Yõaannẽ 17:6 - ꞌBuuk cĩ Thõõth cĩ Nyekuci

⁶ “Heteretheehii naa nganiit eet baag aaꞌnyaa nii nganĩĩt loota nĩnga. Baa ĩĩn nẽẽg eet cugunnig, baag aaꞌnyaa nii nganĩĩta nẽ uꞌthuutti nẽẽg thõõth cunni.

Yõaannẽ 17:6 ပူးပေါင်းရင်းမြစ်များ

Luugithõõ 9:16

Nẽẽthĩ hinnianĩ, baa haaꞌnyii naa nganiit ĩĩ habu, hĩnĩngĩtĩ thõõth icci, hátĩ heteretheehii ꞌtirrian caannĩ nẽ ubuluꞌthi ꞌthaara cĩgannĩg looc vẽlẽk.

Yõaannẽ 1:18

Nga hĩcĩn eet umwaa Nyekuc, Ngeerĩnĩ ꞌcĩ odoyyii dioo, ꞌcĩ ĩĩn Nyekuc dĩdĩ nẽ õbõhõõ hĩ Maaꞌnyĩ ꞌcĩ etereꞌtheet ngagĩĩt hagaac Nyekuc.

Yõaannẽ 12:28

Baaba ꞌnyahaak ꞌthaar cugunnig bulẽẽnĩt!” Ma ho, ikia mõlõõhĩ umwaa hẽẽtahujjieen ꞌcĩ õthõõth aĩ, “Hubulutha naa ꞌthaar cĩgannĩg ẽlẽk nẽ habuluthi hatĩ tarĩ.”

Yõaannẽ 15:19

Má baa ĩĩtõ niig eet cĩg looc nicci, occa ꞌyioko ammĩnannuung eeta cĩg looc nicci ngagiita. Nẽẽthĩ, iittiõõ niig hõllõngaa iiginnu eet cĩg looc nicci. Baa hẽbẽraauung naa ngagiit, hátĩ ũtũngteek thooꞌthiok cĩg looc nicci. Ĩnõõ ꞌyioko ꞌcĩ aaburreekuung eeta cĩg looc nicci ho.

Yõaannẽ 15:3

Iittu niig tẽllĩg ẽlẽk, hĩnĩngĩtĩ thõõth aa huduhaahuung naa ngagiita.

Yõaannẽ 15:7

Má aallannu niig hĩ nganĩĩta nẽ aallattia thooꞌthioha cĩgannĩg hĩ ngagiita, ijinit ꞌgii vẽlẽk ꞌcĩ adiimmu nẽ hatĩ aaꞌnyĩhoothĩhuung ngagiita.

Yõaannẽ 17:12

Baa nga harũmeenna naag hĩ ĩhõõggõ, baa haꞌthũũnnĩ ĩhõõggõ jurrung ꞌthaarĩĩ baag aaꞌnyaa nii nganĩĩta. Nga hudhuheek umwa tuu, hõdẽẽthõng diooni baa aduhoothĩk daahĩtha, hátĩ hikia hĩĩ thõõth cĩ ꞌBuuk cĩ Nyekuci dĩdĩ.

Yõaannẽ 17:14

Baa huduhaaha naa ĩhõõggõ thõõth cunni, aaburreek hinnia eeta cĩg looc nicci ĩhõõggõ thõng, hĩnĩngĩtĩ iittiõõ nẽẽg hõllõngaa ĩĩn eet cĩg looc nicci tarĩ hĩ naana.

Yõaannẽ 17:16

Aitiõõ nẽẽg hõllõngaa ĩĩn eet cĩg looc nicci, hĩcĩ hõllõngaa hĩĩnĩ naa eet cĩ looc nicci ho.

Yõaannẽ 17:2

Hĩnĩngĩtĩ baa aaꞌnyĩhuu nii ĩnõõnnõ makaaꞌthĩt ꞌcĩ aggamĩ eet vẽlẽk, hátĩ haaꞌnyĩk rũgẽt ꞌcĩ aalla ũdũt, eet baag aaꞌnyihi nii ĩnõõnnõ.

