Yõaannẽ 16:7 - ꞌBuuk cĩ Thõõth cĩ Nyekuci

⁷ Nẽẽthĩ haduhaakuung dĩdĩ, hõkõ naa ĩĩmwaanĩ, hĩnĩngĩtĩ bũnnai cunuung. Ma hõllõngaa hõkõ, aitiõõ hatĩ Ellioohiti hõllõngaa aku hĩ ngagiita nẽ má hũũha, hõkõ hatĩ hĩꞌthõõakuung ngagiit ĩnõõnnõ.

Yõaannẽ 16:7 ပူးပေါင်းရင်းမြစ်များ

ꞌLuuka 24:49

Hõkõ hatĩ hĩꞌthõõakuung naa ngagiit eet baa aduha Baaba. Nẽẽthĩ, aallattia ꞌtaaũnatõõ ĩꞌthõng haaꞌnyĩhoothĩhuung ꞌtirriani ꞌcĩ aku hẽẽtahujjieen.”

ꞌLuuka 4:25

Baa mẽẽlĩg ngaatĩbõyyĩꞌnya looccaa cĩ Ĩꞌthĩraẽlĩ, korrioohĩĩ baag aayyi põrõvẽtaacĩ Eliijja loota nĩnga. Waathinnioohĩĩ baag aitiõõnnĩ tammu irkiꞌnyia iyyio hĩ nyĩlõhĩ tõrkõnõn, ikia ĩꞌthaan nyarõnĩ cobbi looc vẽlẽk.

ꞌLuuka 9:27

Haduhaakuung dĩdĩ, aattĩg eeta ũgẽẽgĩ hõrggẽẽnaa cunuung ꞌcĩg hatĩ arũgĩ ĩꞌthõng hĩcĩnĩt habuccieet cĩ Nyekuci.”

Yõaannẽ 14:26

Nẽẽthĩ, aku hatĩ Ellioohiti, Lorii ꞌcĩ Ẽllẽẽmĩth, ꞌcĩ hatĩ ĩꞌthõõa Baaba ꞌthaarĩĩ cĩgannĩg, hátĩ hikia hillimaneehuung thooꞌthiok vẽlẽk nẽ ummuhaahuung thooꞌthiok baag haduhaakuung naana.

Yõaannẽ 14:28

“Baa ĩthĩktaangu niig nganĩĩt ngaatĩ haĩnnĩ, ‘Hõkõ naa ĩĩmwaanĩ nẽ hatĩ hõbõda tarĩ hĩ ngagiita.’ Má ammĩnannaangu niig nganĩĩt dĩdĩ, accamanoothiku hatĩ ngaatĩ hõbõdõõꞌthĩ naa hĩ Baaba, hĩnĩngĩtĩ maka nẽẽ hĩ nganĩĩta.

Yõaannẽ 14:3

Nẽ má hũũk hũkũmaneeha nĩngĩtĩ cunuung ko, hõbõda hatĩ nẽ hikia huukuung hõõt hũrũmtĩ hõdẽĩ nẽ aauttu niig buúk ngaatĩ haayyi naana.

Yõaannẽ 15:26

“Ma ikia Tilooyyiohiti ꞌcĩ hatĩ hĩꞌthõõakuung naa hĩ Baaba, Lori ꞌcĩ Thõõth ꞌcĩ ĩĩn dĩdĩ ꞌcĩ aku hĩ Baaba, aku hatĩ etereꞌthuung ngagiit thõõth caannĩ.

Yõaannẽ 16:8

“Aku hatĩ Lorii ꞌcĩ Ẽllẽẽmĩth hikia heteretheek eet cĩg looc nicci, bathi cĩ ꞌthẽccaanõ hĩ bũnnai cĩ Nyekuci, hĩ thõõth ꞌcĩ ẽttẽẽdĩ Nyekuci thooꞌthiok.

Yõaannẽ 7:39

Baa õthõõth Yeesu thõõth cĩ Lori ꞌcĩ Ẽllẽẽmĩthĩ, ꞌcĩ hatĩ aaꞌnyĩhoothĩk eet vẽlẽk ꞌcĩg ẽlẽmĩ ĩnõõnnõ. Baa nga haaꞌnyĩhoothĩk Lorii ꞌcĩ Ẽllẽẽmĩth eet umwa, hĩnĩngĩtĩ baa nga haaꞌnyĩhoothĩk Yeesu bulẽẽnĩtĩ cĩnnĩ vẽlẽk.

Dtiicanĩ cĩg ꞌThooyyiahu 10:34

Ma ho, iꞌthianaaĩ Pẽẽtũrũ õthõõth ĩĩ, “Nẽ ꞌyioko hagawa dĩdĩ Nyekuc dioo ꞌcĩ hõllõngaa ahal eeta,

Dtiicanĩ cĩg ꞌThooyyiahu 2:33

Õdõngĩ Yeesu hẽẽtahujjieen hũũk haau attiaa cobbi ĩĩcĩ Nyekuci nẽ aaꞌnyĩk Baangẽẽtĩ ĩnõõnnõ Lori ꞌcĩ Ẽllẽẽmĩth hĩ baa aduha Nyekuci. Ĩĩn Yeesu buúk eet ꞌcĩ aaꞌnyeet ngagĩĩt Lori ꞌcĩ Ẽllẽẽmĩthĩ, ĩnõõ ꞌyioko thõõth ꞌcĩ acinnu ngaatĩ õthõõthĩ nuyyiooha thooꞌthiohĩ cũũmõ cũũmõ ho.

ꞌRooma 8:28

Nẽ haga naag buúk haĩ hẽlẽggẽẽnnĩ vẽlẽk, adtican Nyekuci ꞌgii ꞌcĩ abũnnaa, hĩnĩngĩtĩ eet ꞌcĩg ammĩnan ĩnõõnnõ, baag avvaa tabiittaa cĩnnĩ.

2 Korinthia 4:17

Nẽ pĩĩrnanĩtĩ ciee haꞌnyak naag abadtẽc ko, ĩĩn ꞌcĩ akũmaneekeet ngagĩĩt, hátĩ hummuddia bulẽẽnĩt ꞌcĩ maka ꞌcĩ aalla ooo.