Yõaannẽ 17:8 - ꞌBuuk cĩ Thõõth cĩ Nyekuci

⁸ Hĩnĩngĩtĩ baa huduhaaha naa ĩhõõggõ thooꞌthiok baag aduhaakaa nii nganĩĩt nẽ elemita. Baa agaacõ nẽẽg dĩdĩ ngaatĩ hakuuni naa hĩ nganiita nẽ elemit ngaatĩ ĩꞌthõõanna nii nganĩĩta.

Yõaannẽ 17:8 ပူးပေါင်းရင်းမြစ်များ

Maatteeo 13:11

Ẽdẽcĩ Yeesu anneek, “Baa illimanoothihuung ngagiit thõõth ꞌcĩ ammiꞌthi cĩ habuccieet cĩ hẽẽtkujjieen nẽ baa nga hillimanoothĩk ĩhõõggõ.

Yõaannẽ 12:49

Hõllõngaa hothoothi naa ẽmmẽn, haduha naa thõõth ꞌcĩ aduhaaka Baaba baa ĩꞌthõõannaa nganĩĩt hikia huduha.

Yõaannẽ 14:10

Hõllõngaa elemi nii thõõth ꞌcĩ haini naa, haaĩ naa hĩ Baaba nẽ aau Baaba hĩ nganĩĩta? Nẽ thõõth ꞌcĩ haduha naa ho, hõllõngaa aku õõa caannĩ ẽmmẽn, Baaba ꞌcĩ aaĩ hĩ nganĩĩt ꞌcĩ õthõõth thooꞌthiok iccig ko.

Yõaannẽ 15:15

Iittiõõ naa hõllõngaa hauyyuung ngagiit hanneekuung dticcianniook, hĩnĩngĩtĩ aitiõõ dticciannioohiti hõllõngaa aga dtiic cĩ makayyioohit cĩnnĩ. Nẽẽthĩ ꞌyioko, hutuvvuung naa ngagiit hiinnihuung ꞌgoonoga, hĩnĩngĩtĩ heteretheehuung naa ngagiit hẽlẽggĩ vẽlẽk baag aduhaaka nganĩĩt Baaba.

Yõaannẽ 16:27

Aitiõõ, ammĩnannuung ngagiit Baaba, hĩnĩngĩtĩ baa ammĩnannaangu niig nganĩĩta nẽ elemtu ngaatĩ hakuuni naa hĩ Baaba.

Yõaannẽ 16:30

Nẽẽthĩ ꞌyioko, hĩcĩtta ngaatĩ agaĩ thõõth vẽlẽk nẽ iittiõõ eet umwaa ꞌcĩ occa nga ajinni thõõth umwa tarĩ tõõ. Aaꞌnyeet thooꞌthioha cieeg vẽlẽk hẽlẽmta naag hĩĩtta, akuu nii hĩ Nyekuc.”

Yõaannẽ 17:14

Baa huduhaaha naa ĩhõõggõ thõõth cunni, aaburreek hinnia eeta cĩg looc nicci ĩhõõggõ thõng, hĩnĩngĩtĩ iittiõõ nẽẽg hõllõngaa ĩĩn eet cĩg looc nicci tarĩ hĩ naana.

Yõaannẽ 17:18

Hĩcĩ ĩꞌthõõannaa nii nganĩĩt hikia loota nĩnga, hĩꞌthõ naa buúk nuyyiook hõõt looccaa nĩĩcĩ.

Yõaannẽ 17:21

Baaba, hadiimi naa lemmiook vẽlẽk hũrũmtĩ hõdẽĩ, hĩcĩ harũmĩ naag hĩ nganĩĩta. Hadiimi naa ĩhõõggõ buúk haauto hõdẽĩ hĩ ngagĩĩta. Hatĩ helemit eeta cĩg looc nicci ngaatĩ ĩꞌthõõannaa nii nganĩĩta.

Yõaannẽ 17:23

Haaĩ naa hĩ ĩhõõggõ nẽ aau nii hĩ nganĩĩta. Ĩĩn occa hatĩ nẽẽg hõdẽẽthõng nuun, haanytĩk looc nicci haga ngaatĩ ĩꞌthõõannaa nii nganĩĩta, nẽ ĩmmĩnanuu ĩhõõggõ haau hĩcĩ ammĩnannaa nii nganĩĩt ko.

