Yõaannẽ 18:1 - ꞌBuuk cĩ Thõõth cĩ Nyekuci

¹ Ma baa ẽdẽcaak Yeesu laiinit, ĩtĩngaacõ hĩ nuyyiook cĩgĩnnĩg abaaktĩ lĩĩl cĩ Kidronĩ. Baa aattĩg hẽẽna cĩg olivi dhoortaa cĩ baakitu, nĩngĩtĩ adukni hĩ nuyyiook cĩgĩnnĩg nĩngaata.

Yõaannẽ 18:1 ပူးပေါင်းရင်းမြစ်များ

ꞌThianaattõ 2:15

Ma baa ho, ũũhĩ Makayyioohiti Nyekuci eet baa ẽhẽnyta nẽẽ ho manatõõ cĩ Ẽẽdẽnĩ, hũũk hakatõ nẽ ẽbẽk mana.

ꞌThianaattõ 3:23

Nĩngĩtĩ iiggiaĩ Makayyioohiti Nyekuci ĩhõõggõ manatõõ cĩ Ẽẽdẽnĩ ho, hõõt battaala nẽ aaꞌnyĩk ĩhõõggõ hakatit ꞌthẽẽm baag ẽhẽnytaanĩ nẽẽgĩ.

Maatteeo 26:30

Ma baa ebenit nẽẽg tẽgẽl umwa, iita õõt nẽẽg ĩĩcĩ Muur cĩ Olivi.

Maatteeo 26:36

Ma nĩngaata, õõt Yeesu hĩ nuyyiook cĩgĩnnĩg ngaatĩ haĩ ꞌJethemani nẽ ĩĩnnĩk ĩhõõggõ, “Aaut loota ngaati, nga nõõ hõkõ halayyi naa ĩĩca.”

Maarko 14:26

Nĩngĩtĩ ẽbẽnĩ nẽẽg tegellwa nẽ ĩtĩngaacõ õõt ĩĩcĩ Muur cĩ Olivi.

Maarko 14:32

Baa iita Yeesu hĩ nuyyiook cĩgĩnnĩg ĩꞌthõng nĩngĩtĩ haĩ ꞌJethemani. Ma nĩngaata, ikia uduhaak nẽẽ nuyyiook cĩgĩnnĩg ĩĩnnĩk, “Aaut nõõ ngaati, nga halayyi naana.”

Maarko 14:42

Ĩtĩngaac hõõtõ! Aau hoppocciaahiti caannĩ ojoonu.”

Yõaannẽ 14:31

Nẽẽthĩ, abũnnaa aga eeta cĩg looc nicci ngaatĩ hammĩnanĩĩ naa Baaba, nẽ hĩdĩmana thõõth ꞌcĩ aduhaaka nẽẽ nganĩĩt dĩdĩ. Hiita hõõtõ.”

Yõaannẽ 18:26

Baa aaĩ dticciannioohiti umwaa cĩ paadĩr cobbi nĩngaata. Baa ĩĩn nẽẽ ittioonniohit cĩ eet baa aꞌthalacana Pẽẽtũrũ ĩtat cĩnnĩ nẽ ijin dticciannioohiti nicciee Pẽẽtũrũ ĩĩnnĩk, “Nga nooyyia hicinii naa nganiit hẽẽnĩĩ cĩg Olivi hĩ eet iccia?”

Dtiicanĩ cĩg ꞌThooyyiahu 21:11

Ma nĩngaata, ittiha hadẽẽngõ cĩ Paaulo nẽ ẽcẽbĩ athĩn hĩ ꞌthõõ cĩgĩnnĩg. Nĩngĩtĩ mĩĩ anneekeet ngagĩĩt nẽẽ, “Aduha Lorii ꞌcĩ Ẽllẽẽmĩth aĩ, ‘Aattĩg hatĩ makayyiooha ũgẽẽgĩ cĩg ꞌJudeei ꞌJeruꞌthalẽma nẽ ecebit baattĩ hadẽẽngõ icci. Nẽ tarĩ, hátĩ aanytĩk ĩnõõnnõ eet ꞌcĩg hõllõngaa ĩĩn ꞌJudeei.’ ”