Yõaannẽ 2:10 - ꞌBuuk cĩ Thõõth cĩ Nyekuci

¹⁰ nẽ ĩĩnnĩk, “Gõõng hakatĩ mẽrtĩ cĩ viino ꞌcĩ ahahatĩĩ ĩcĩ oou. Ma ũũppattĩ hẽẽrõnĩ, nẽẽthĩ, aꞌnyakta ꞌteeddiaha. Agunyuthi hinnia hatĩ nii mẽrtĩ ꞌcĩ ahahatĩĩ ĩꞌthõng hĩĩ noho inni?”

Yõaannẽ 2:10 ပူးပေါင်းရင်းမြစ်များ

ꞌThianaattõ 43:34

Ma baa ẽꞌngẽrĩ ꞌgẽẽna, baa eꞌngerriaak Benyemiino ꞌcĩ ĩllõõan cĩ ꞌgotoonogiinni tabattĩ ꞌtur. Nĩngĩtĩ aduhẽẽnĩ nẽẽg vẽlẽk nẽ uhuddi ĩꞌthõng hatanyarit.

Maatteeo 24:49

nẽ iꞌthianaaĩ uuk dticcianniook ꞌgõõnõgĩ nẽ uduho ẽmmẽn, hũhũdĩt mẽrtĩ hĩ ꞌgõõnõgĩ ꞌcĩg ĩĩn duuttiak.

ꞌLuuka 12:45

ꞌYioko hĩĩ ꞌcĩ ammuhi dticciannioohiti aĩnnĩ, ‘Aitiõõ baa nẽẽ hõllõngaa aku nganĩĩt makayyioohiti hĩdĩĩkoothong,’ nẽ iꞌthianaaĩ õmmõg dticcianniook ꞌcĩg ngayyig hĩ ꞌcĩg maacĩg vẽlẽk nẽ uduho gẽrrẽẽt nẽ ũhũdĩ hũdũũt,

ꞌLuuka 16:25

“Ẽdẽcĩ hinnia Abũrahamĩ ĩnõõnnõ anneek, ‘Ẽlẽ, muhunooth, baa ĩĩnĩ nii eet ꞌcĩ aanytĩhoothihii hẽlẽggĩ ꞌcĩg abũnnaa baa nga arugi nẽ baa accananni Laaꞌtharõ, nẽẽthĩ ꞌyioko, accamanoothĩk nẽẽ ngaati nẽ accananĩĩ niina.

Dtiicanĩ cĩg ꞌThooyyiahu 2:15

Aitiõõ eeta cieeg hõllõngaa adũũtĩ hĩcĩ ammuhuneeku niig ko. Iyyia aku thõõth ciee aa ꞌthaa tũrkũwwec ngerrenita.

1 Korinthia 11:21

hĩnĩngĩtĩ ma aduheennu niiga, hõllõngaa ereeyyu eet ũgĩ ꞌcĩg nga aattiyyiaa buúk. Ma adak eet umwa magĩthĩ, adũũtĩ hinnia umwaa thõng.

Eevvetho 5:18

Aanytĩk Lori ꞌcĩ Ẽllẽẽmĩth haggam rũgẽt cunuung. Ma hiꞌnyiathanaannu eleeti dũũtĩtha, hĩnĩngĩtĩ aĩnanaakuung dũũtĩthĩ ĩdĩmanit thooꞌthiok ꞌcĩg mẽẽlĩg ꞌcĩg abathĩ.

1 Tẽꞌthaloonika 5:7

Nẽ eeta ꞌcĩg oogini, oogin baal nẽ eeta ꞌcĩg adũũtĩ, adũũtĩ baal.

Terethiinit 17:2

Atagguutho nẽẽ hĩ habuẽẽt vẽlẽk loota nĩnga. Nẽ ngaaoni cĩnnẽẽnĩ, aau hĩcĩ eet ꞌcĩg ahũd viino hũdũũtĩtõ nẽ idticanit thooꞌthiok ꞌcĩg ĩĩn ꞌriiring loota nĩnga.”

Terethiinit 17:6

Nẽ ma hadtuuha, adũũtĩ ngaa tĩho gẽrrẽẽt, hĩnĩngĩtĩ biyyi ꞌcĩg acũdaanĩ nẽẽ eet baag ẽlẽmana eleeti cĩggĩĩng anũĩ Yeesu. Nẽ baa abulannaa thõõth ciee gẽrrẽẽt ũdũt.