Yõaannẽ 17:3

Nẽẽthĩ ꞌyioko, rũgẽt ꞌcĩ aalla ooo cieeni, hátĩ hagayyi nẽẽg nganiit Nyekuc hõdẽẽthõng ꞌcĩ ĩĩnĩ dĩdĩ, hĩ Yeesu Krĩstõ baa ĩꞌthõõa niina.

Yõaannẽ 3:17

Baa hõllõngaa ĩꞌthõõa Nyekuci Ngeerĩnĩ loota nĩnga, hikia huuk eet cĩg looc nicci thõng, baa ĩꞌthõõa nẽẽ ĩnõõnnõ hikia hẽẽla ĩhõõggõ thõng.

Yõaannẽ 3:33

Aduha ẽẽtĩ ꞌcĩ ẽlẽmĩ thõõth cĩnnĩ aĩ, õthõõth Nyekuci thõõth ꞌcĩ ĩĩn dĩdĩ.

Yõaannẽ 6:68

Ẽdẽcĩ ꞌThimõõnẽ Pẽẽtũrũ ĩnõõnnõ anneek, “Makayyioohit! Nganĩ umwaa tarĩ ꞌcĩ occa hooyyia naag ko? Thõõth cunni dioo ꞌcĩ aaꞌnyeet rũgẽt ꞌcĩ aalla ooo!

Yõaannẽ 8:42

Nĩngĩtĩ annẽẽkĩ Yeesu eet cĩg ꞌJudeei, “Má baa hĩĩ Nyekuci Maaꞌnyu cunuung, occa ꞌyioko ammĩnannaangu nganĩĩta, hĩnĩngĩtĩ baa hakuu naa hĩ ĩnõõnnõ nẽ ꞌyioko nganĩĩt cieeni. Baa hõllõngaa hakuu naa ẽmmẽn, baa ĩꞌthõõannaa nẽẽnĩ.

1 Korinthia 11:23

Baa Makayyioohit ꞌcĩ aaꞌnya nganĩĩt thõõth ꞌcĩ hakuu haduhaakuung ngagiit ko. Baa attiha Makayyioohiti Yeesu ũbũnĩ baalin baa õhõppõõcaniini nẽẽnĩ,

1 Korinthia 15:1

Nẽẽthĩ ꞌyioko, ꞌgotoonoga hĩ ngoonoga, hadiimi hammuhaakuung nyeemuut ꞌcĩ abũnnaa baa hirrioonĩkuung naa ngagiit nẽ nga elemmu hĩĩ noho.

1 Tẽꞌthaloonika 2:13

Hanneeka naag Nyekuc hõdõõkõthĩ ĩlaallẽ, hĩnĩngĩtĩ elemtu niig thõõth cĩnnĩ baa hallimannuung naaga. Baa aku thõõth ciee hĩ ĩnõõnnõ nẽ baa hõllõngaa aku thõõth ciee hĩ eet cĩ holli õõ haaga. Nẽẽthĩ ꞌyioko, hĩ baa elemtu niig thõõth cĩnnĩ ho, idticanõõ nẽẽ hĩ ngagiit ꞌcĩg iiginnu lothippit cĩ lemmiook cĩgĩnnĩg.

1 Tẽꞌthaloonika 4:1

ꞌGotoonoga hĩ ngoonoga, baa haduhaakuung naag authet ꞌcĩ abũnnaa ꞌcĩ haaꞌnyĩkĩ Nyekuc hatal dĩdĩ, hĩcĩ aattiyyu niig ꞌyioko ho. Hanneekuung ngagiit ĩdĩmanit hoti hĩllõõan ꞌthaarĩĩ cĩg Makayyioohit cĩnaac Yeesu Krĩstõ.

1 Yõaannẽ 4:14

Baa ĩꞌthõõa Nyekuci Ngeerĩnĩ hikia hĩĩ Ellioohit cĩ eet cĩg looc nicci. Baa hĩcĩtta naag Ngeerĩnĩ nẽ ꞌyioko huduktaaha naag eet thõõth cĩnnĩ.

Terethiinit 1:1

Thõõth ꞌcĩ aduhaak Nyekuci Yeesu Krĩstõ, hátĩ huduhaak dticcianniook cĩgĩnnĩg thooꞌthiok ꞌcĩg occa au hĩdĩĩkoothong. Nĩngĩtĩ ĩꞌthõõanĩ Krĩstõ aajĩlõ cĩnnĩ hikia huduhaak nyeemuut dticciannioohit cĩnnĩ Yõaannẽ.