaĩ Yeesu Kõrraa cĩ Haangittõõ ꞌJeruꞌthalẽma, baa mẽẽlĩg eeta ꞌcĩg acĩn thooꞌthiok ꞌcĩg ĩnaat eeta ꞌcĩg adtican nẽẽnĩ, nĩngĩtĩ ẽlẽmmĩ ĩnõõnnõ.

Yõaannẽ 3:2

Ma kõr umwa baal, ũũk ũmmũdoothĩk nẽẽ Yeesu nẽ ĩĩnnĩk, “ꞌLimmannioohit, hagayya naag ĩĩnĩ nii ꞌlimmannioohit ꞌcĩ ĩꞌthõõannii Nyekuci, aĩ ijjia ꞌlimmaneet ngagĩĩta. Aitiõõ ẽẽtĩ ꞌcĩ occa adĩman thooꞌthiok ꞌcĩg ĩnaat eeta ho, hatĩ aitiõõ Nyekuci hĩ ĩnõõnnõ tõõ.”

Yõaannẽ 4:3

Ma baa athĩhĩ Makayyioohiti thõõth icci ho, ikia ũtũngeek nẽẽ looc cĩ ꞌJudeea nẽ õbõdõõthĩ ũũk ĩĩcĩ looc cĩ ꞌGalileea.

Yõaannẽ 4:46

Ma ho, õbõdõõthĩ Yeesu ĩĩcĩ õlõ cĩ Kana, looccaa cĩ ꞌGalileea, õlõõ baa ũũhũĩ nẽẽ maam hĩĩ mẽrtĩ cĩ viinoo. Baa aaĩ ꞌgaalacĩ umwaa ꞌcĩ õmmõõrĩ ngeerĩnĩ gẽrrẽẽt ꞌtaaũnaa cĩ Kapernaumĩ.

Yõaannẽ 4:54

Baa thõõth ꞌcĩ adtican Yeesu ꞌcĩ ĩnaat eeta ꞌcĩ ĩĩn ꞌramma cieeni, baa õbõda nẽẽ ĩĩcĩ looc cĩ ꞌJudeea nẽ ikia ũũk ĩĩcĩ ꞌGalileea.

Yõaannẽ 5:23

hátĩ hitingolli eeta vẽlẽk Ngeerĩnĩ, hĩcĩ iꞌngolli nẽẽg Maaꞌnyĩ. Nẽẽthĩ, ẽẽtĩ ꞌcĩ hõllõngaa iꞌngolli Ngeertĩ Nyekuci, hõllõngaa iꞌngolli Maaꞌnyĩ baa ĩꞌthõõa Ngeerĩnĩ.

Yõaannẽ 6:14

Ma baa ĩcĩnĩt eeta Yeesu ngaatĩ adĩmanĩ thõõth icci ĩnaat eeta ho, iita othoothito nẽẽg ĩĩtõ, “Dĩdĩ ĩko ĩĩn ẽẽtĩ ciee põrõvẽtaac ꞌcĩ hatĩ aku loota nĩnga!”

Yõaannẽ 6:2

Baa anũ ĩnõõnnõ lothippiti cobbi gẽrrẽẽt ꞌgõõlaa ꞌcĩ õkõõĩ nẽẽnĩ, hĩnĩngĩtĩ ĩcĩn lothippiti thooꞌthiok ꞌcĩg ĩnaat eeta ꞌcĩg aaꞌnyĩkĩ Yeesu eet ꞌcĩg õmmõõrĩ hũbũttaathõ.

Yõaannẽ 6:26

Ẽdẽcĩ Yeesu ĩhõõggõ anneek, “Haduhaakuung dĩdĩ, adiimmaangu niig nganĩĩt, hĩnĩngĩtĩ ꞌgẽẽn baa haaꞌnyuung ngagiit uduhit ũũppattĩ, hõllõngaa, hĩnĩngĩtĩ thooꞌthiok baag ĩnaattu hadĩmani naana.

Yõaannẽ 6:30

Nĩngĩtĩ ajini nẽẽg Yeesu annẽẽkĩ, “Thõõth ꞌyioko iina ꞌcĩ ĩnaat eeta ꞌcĩ occa eterꞌtheekeet nii ngagĩĩt, hátĩ helemtiina? Ne occa ꞌyioko ꞌcĩ occa adĩmani nii?

Yõaannẽ 7:31

Baa mẽẽlĩg eeta ꞌcĩg ẽlẽmĩ ĩnõõnnõ lothippitatõõ ꞌCieethaa cĩ Nyekuci. Nĩngĩtĩ aĩnnĩ, “Ma ikia Krĩstõ, ammuku niig aku occa hatĩ adtican thooꞌthiok ꞌcĩg ĩnaat eeta ꞌcĩg ĩllõõan ꞌcĩg adtican ẽẽtĩ cieeni?”

Yõaannẽ 9:16

Nĩngĩtĩ aĩnnĩ Variꞌtheei ũgẽẽgĩ, “Aitiõõ ẽẽtĩ ciee hõllõngaa aku hĩ Nyekuc, hĩnĩngĩtĩ hõllõngaa aꞌthũũnnĩ nẽẽ Kõr cĩ ꞌYiommaanõ.” Baa hinnia õthõõth Variꞌtheei ũgẽẽgĩ aĩ, “Aga gõõng ẽẽtĩ ꞌcĩ ĩĩn ꞌthẽccannioohit ngaatĩ adĩmanĩ thooꞌthiok ꞌcĩg ĩnaat eeta hutuno?” Nĩngĩtĩ eꞌngeriini lothippiti cĩ Variꞌtheei.

2 Korinthia 3:18

Nẽ naag nuyyiooha cĩg Krĩstõ, ꞌcĩg hõllõngaa ammũtĩ muumti, hedeenyothi naag bulẽẽnĩt cĩ Makayyiookto nẽ ũtũhũeet Lorii cĩ Ẽllẽẽmĩth hiriiri, haaut hĩ Makayyioohiti cĩ abuli.

2 Korinthia 4:17

Nẽ pĩĩrnanĩtĩ ciee haꞌnyak naag abadtẽc ko, ĩĩn ꞌcĩ akũmaneekeet ngagĩĩt, hátĩ hummuddia bulẽẽnĩt ꞌcĩ maka ꞌcĩ aalla ooo.

2 Korinthia 4:6

Baa aduha Nyekuci aĩ, “Aꞌnyĩĩk lanyit haara muguratõõ.” Nẽ ꞌyioko, aara lanyit cĩnnĩ ꞌthinneetinii cĩggaac, lanyit tĩho ꞌcĩ aaꞌnyeet hagaac hĩĩtõ, edeeꞌnyia bulẽẽnĩtĩ cĩnnĩ hĩ Yeesu Krĩstõ.

1 Yõaannẽ 5:13

Hẽhẽẽdakuung naa ngagiit thooꞌthiok iccig eet ꞌcĩg elemmu ꞌthaar cĩg Ngeertĩ Nyekuci, hátĩ agaac ngaatĩ aꞌnyaktu niig rũgẽt ꞌcĩ aalla ooo.