Yõaannẽ 18:4 - ꞌBuuk cĩ Thõõth cĩ Nyekuci

⁴ Baa aga Yeesu thõõth ꞌcĩ hatĩ õkõ edeeꞌnyiak ĩnõõnnõ, nĩngĩtĩ ajini ĩhõõggõ annẽẽkĩ, “Nganĩ ꞌcĩ adiimmu niig ko?”

Yõaannẽ 18:4 ပူးပေါင်းရင်းမြစ်များ

Maatteeo 16:21

Nganĩngĩtĩ kõr tĩho, iꞌthianaaĩ Yeesu uduhaak nuyyiook cĩgĩnnĩg thõõth ꞌcĩ hatĩ adĩmanoothĩk ĩnõõnnõ. Baa aduhaak nẽẽ ĩhõõggõ anneek, “Adiim ꞌthẽk hõkõ naa ꞌJeruꞌthalẽma ngaatĩ hatĩ hõkõ haccananiini gẽrrẽẽt, athĩnĩĩ cĩg makayyioohu, hĩ ĩĩcĩg makayyiook cĩg paadĩrꞌnyaannu, hĩ ĩĩcĩg ꞌlimmanniook cĩg nyattal cĩ Mũũꞌtha. Aaꞌnya hatĩ nẽẽg nganĩĩt haccananĩ gẽrrẽẽt ũdũt. Haruhi hatĩ naana nẽ urutaa cĩ waathinniook iyyio, harũgna hatĩ naa daahĩtha tarĩ.”

Maatteeo 26:2

“Hĩcĩ agayyu niig buúk, idiongattaa waathinniooha ꞌramma thõng nẽ hatĩ ĩĩ Kõr cĩ Haangittõõ, aaꞌnyĩhoothĩk hatĩ Ngeertĩ Eeto eet ꞌcĩg õõ odooddĩk ĩnõõnnõ hurucceea.”

Maatteeo 26:21

Ma baa nga aduhi nẽẽgĩ, ikia õthõõth Yeesu ĩĩ, “Haduhaakuung dĩdĩ, aaĩ eet umwaa hõrggẽẽnaa cunuung ꞌcĩ hatĩ õhõppõõcannaa nganĩĩta.”

Maatteeo 26:31

Nẽ uduhaak Yeesu ĩhõõggõ ĩĩnnĩk, “Baalin nicci noho, ĩꞌthaaninnu hatĩ niig vẽlẽk ũtũngteehaangu nganĩĩt ẽmmẽn, hĩnĩngĩtĩ eheeddi aĩ, “ ‘Huuki hatĩ naa tũhayyioohit, hĩꞌthaanĩ nyalõmaar cĩ aꞌthaannu.’

ꞌLuuka 24:44

Ma nĩngaata, ĩĩnnĩk ĩhõõggõ, “Baa nga harũmĩ naag hĩ ngagiita, baa gõõng haduhaakuung naa hanneekuung, edeeꞌnyia hatĩ ꞌgii vẽlẽk ꞌcĩ eheeddi, hĩnĩngĩtĩ nganĩĩt nyattaalaa cĩ Mũũꞌtha hĩ ĩĩcĩ põrõvẽtaaꞌnyanu hĩ ꞌBuuhaa cĩ Tegellwaanu.”

Yõaannẽ 13:1

Ma õõa cĩ Karrama cĩ Kõr cĩ Haangittõõ, baa aga Yeesu ngaatĩ ũttũbanõõthĩhĩ kõrra ꞌcĩ occa ũũnnĩkĩ nẽẽ looc nicci nẽ õbõdõõthĩ hĩ Maaꞌnyĩ. Baa ammĩnan nẽẽ nuyyiook cĩgĩnnĩg ꞌcĩg aattĩg loota nĩnga gẽrrẽẽt, ĩꞌthõng hadaak nẽẽnĩ.

Yõaannẽ 13:11

Baa aga Yeesu eet ꞌcĩ hatĩ õhõppõõcan ĩnõõnnõ, ĩnõõ ꞌcĩ aĩnnĩ nẽẽ, “Eet hõdẽẽthõng dioo ꞌcĩ ĩĩn ꞌriiring ko.”

Yõaannẽ 18:5

Ẽdẽcĩ nẽẽg aĩ, “Hadiimma Yeesu cĩ Naaꞌtharẽtĩ.” Ẽdẽcĩ Yeesu ĩhõõggõ anneek, “Eet tĩho naana!” Nẽ baa abĩlĩ ꞌJuuda hoppocciaahiti hĩ eet niccig hõdẽĩ.

Yõaannẽ 18:7

Ikia ijin Yeesu ĩhõõggõ tarĩ ĩĩnnĩk, “Adiimmu niig nganĩ?” Ẽdẽcĩ nẽẽg aĩ, “Hadiimma Yeesu cĩ Naaꞌtharẽtĩ.”

Yõaannẽ 19:28

Ma baa urutaa ꞌcĩ agaĩ Yeesu ngaatĩ ẽdẽcaahĩ dtiic vẽlẽk, hátĩ hikia thõõth baa eheeddi ꞌBuuhaa cĩ Nyekuci hĩĩ dĩdĩ, ikia õthõõth nẽẽ ĩĩ, “Aamma kõrra.”

Yõaannẽ 6:64

Nẽẽthĩ, aattiyyu niig ũgẽẽgĩ ꞌcĩg hõllõngaa elemmu thõõth caannĩ.” Baa õthõõth Yeesu hoti, hĩnĩngĩtĩ baa aga nẽẽ ĩĩcĩ oou, ngaatĩ aattiyyi nuyyiooha ꞌcĩg hõllõngaa ẽlẽmĩ ĩnõõnnõ nẽ aga eet ꞌcĩ hatĩ õhõppõõcan ĩnõõnnõ ho.

Dtiicanĩ cĩg ꞌThooyyiahu 2:28

Baa eteretheehaa nii nganĩĩt ꞌgõõl cĩ rũgẽtõ, nẽ aaꞌnya rũmẽẽnĩtĩ cunni hĩ nganĩĩt taliinit ꞌcĩ maka.’

1 Pẽẽtũrũ 4:1

Nẽẽthĩ hoti ho, hĩ baa accananni Krĩstõ loota nĩnga, adiim akũmanoothiku, hátĩ agaac ngaatĩ hatĩ accananiinnu niig buúk hĩ baa nẽẽnĩ. Hĩnĩngĩtĩ ẽtẽrꞌtha ꞌcannani ngaatĩ ũtũngteehu niig ꞌthẽccan.