Yõaannẽ 16:9 - ꞌBuuk cĩ Thõõth cĩ Nyekuci

⁹ Eterꞌtheek hatĩ Lorii ĩhõõggõ, ngaatĩ ĩĩnnĩ nẽẽg ꞌthẽccanniook, hĩnĩngĩtĩ baa hõllõngaa ẽlẽmma nẽẽg nganĩĩta.

Yõaannẽ 16:9 ပူးပေါင်းရင်းမြစ်များ

Maarko 16:16

Ẽẽtĩ ꞌcĩ ẽlẽmĩ nyeemuut nẽ aggam baattithimo, eelliaa hatĩ nẽẽnĩ, nẽẽthĩ, ẽẽtĩ ꞌcĩ hõllõngaa ẽlẽmĩ, uuki hatĩ nẽẽnĩ.

Yõaannẽ 16:8

“Aku hatĩ Lorii ꞌcĩ Ẽllẽẽmĩth hikia heteretheek eet cĩg looc nicci, bathi cĩ ꞌthẽccaanõ hĩ bũnnai cĩ Nyekuci, hĩ thõõth ꞌcĩ ẽttẽẽdĩ Nyekuci thooꞌthiok.

ꞌRooma 7:9

Baa harugi naa baa nga haga nyattal. Ma baa hikia hagawa nyattal, ikia ittiran ꞌthẽccanĩ.

1 Timotteeo 1:13

Tananga baa gõõng hothoothi naa thooꞌthiok ꞌcĩg abathĩ ꞌcĩg hõdõõmĩ Nyekuc, hĩ ꞌcĩg huuki lemmiook cĩgĩnnĩg gẽrrẽẽt, aalla ammaannĩkaa nẽẽ nganĩĩt noho, hĩnĩngĩtĩ baa nga hẽlẽm naa ĩnõõnnõ nẽ nga haga thõõth ꞌcĩ hadticani ho buúk.

Ebereei 3:12

ꞌGotoonoga hĩ ngoonoga, ĩcĩnĩt jurrung ma hakidannu hode haꞌnyaku ꞌthinneeti ꞌcĩg abathĩ ꞌcĩg aaꞌnyuung ũtũngteek thõõth cĩ Nyekuc ꞌcĩ arũgĩ.