Yõaannẽ 16:2 - ꞌBuuk cĩ Thõõth cĩ Nyekuci

² Iiggiaeekuung hatĩ eeta ngagiit ꞌCieethaa cĩ Laiitto battaala. Nẽ dĩdĩ, aku hatĩ kõrra ꞌcĩ arukuung ẽẽtĩ umwaa ngagiita nẽ ummuk ĩĩ hadticanoothihi Nyekuc.

Yõaannẽ 16:2 ပူးပေါင်းရင်းမြစ်များ

Maatteeo 10:28

Ma hiꞌngolinnu eet ꞌcĩg aruk ẽlẽ diooni nẽ hõllõngaa occa aruk lori buúk. Itingolli Nyekuc diooni ꞌcĩ occa aruk ẽlẽ hĩ lori cunuung ꞌgwoyyiaa ꞌcĩ aalla ũdũt.

Maatteeo 24:9

“Aggamiinnu hatĩ nẽ aarrihoothihu baabuuth nẽ uukteu hode aruheennu thõng buúk. Akannannuung hatĩ eeta cĩg loonyin vẽlẽk, hĩnĩngĩtĩ nganĩĩta.

ꞌLuuka 6:22

Aggatatteeu niig hatĩ aaburreekuung eeta, nẽ ibiꞌthuunga nẽ odoomtuung nẽ utuburruung aaut hĩ eeta ꞌcĩg abaꞌthu, hĩnĩngĩtĩ Ngeertĩ Eeto.

Yõaannẽ 12:42

Nẽẽthĩ, kõr niccia noho, baa mẽẽlĩg makayyiooha cĩg ꞌJudeei ꞌcĩg ẽlẽmĩ Yeesu. Nẽẽthĩ hinnia, baa hõllõngaa ẽdẽẽnya nẽẽg lemiinit cĩnĩĩng, hĩnĩngĩtĩ iꞌngolli Variꞌtheei ꞌcĩg occa iiggiawaak ĩhõõggõ battaala ꞌCieethaa cĩ Laiitto.

Yõaannẽ 16:25

“Tananga baa hadticaniini naa thooꞌthiok ꞌcĩg awantoothĩhĩ, aku hatĩ kõrra ꞌcĩ hõllõngaa hadticaniini naa thooꞌthiok ꞌcĩg awantoothĩk ko tarĩ, nẽẽthĩ, haduhaakuung hatĩ cũrũmũũm thõõth cĩ Baaba.

Yõaannẽ 16:32

Nẽẽthĩ, aku hatĩ kõrra nẽ ikia ẽlẽk, ꞌcĩ hatĩ ĩꞌthaaninnu niig õõt olooyyiohĩĩ cugguung hõdẽĩ hõdẽĩ. Ũũnnĩkaangu hatĩ niig nganĩĩt ẽmmẽn. Nẽẽthĩ, hõllõngaa hatĩ haaĩ naa ẽmmẽn, hĩnĩngĩtĩ aaĩ Baaba caannĩ hĩ nganĩĩta.

Yõaannẽ 4:21

Ẽdẽcĩ Yeesu ĩnõõnnõ anneek, “Lẽẽm thõõth caannĩ ngaa cieeni, aaĩ hatĩ kõrra ꞌcĩ hõllõngaa alayyu niig Baaba ngaati, hode ꞌJeruꞌthalẽma.

Yõaannẽ 4:23

Aaĩ hatĩ kõrra nẽ ikia ẽlẽk, ꞌcĩ hatĩ aaꞌnyĩkĩ Lorii ꞌcĩ Ẽllẽẽmĩth eet halaacõ Baaba ꞌgõõlaa ꞌcĩ ĩĩn dĩdĩ, hĩnĩngĩtĩ ĩĩn nẽẽg eet cĩg adiim Baaba halaacõ ĩnõõnnõ ꞌgõõla nĩĩca.

Yõaannẽ 9:22

Baa õthõõth maaꞌnyia hĩ aattĩnnĩ hoti, hĩnĩngĩtĩ baa iꞌngolli nẽẽg eet cĩg ꞌJudeei, hĩnĩngĩtĩ baa aarrik nẽẽg thõõth ꞌcĩ iiggiaẽẽkĩ eet ꞌcĩ ẽlẽmĩ aĩ ĩĩn Yeesu Krĩstõ ho, ꞌCieethaa cĩ Laiitto battaala.

Yõaannẽ 9:34

Ẽdẽcĩ makayyiooha anneek, “Ĩĩnĩ baa nii ꞌthẽccannioohit nganĩngĩtĩ arrittiaanĩ! Occa ꞌyioko allimanneet nii ngagĩĩta?” Nĩngĩtĩ iiggiaẽẽkĩ ĩnõõnnõ battaala.

Dtiicanĩ cĩg ꞌThooyyiahu 5:33

Ma baa athĩhĩ paadĩrĩ cobbi hĩ Thadutheei lokihooatõõ thõõth icci ho, iita ĩlĩĩllẽẽcõ gẽrrẽẽt hatabit huruhit ꞌthooyyiak.

Dtiicanĩ cĩg ꞌThooyyiahu 7:56

Nĩngĩtĩ aĩnnĩ Tẽẽvẽnõ, “Ĩcĩnĩt nõõ, hadtuuha abbuuhi hẽẽtkujjieen nẽ abĩlĩ Ngeertĩ Eeto attiaa cobbi ĩcĩ Nyekuci!”

1 Korinthia 4:13

Má othooꞌtheet eeta ꞌbuth, hẽdẽcca tarbalꞌthẽẽta. Acĩnneet eeta cĩg looc nicci hĩ tahaha haaga, hĩĩ kõr hĩ niccieeni.

Pilippi 3:6

Nẽ baa hẽmmẽdaanĩ naa ngaatĩ hẽhẽcĩ lothippit cĩ lemmiook cĩg Krĩstõ ũgĩ nẽ huruha ũgĩ. Baa hadĩmani naa thooꞌthiok vẽlẽk ꞌcĩg adiim nyattalĩ jurrung hammuhi hinnia haini, hátĩ haccamanoothĩk Nyekuci.

Terethiinit 6:9

Ma baa awaanyan Mĩꞌnyõõn doolliang ꞌcĩ ĩĩn ꞌtur ko, hadtuuha hinnia loriẽẽt ꞌcĩg aattĩg altaarĩa loota cĩg eet baag aruhi vẽlẽk, hĩnĩngĩtĩ baa ẽlẽmĩ nẽẽg nẽ othoothito thõõth cĩ Nyekuci.