Yõaannẽ 18:8 - ꞌBuuk cĩ Thõõth cĩ Nyekuci

⁸ Ẽdẽcĩ Yeesu ĩhõõggõ anneek, “Iyyia huduhaahuung naa ẽlẽk hĩĩnnĩhuung eet tĩho naana. Nẽẽthĩ, má adiimmaangu nganĩĩta, aanytĩk eet iccig ũgĩ ho hõõt.”

Yõaannẽ 18:8 ပူးပေါင်းရင်းမြစ်များ

Maatteeo 26:56

Nẽẽthĩ, baa adĩmanni thooꞌthioha cieeg vẽlẽk, hátĩ hikia thõõth baa ẽhẽẽd põrõvẽtaaꞌnya hĩĩ dĩdĩ.” Ma ho, iita ivvirit nuyyiooha vẽlẽk ũtũngteek Yeesu.

Yõaannẽ 10:28

Haaꞌnyihi naa aꞌtha rũgẽt ꞌcĩ aalla ooo nẽ aitiõõ hatĩ nẽẽg hõllõngaa adaahĩ ũdũt. Nẽ aitiõõ eet ꞌcĩ occa avvucanaanna nganĩĩt ĩhõõggõ athĩnĩĩ cĩgannĩg tõõ.

Yõaannẽ 13:1

Ma õõa cĩ Karrama cĩ Kõr cĩ Haangittõõ, baa aga Yeesu ngaatĩ ũttũbanõõthĩhĩ kõrra ꞌcĩ occa ũũnnĩkĩ nẽẽ looc nicci nẽ õbõdõõthĩ hĩ Maaꞌnyĩ. Baa ammĩnan nẽẽ nuyyiook cĩgĩnnĩg ꞌcĩg aattĩg loota nĩnga gẽrrẽẽt, ĩꞌthõng hadaak nẽẽnĩ.

Yõaannẽ 13:36

Ma nĩngaata, ijin ꞌThimõõnẽ Pẽẽtũrũ Yeesu ĩĩnnĩk, “Õkõ hatĩ nii ĩĩna Makayyioohit?” Ẽdẽcĩ Yeesu anneek, “Hõllõngaa occa akuu nii ĩĩcĩ hõkõõĩ naa ꞌyioko ho, anũaannaa hatĩ uruta.”

Yõaannẽ 16:32

Nẽẽthĩ, aku hatĩ kõrra nẽ ikia ẽlẽk, ꞌcĩ hatĩ ĩꞌthaaninnu niig õõt olooyyiohĩĩ cugguung hõdẽĩ hõdẽĩ. Ũũnnĩkaangu hatĩ niig nganĩĩt ẽmmẽn. Nẽẽthĩ, hõllõngaa hatĩ haaĩ naa ẽmmẽn, hĩnĩngĩtĩ aaĩ Baaba caannĩ hĩ nganĩĩta.

Yõaannẽ 18:7

Ikia ijin Yeesu ĩhõõggõ tarĩ ĩĩnnĩk, “Adiimmu niig nganĩ?” Ẽdẽcĩ nẽẽg aĩ, “Hadiimma Yeesu cĩ Naaꞌtharẽtĩ.”

Yõaannẽ 18:9

Baa õthõõth nẽẽ hoti, hátĩ hikia thõõth baa aduha nẽẽ hĩĩ dĩdĩ baa aĩ, “Nga hudhuheek eet umwa tuu, eetinii baag aaꞌnyaa niina.”

1 Korinthia 10:13

Attĩmaniinnu niig ꞌgõõla hõdẽẽthõng, ĩĩcĩ attĩmaniini eeta vẽlẽk. Nẽẽthĩ, agayyi Nyekuci ngaatĩ occa hõllõngaa aaꞌnyuung ngagiit ĩttĩmattĩ gẽrrẽẽt nẽ eterꞌtheekuung hatĩ nẽẽ ꞌgõõl ꞌcĩ occa hatĩ aꞌnyamannu ꞌtĩmman.

2 Korinthia 12:9

Nẽ ikia ẽdẽca nẽẽ nganĩĩt ĩnnĩhaa, “Bũnnai caannĩ dioo ꞌcĩ adiimi niina. Hĩnĩngĩtĩ maka ꞌtirriani caannĩ hatĩ appĩĩrna niina.” Nẽẽthĩ, hatali hatĩ naa gẽrrẽẽt hatĩ aaꞌnya Krĩstõ nganĩĩt ꞌtirrian cĩnnĩ, hĩnĩngĩtĩ appĩĩrna ẽlẽ caannẽẽnĩ.

Eevvetho 5:25

Niig maaccwaana, ĩmmĩnanit ngaaĩ cugguung hĩ baa ammĩnan Krĩstõ lothippit cĩ lemmioohu nẽ ẽlẽmana ẽlẽ cĩnnĩ, hĩnĩngĩtĩ ĩhõõggõ.

1 Pẽẽtũrũ 5:7

Aanytĩk puppudi cunuung vẽlẽk Nyekuc, hĩnĩngĩtĩ ĩnõõnnõ ꞌcĩ aꞌthuunnuung ngagiita.