Yõaannẽ 19:4 - ꞌBuuk cĩ Thõõth cĩ Nyekuci

⁴ Ma nĩngaata, uduhuna Pĩlaatõ battaala tarĩ nẽ uduhaak eet cĩg ꞌJudeei ĩĩnnĩk, “Ĩcĩnĩt nõõ, haꞌnyahaakuung naa ngagiit ĩnõõnnõ battaala, hátĩ agaac ĩĩtõ, nga hũmmũda naa thõõth ꞌcĩ ẽꞌthẽcan ẽẽtĩ cieeni.”

Yõaannẽ 19:4 ပူးပေါင်းရင်းမြစ်များ

Maatteeo 27:19

Ma baa nga iccioloongan Pĩlaatõ dtaabawa cĩnnĩ ĩcĩ habuẽẽꞌthĩtõõ, ikia ĩꞌthõõa ngaa cĩnnĩ nyeemuut ꞌcĩ aĩ, “Ma haddangaahi eet niccia ammĩrĩ hataa, hĩnĩngĩtĩ accanannaa nganĩĩt honoothi aabaal gẽrrẽẽt, hĩnĩngĩtĩ ĩnõõnnõ.”

Maatteeo 27:24

Ma baa acĩn Pĩlaatõ ngaatĩ aitioonni ꞌgõõl ꞌcĩ õõganĩ nẽẽ Yeesu tõõ nẽ iꞌthiattaaĩ eeta awacahit gẽrrẽẽt ko, ittiha nẽẽ maam nẽ ũtũũny athĩn cĩgĩnnĩg hẽbẽrẽẽnnĩĩ cĩg lothippitaak nẽ ĩĩ, “Hammiri naa biyyiẽẽtĩĩ cĩg eet icci, ĩĩn niccia thõõth cunuung.”

Maatteeo 27:4

Nẽ ĩĩ, “Hẽꞌthẽcana, hõhõppõõcana eet ꞌcĩ ammĩrĩ, nga hẽꞌthẽcan ꞌgiimwa ũdũt.” Ẽdẽcĩ nẽẽg aĩ, “Ne niccia hĩ ngagĩĩt? Ĩĩn niccia thõõth cunni ẽmmẽn.”

Maatteeo 27:54

Ma baa acĩn ꞌgaalacĩ cĩ ũũrũta cĩg ꞌRooma hĩ eet ꞌcĩg baag arũmĩ hĩ ĩnõõnnõ ẽbẽk Yeesu, hirihidtik hĩ hẽlẽggĩ ꞌcĩg baag edeeꞌnyia vẽlẽk ko, iita abarritit nẽẽg gẽrrẽẽt nẽ ĩĩtõ, “Ĩko mĩĩ baa ĩĩn ẽẽtĩ ciee Ngeertĩ Nyekuci dĩdĩ!”

ꞌLuuka 23:4

Ma ho, uduhaak Pĩlaatõ makayyiook cĩg paadĩrꞌnyaannu hĩ lothippit ĩĩnnĩk, “Aitiõõ thõõth ꞌcĩ abathĩ ꞌcĩ hammũda naa ẽꞌthẽcan ẽẽtĩ ciee tõõ.”

ꞌLuuka 23:41

Aũlan ngaatĩ huukẽnĩ naag, hĩnĩngĩtĩ thooꞌthiok ꞌcĩg abathĩ ꞌcĩg hadĩman naaga, nẽẽthĩ, aꞌngaaꞌnyi ẽẽtĩ ciee haaga.”

ꞌLuuka 23:47

Ma adtuuha ꞌgaalac cĩ ũũrũta thooꞌthiok iccig vẽlẽk ho, ĩdĩhĩth Nyekuc nẽ ĩĩ, “Occa ꞌthẽk baa ĩĩn ẽẽtĩ ciee eet ꞌcĩ abũnnaa.”

Yõaannẽ 18:33

Ma ho, õbõdõõthĩ Pĩlaatõ ꞌcieethaa cĩnnĩ nẽ ũtũvva Yeesu nẽ ũũk ijin ĩnõõnnõ ĩĩnnĩk, “Ĩĩnĩ nii habu cĩ ꞌJudeei?”

Yõaannẽ 18:38

Baa ajin Pĩlaatõ Yeesu anneek, “Thõõth iina ꞌcĩ ĩĩn dĩdĩ ho?” Ma nĩngaata, õbõdõõthĩ Pĩlaatõ battaala nẽ ũũk uduhaak eeta cĩg ꞌJudeei ĩĩnnĩk, “Ammĩrĩ ẽẽtĩ ciee nga hẽꞌthẽcan thõõth umwa ũdũt.

Yõaannẽ 19:6

Ma baa acĩn makayyiooha cĩg paadĩrꞌnyaannu hĩ boliith ꞌcĩg ẽbẽk ꞌCieeth cĩ Nyekuci Yeesu ho, iita awacahit nẽẽg ĩĩtõ, “Toddoeek ĩnõõnnõ hurucceea, Toddoeek ĩnõõnnõ hurucceea!” Ẽdẽcĩ Pĩlaatõ ĩhõõggõ anneek, “Õõt õtõddõõc niiga! Nga hũmmũda naa ꞌthẽccan cĩ eet icci!”

2 Korinthia 5:21

Tananga baa hõllõngaa ĩĩn Krĩstõ ꞌthẽccannioohit, baa aaꞌnyĩk Nyekuci ĩnõõnnõ hĩĩ ꞌgaarrieenit, hĩnĩngĩtĩ ꞌthẽccanẽẽt cĩggaac, hátĩ hũbũttaath naag nẽ elemeet Nyekuci.

Ebereei 7:26

Ĩĩn Yeesu paadĩr cobbi ꞌcĩ hadiim naag, hĩnĩngĩtĩ ẽllẽẽmĩth nẽẽnĩ, tẽlla nẽ hiꞌthihi ꞌthẽccan. Aitiõõ Yeesu ꞌthẽccanĩ tõõ nẽ aaꞌnyĩhoothĩk nĩngĩtĩ cobbi cĩ bulẽẽttõ hẽẽtahujjieen.

1 Pẽẽtũrũ 1:19

Baa eelliannu niig biyyiẽẽtĩĩ ꞌcĩg aaddi ĩcĩg Krĩstõ, mĩꞌnyõõn cĩ Nyekuci ꞌcĩ hiꞌthihi ꞌthẽccan nẽ aitiõõ nyakẽmẽẽr tõõ.

1 Pẽẽtũrũ 2:22

Baa hõllõngaa ẽꞌthẽcan Krĩstõ thõõth umwa hode aduha õlõng.

1 Pẽẽtũrũ 3:18

Hĩnĩngĩtĩ baa adaahĩ Krĩstõ tabattĩ hõdẽẽthõng, hĩnĩngĩtĩ ꞌthẽccanẽẽt cĩggaac. Baa nga hẽꞌthẽcan nẽẽ thõõth umwa ũdũt, nẽẽthĩ, baa adaahĩ nẽẽ, hĩnĩngĩtĩ ꞌthẽccanniook, hátĩ huukuung ngagiit hĩ Nyekuc. Baa aruhi nẽẽ hadaak, nĩngĩtĩ aaꞌnyĩkĩ Nyekuci ĩnõõnnõ hũrũga Loriia.

1 Yõaannẽ 3:5

Nẽ agayyu niig aĩ baa aku Krĩstõ, hátĩ hittik ꞌthẽccanẽẽt battaala nẽ aitiõõ ꞌthẽccanĩ hĩ ĩnõõnnõ tõõ.