Yõaannẽ 17:9 - ꞌBuuk cĩ Thõõth cĩ Nyekuci

⁹ Halaiini naa ĩhõõggõ. Hõllõngaa halaiini eet cĩg looc nicci. Nẽẽthĩ, halaiini eet baag aaꞌnyaa nii nganĩĩt, hĩnĩngĩtĩ ĩĩn nẽẽg eet cugunnig.

Yõaannẽ 17:9 ပူးပေါင်းရင်းမြစ်များ

ꞌLuuka 22:32

Nẽẽthĩ, halaooyyi naa nganiita ꞌThimõõnẽ, hátĩ hõkõm lemiiniti cunnẽẽnĩ. Nẽ ma õbõda hĩ nganĩĩta, ẽẽl ꞌgotoonogu buúk.”

ꞌLuuka 23:34

Ma nĩngaata, õthõõth Yeesu ĩĩ, “Baaba, tamaatĩk ĩhõõggõ, hĩnĩngĩtĩ hõllõngaa aga nẽẽg thõõth ꞌcĩ adĩman ko.” Ma ho, eꞌngerit nẽẽg ceremwa cĩgĩnnĩg ꞌgõõlẽẽ ꞌcĩ attĩmanĩ tooto.

ꞌLuuka 8:34

Ma acĩn tũhayyiooha cĩg ꞌngõõhĩꞌnyannu thõõth icci ho, ivvirit hĩdĩĩkoothong hõõt huduktaak eet ꞌtaaũnatõõ hĩ olooyyiohĩ.

Yõaannẽ 14:16

Nẽ haduhaahi hatĩ naa Baaba hĩꞌthõõahuung ngagiit Ellioohit, ꞌcĩ hatĩ gõõng arũmẽẽnnu hĩ ngagiit ooo.

Yõaannẽ 17:2

Hĩnĩngĩtĩ baa aaꞌnyĩhuu nii ĩnõõnnõ makaaꞌthĩt ꞌcĩ aggamĩ eet vẽlẽk, hátĩ haaꞌnyĩk rũgẽt ꞌcĩ aalla ũdũt, eet baag aaꞌnyihi nii ĩnõõnnõ.

Yõaannẽ 17:20

“Hõllõngaa halaiini naa nuyyiook iccig diooni. Halaiini naa eet vẽlẽk ꞌcĩg hatĩ ẽlẽmma nganĩĩt, hĩnĩngĩtĩ nyeemuut ꞌcĩ hatĩ alliman nẽẽgĩ.

Yõaannẽ 17:6

“Heteretheehii naa nganiit eet baag aaꞌnyaa nii nganĩĩt loota nĩnga. Baa ĩĩn nẽẽg eet cugunnig, baag aaꞌnyaa nii nganĩĩta nẽ uꞌthuutti nẽẽg thõõth cunni.

Yõaannẽ 6:37

Eeta vẽlẽk ꞌcĩg aaꞌnya nganĩĩt Baaba, au hatĩ hĩ nganĩĩta nẽ ẽẽtĩ ꞌcĩ aku hĩ nganĩĩta, hõllõngaa hatĩ hiiggiaeehi tuu.

Yõaannẽ 6:39

Nẽ tabiinit ꞌcĩ adiim ẽẽtĩ ꞌcĩ ĩꞌthõõannaa nganĩĩt ko cieeni. Occa hõllõngaa hadhuheehi eet umwa tuu, eetinii baag aaꞌnya nẽẽnĩ. Nẽẽthĩ, harũgtha hatĩ ĩhõõggõ kõr cĩ decciaanĩt cĩ lootu.

Ebereei 7:25

Nẽẽthĩ hoti ho, ũũlũ Yeesu ngaatĩ ẽẽlanĩ eet ꞌcĩg ẽlẽmĩ Nyekuc hĩnĩngĩtĩ ĩnõõnnõ.

Ebereei 9:24

Ĩnõõ baa hõllõngaa adukni Krĩstõ ꞌCieeth cĩ Nyekuci, baa ẽhẽnyta ẽẽtĩ ꞌcĩ holli õõ nẽ ꞌcieeth tĩho, ĩthakꞌthoothĩk ꞌcieeth ꞌcĩ ĩĩn dĩdĩ. Nẽẽthĩ, baa aduhun Krĩstõ hẽẽtahujjieen nẽ ꞌyioko arũmĩ nẽẽ hĩ Nyekuc heeleet ngagĩĩta.

1 Yõaannẽ 5:19

Haga naag jurrung haĩ, hau naag hĩ Nyekuc nẽ aggam ꞌThĩttaanĩ eet vẽlẽk ꞌcĩg abathĩ ꞌcĩg looc nicci.

Terethiinit 12:9

Nẽ ꞌbuuhi ciee obbi aꞌthĩlan gẽrrẽẽt ko, ĩĩn hũkaat baa ꞌrẽẽnĩ baa haĩ habu cĩ loriẽẽt ꞌcĩg abathĩ, hode ꞌThĩttaan, gõõng ĩggõõl looc hũtũrũũr, itiggiayyiaak looc aajĩlẽẽtĩĩ cĩgĩnnĩg vẽlẽk.

Terethiinit 13:8

Nĩngĩtĩ au alaĩ eeta vẽlẽk cĩg looc nicci nyaharahaak nicci, eeta baag hõllõngaa eheeddi ꞌthaara cĩggĩĩng ꞌBuuhaa cĩ Mĩꞌnyõõn baa aruhi baa nga heteheꞌnyiaa lõõcĩ.

Terethiinit 20:15

Nẽ eeta vẽlẽk ꞌcĩg baag hõllõngaa eheeddi ꞌthaara cĩggĩĩng ꞌbuuhaa cĩ rũgẽtõ, iita udhuktoothĩk ꞌgelemtaa cĩ ꞌgwoo ꞌcĩ aalla ooo ho.