Yõaannẽ 17:24

“Baaba, hadiimi naa eet vẽlẽk baag aaꞌnyaa nii hũrũmteea hĩ nganĩĩt ngaatĩ haayyi naana, hátĩ hĩcĩnĩt nẽẽg bulẽẽnĩt caannĩ, bulẽẽnĩt baa aaꞌnyaa nii nganĩĩta, hĩnĩngĩtĩ ammĩnannaa nii nganĩĩt baa nga heteheꞌnyiaa lõõcĩ.

Yõaannẽ 17:26

Haaꞌnyĩha naa ĩhõõggõ hagayyi nganiita nẽ aalla hatĩ haaꞌnyihi ĩhõõggõ hagayyi nganiit, hátĩ haau mĩnnanĩ ꞌcĩ aꞌnyaheekaa nii nganĩĩt hĩ ĩhõõggõ nẽ hátĩ haau naa buúk hĩ ĩhõõggõ.”

Yõaannẽ 17:7

Nẽ ꞌyioko, agaacõ nẽẽg ĩĩtõ, ꞌgii vẽlẽk baa aaꞌnyaa nii nganĩĩta, aku hĩ nganiita.

Yõaannẽ 18:9

Baa õthõõth nẽẽ hoti, hátĩ hikia thõõth baa aduha nẽẽ hĩĩ dĩdĩ baa aĩ, “Nga hudhuheek eet umwa tuu, eetinii baag aaꞌnyaa niina.”

Yõaannẽ 6:37

Eeta vẽlẽk ꞌcĩg aaꞌnya nganĩĩt Baaba, au hatĩ hĩ nganĩĩta nẽ ẽẽtĩ ꞌcĩ aku hĩ nganĩĩta, hõllõngaa hatĩ hiiggiaeehi tuu.

Yõaannẽ 6:39

Nẽ tabiinit ꞌcĩ adiim ẽẽtĩ ꞌcĩ ĩꞌthõõannaa nganĩĩt ko cieeni. Occa hõllõngaa hadhuheehi eet umwa tuu, eetinii baag aaꞌnya nẽẽnĩ. Nẽẽthĩ, harũgtha hatĩ ĩhõõggõ kõr cĩ decciaanĩt cĩ lootu.

Yõaannẽ 8:51

Haduhaakuung dĩdĩ, ẽẽtĩ ꞌcĩ aꞌthũũnnĩ thõõth caannĩ, aitiõõ hatĩ hõllõngaa adaahĩ ũdũt.”

Yõaannẽ 8:52

Ma ngaati, ĩĩtõ eeta cĩg ꞌJudeei, “Hagayyia aattĩ dĩdĩ, ngaatĩ aꞌnyahĩ nii lori ꞌcĩ abathĩ! Baa adaahito Abũrahamĩ hĩ põrõvẽtaaꞌnya vẽlẽk nẽẽthĩ hinnia, aini nii, má aꞌthũũnnĩ ẽẽtĩ umwaa thõõth cunni, hõllõngaa occa adaahĩ ũdũt!

Dtiicanĩ cĩg ꞌThooyyiahu 13:48

Ma baa athĩhĩ eeta ꞌcĩg hõllõngaa ĩĩn ꞌJudeei nyeemuut icci ho, iita accamattoothĩk gẽrrẽẽt nẽ ubuluthit thõõth cĩ Makayyiookto. Nẽ eeta vẽlẽk ꞌcĩg baag ẽbẽra rũgẽt ꞌcĩ aalla ũdũt, elemit Makayyioohit Yeesu.

ꞌRooma 11:2

Baa hõllõngaa abũrĩ Nyekuci, eet cĩgĩnnĩg baag ẽbẽra nẽẽ ĩĩcĩ oou. Hõllõngaa nooyyia agayyu niig thõõth baa aduha ꞌBuuhi cĩ Nyekuci aĩ, baa ĩĩlaleek põrõvẽtaacĩ Eliijja Nyekuc hĩnĩngĩtĩ eet cĩg Ĩꞌthĩraẽlĩ baa anneek,

2 Korinthia 4:6

Baa aduha Nyekuci aĩ, “Aꞌnyĩĩk lanyit haara muguratõõ.” Nẽ ꞌyioko, aara lanyit cĩnnĩ ꞌthinneetinii cĩggaac, lanyit tĩho ꞌcĩ aaꞌnyeet hagaac hĩĩtõ, edeeꞌnyia bulẽẽnĩtĩ cĩnnĩ hĩ Yeesu Krĩstõ.

