Yõaannẽ 17:1 - ꞌBuuk cĩ Thõõth cĩ Nyekuci

¹ Ma baa ẽdẽcaak Yeesu thõõth ꞌcĩ aduhaak nuyyiook cĩgĩnnĩg ko, ikia ĩcĩnõõthĩ hẽẽtkujjieen nẽ alaõ ĩĩ, “Baaba, õdõlan kõrra ꞌcĩ abulꞌthĩ nii Ngeeruni, hátĩ hubuluthii Ngeeruni nganiit buúk.

Yõaannẽ 17:1 ပူးပေါင်းရင်းမြစ်များ

Maarko 14:41

Ma ho, ikia õbõda Yeesu tabattĩ iyyio nẽ ĩĩnnĩk ĩhõõggõ, “Nga ooginnu noho nga ũũppattĩ? Ũttũbanoothĩk kõrra. Nẽ kõr nicci, õhõppõõcanni Ngeertĩ Eeto haaꞌnyĩhoothĩk athĩnĩĩ cĩg ꞌthẽccannioohu.

ꞌLuuka 18:13

“Baa hinnia abĩllaa luttioohiti cĩ occoro ho ꞌrẽẽna, akannĩ hẽbẽrĩ looc, hĩnĩngĩtĩ aga ngaatĩ ĩĩnĩ ꞌthẽccannioohit ꞌcĩ hõllõngaa occa ũũppan ngaatĩ acĩnõõꞌthĩ hẽẽtkujjieen. Nĩngĩtĩ ĩddaaĩ ĩyyõ nẽ alaõ ĩĩ, ‘Nyekuc, tamaatĩhaa nganĩĩt ꞌthẽccannioohit.’ ”

ꞌLuuka 22:53

Ma gõõng harũmĩ naag hĩ ngagiit hõdõõkõthĩ halangatõõ cĩ ꞌCieeth cĩ Nyekuci nẽ hiꞌthihi eet ꞌcĩ ahumma buúk. Nẽẽthĩ, ĩĩ hatĩ kõr cunuung ciee ꞌcĩ aggamĩ muguuri looc ko?”

Yõaannẽ 11:4

Ma baa athĩhĩ Yeesu nyeemuut icci ho, ikia õthõõth ĩĩ, “Aitiõõ hatĩ mõõrĩthĩ ciee hõllõngaa adtuurnik daahĩtha dioo. Ĩĩn hatĩ bulẽẽnĩt cĩ Nyekuci, hátĩ hubuluthi Ngeerĩnĩ daahĩtha nĩĩcĩ.”

Yõaannẽ 11:41

Nĩngĩtĩ ẽꞌnyẽẽhĩ eeta bẽẽ. Ma ho, ĩcĩnõõthĩ Yeesu hẽẽtkujjieen nẽ alaõ ĩĩ, “Ĩlaallẽ Baaba ngaatĩ athĩkna nganĩĩta.

Yõaannẽ 12:23

Nĩngĩtĩ ẽdẽcĩ Yeesu ĩhõõggõ annẽẽkĩ, “Õdõlan kõrra ꞌcĩ occa edeeꞌnyianĩ bulẽẽnĩtĩ cĩ Ngeertĩ Eeto.

Yõaannẽ 13:1

Ma õõa cĩ Karrama cĩ Kõr cĩ Haangittõõ, baa aga Yeesu ngaatĩ ũttũbanõõthĩhĩ kõrra ꞌcĩ occa ũũnnĩkĩ nẽẽ looc nicci nẽ õbõdõõthĩ hĩ Maaꞌnyĩ. Baa ammĩnan nẽẽ nuyyiook cĩgĩnnĩg ꞌcĩg aattĩg loota nĩnga gẽrrẽẽt, ĩꞌthõng hadaak nẽẽnĩ.

Yõaannẽ 16:32

Nẽẽthĩ, aku hatĩ kõrra nẽ ikia ẽlẽk, ꞌcĩ hatĩ ĩꞌthaaninnu niig õõt olooyyiohĩĩ cugguung hõdẽĩ hõdẽĩ. Ũũnnĩkaangu hatĩ niig nganĩĩt ẽmmẽn. Nẽẽthĩ, hõllõngaa hatĩ haaĩ naa ẽmmẽn, hĩnĩngĩtĩ aaĩ Baaba caannĩ hĩ nganĩĩta.

Yõaannẽ 7:30

Ma nĩngaata, atabit aggamit makayyiooha Yeesu, nẽẽthĩ hinnia, baa hiꞌthihi eet ꞌcĩ ahumeek ĩnõõnnõ aꞌthiit, hĩnĩngĩtĩ baa nga hũttũbanoothĩk kõrra cĩnnẽẽnĩ.

Yõaannẽ 7:39

Baa õthõõth Yeesu thõõth cĩ Lori ꞌcĩ Ẽllẽẽmĩthĩ, ꞌcĩ hatĩ aaꞌnyĩhoothĩk eet vẽlẽk ꞌcĩg ẽlẽmĩ ĩnõõnnõ. Baa nga haaꞌnyĩhoothĩk Lorii ꞌcĩ Ẽllẽẽmĩth eet umwa, hĩnĩngĩtĩ baa nga haaꞌnyĩhoothĩk Yeesu bulẽẽnĩtĩ cĩnnĩ vẽlẽk.

Yõaannẽ 8:20

Baa õthõõth Yeesu thooꞌthiok iccig baa alliman eet halaangatõõ cĩ ꞌCieeth cĩ Nyekuci, ngaatĩ õbõhõõ hĩ nĩngĩtĩ iyyangꞌthĩ eeta ꞌbaaninit. Nẽẽthĩ, baa aitiõõ ẽẽtĩ ꞌcĩ aggam ĩnõõnnõ tõõ, hĩnĩngĩtĩ baa nga hõdõlan kõrra cĩnnẽẽnĩ.

Dtiicanĩ cĩg ꞌThooyyiahu 3:13

Nyekuc cĩ Abũrahamĩ hĩ cĩ Iꞌthaako hĩ cĩ Yakobo, Nyekuc cĩ hĩbaangĩ cĩggaac ꞌcĩ aggatan dticciannioohit cĩnnĩ Yeesu baa õhõppõõcannu niig huruhi. Baa aburru niig Yeesu hẽbẽrẽẽnnĩĩ cĩg Pĩlaatõ, tananga baa adiim alahaneek Pĩlaatõ ĩnõõnnõ hũũk.

1 Pẽẽtũrũ 1:21

Nẽ hĩnĩngĩtĩ Krĩstõ, iita elemtu niig Nyekuc nẽ aꞌnyaktu lemiinit cunuung hĩ muhẽẽnĩt ꞌcĩ abũnnaa hĩ Nyekuc baa arũgtha Krĩstõ daahĩtha nẽ aaꞌnyĩk ĩnõõnnõ bulẽẽnĩt cobbi gẽrrẽẽt.