Kolooꞌthe 3:16

Aanytĩk nyeemuut cĩ Krĩstõ haau hĩ ngagiit rũgẽtaa cunuung vẽlẽk, hĩcĩ adticaniinnu ꞌgẽẽnyĩth cunuung vẽlẽk ngaatĩ allimannu ꞌgoonogu. Ebenit tegellwa cĩg laiittak taliitta nẽ iittihu Nyekuc ĩlaallẽ.

2 Timotteeo 1:13

ꞌThũũtĩ thõõth baa hallimaneekii naa, lemiitta nẽ ĩmmĩnanuu Yeesu Krĩstõ.

Ebereei 2:12

Baa anneek Yeesu Nyekuc nẽẽ, “Haduhaahi hatĩ naa lothippit cĩ lemmioohu ꞌthaar cugunnig nẽ hẽbẽna dĩhĩthẽẽnĩt cunni, hatĩ au alayyi nẽẽg nganiita.”

Ebereei 3:6

Nẽẽthĩ, ĩĩn Krĩstõ Ngeertĩ Nyekuci ꞌcĩ aggam eet cĩg Nyekuci. Nẽ hĩĩgĩn naag eet tĩko, hatĩ haalla haꞌthĩlan nẽ huꞌthuutti muhẽẽnĩt ꞌcĩ abũnnaa.

1 Pẽẽtũrũ 1:1

Waraga ꞌcĩ aku hĩ nganĩĩt Pẽẽtũrũ ꞌthooyyiahit cĩ Yeesu Krĩstõ cieeni. Heheedihi naa waraga icci eet ꞌcĩg ẽbẽra Nyekuci ꞌcĩg aattĩg hĩ tahana loonyinii cĩg Pontu hĩ ꞌGalaaꞌthia hĩ Kapadooccia hĩ Aaꞌthia hĩ Bithinia.

1 Yõaannẽ 5:20

Hagaacõ naag buúk haĩ, ikia Yeesu Krĩstõ Ngeertĩ Nyekuci nẽ eteretheeheet ngagĩĩt Nyekuc ꞌcĩ ĩĩn dĩdĩ. Nẽ haattĩg naag hĩ ĩnõõnnõ ꞌcĩ ĩĩn dĩdĩ nẽ tarĩ, hũrũmtĩ hĩ Loholeec cĩnnĩ Yeesu Krĩstõ ꞌcĩ ĩĩn Nyekuc dĩdĩ nẽ aaꞌnyeet ngagĩĩt rũgẽt ꞌcĩ aalla ooo.

Terethiinit 2:13

Haga naa nĩngĩtĩ aattiyyu niig ko, ĩĩn ꞌtaaũn ꞌcĩ aayyi habuẽẽꞌthĩt cĩ ꞌThĩttaanõ, nẽẽthĩ, nga aalla aꞌthuunnu niig thõõth caannĩ noho. Tananga baa aruhi Antipa, ẽẽtĩ baa ĩĩn hebereec caannĩ hõrggẽẽnaa cunuung, ꞌtaaũnaa cĩ ꞌThĩttaanõ hataa, aalla nga ẽlẽmmaangu niig nganĩĩt noho.

Terethiinit 3:10

Hĩnĩngĩtĩ ĩthĩktu niig tilooinit caannĩ nẽ etemeeꞌthu pĩĩrnanĩt, haꞌthuunnuung hatĩ naa buúk ngagiit kõr ꞌcĩ hatĩ attĩmaniini eeta cĩg lootu vẽlẽk.

Terethiinit 3:8

Haga naa thooꞌthiok vẽlẽk ꞌcĩg adĩmannu niiga. Hubbuuhihuung naa ngagiit hattũũg ꞌcĩ aitiõõ ẽẽtĩ ꞌcĩ occa aꞌnyũũg tarĩ tõõ. Aꞌnyaku nẽẽꞌthẽk ꞌtirrian ꞌcĩ abadtẽc, hĩnĩngĩtĩ nganĩĩta nẽ nga aalla aꞌthuunnu thõõth caannĩ nẽ nga ẽppẽhanit ꞌthaar cĩgannĩg ũdũt.