Yõaannẽ 15:8 - ꞌBuuk cĩ Thõõth cĩ Nyekuci

⁸ Ĩĩn thõõth ciee bulẽẽnĩt hĩ Baaba ngaatĩ hatĩ oddongottu jurrung nẽ etereꞌthiaau eleeti cugguung, ngaatĩ iiginnu nuyyiook cĩgannĩg.

Yõaannẽ 15:8 ပူးပေါင်းရင်းမြစ်များ

Maatteeo 5:16

Nẽ ꞌgõõla hõdẽẽthõng, aꞌnyĩĩk thooꞌthiok ꞌcĩg abũnnaa ꞌcĩg adĩmani nii hatalanyit hudtuukta eeta vẽlẽk, hatĩ hĩdĩhĩthĩt eeta Maaꞌnyu cĩ hẽẽtkujjieen.”

Maatteeo 5:44

Nẽẽthĩ, haduhaakuung hanneekuung, ĩmmĩnanit mĩrõk cugguung nẽ alayyiooyyu eet ꞌcĩg adĩmannuung ngagiit ꞌbuth.

Maatteeo 9:8

Ma baa acĩn lothippiti thõõth icci ho, iita aꞌngalilli nẽẽg gẽrrẽẽt ũdũt nẽ ĩdĩhĩthĩt Nyekuc ꞌcĩ aaꞌnyĩk eet makaaꞌthĩt ꞌcĩ aaĩ noho ho.

ꞌLuuka 6:35

Nẽẽthĩ, ĩmmĩnanit mĩrõk cugguung nẽ ĩdĩmatteehu thooꞌthiok ꞌcĩg abũnnaa. Nẽ má aaꞌnyiku ĩhõõggõ ꞌgiimwa, ma hadiimmu hoboddiaakuung tarĩ. Ĩnõõ ꞌcĩ hatĩ ammũdaannu ꞌbaaninit ꞌcĩ maka gẽrrẽẽt nẽ iittu lõhõlĩ cĩg Nyekuc ꞌcĩ ĩllõõan vẽlẽk. Hĩnĩngĩtĩ tarbal nẽẽ hĩ eet ꞌcĩg ĩĩn ꞌthẽccanniook hĩ ꞌcĩg hõllõngaa atalĩ ĩnõõnnõ buúk.

Yõaannẽ 13:35

Má ammĩnanoonnu niiga, aga hatĩ eeta vẽlẽk aĩ, iiginnu niig nuyyiook cĩgannĩg.”

Yõaannẽ 15:5

“Haaĩ naa hĩ hẽẽt cĩ viinoo nẽ aauttu niig hĩ tabana cĩgĩnnẽẽgĩ. Má aalla ẽẽtĩ hĩ nganĩĩta nẽ haau naa hĩ ĩnõõnnõ, õddõngõt hatĩ nẽẽ jurrung. Nẽẽthĩ, má haitiõõ naa hĩ ngagiit tõõ, aitiõõ ꞌgii ꞌcĩ occa adĩmannu niig tõõ.

Yõaannẽ 8:31

Baa aduhaak Yeesu eet cĩg ꞌJudeei ꞌcĩg ẽlẽmĩ ĩnõõnnõ anneek, “Má aꞌthuunnu niig ꞌlimman caannĩ, iiginnu nuyyiook cĩgannĩg dĩdĩ.

1 Korinthia 10:31

Nẽẽthĩ hoti ho, má aduheennu nẽ uhuddieeu hode adĩmannu hẽlẽggĩ ꞌcĩg adiimmu niiga, ĩdĩmanit ĩhõõggõ vẽlẽk hĩĩtõ bulẽẽnĩt cĩ Nyekuci.

1 Korinthia 6:20

baa uuttiannu niig thõng. Nẽẽthĩ hoti ho, itingolli Nyekuc eleetinii cugguung.

Pilippi 1:11

Aaꞌnyuung hatĩ Yeesu Krĩstõ aallattia idticanit dtiicanĩ ꞌcĩg abũnnaa, ꞌcĩg aꞌnyahaak Nyekuc bulẽẽnĩt hĩ dĩhĩthẽẽnĩt.

Tiito 2:10

hode ĩgõrĩth hẽlẽggĩ cĩggĩĩng. Abũnnaa ĩĩn nẽẽg eet ꞌcĩg iꞌngolli thooꞌthiok cĩg makayyiook cĩggĩĩng, hátĩ haanytĩk ꞌlimman cĩ Nyekuc ꞌcĩ ĩĩn Ellioohit cĩnaac hubuluthi.

Tiito 2:5

hátĩ huꞌthuutti eleeti nẽ ũtũbũrĩt thooꞌthiok ꞌcĩg ĩĩn ꞌriiring, hĩĩtõ ngaaĩ ꞌcĩg aꞌthũũnnĩ olooyyiok cĩggĩĩng nẽ ĩthĩhĩt thooꞌthiok cĩg maaccwa cĩggĩĩng, hátĩ hiittiõõ eeta ꞌcĩg õthõõth thõõth cĩ Nyekuci ꞌbuth tõõ.

1 Pẽẽtũrũ 2:12

Aaut jurrung hatĩ arũmeennu hĩ eet ꞌcĩg nga helemit Nyekuc, tananga õhõppõõcannuung nẽẽg ngagiit thooꞌthiohĩĩ ꞌcĩg abathĩ. Ma hatĩ kõr ꞌcĩ ẽttẽẽdĩ Nyekuci thooꞌthiok, adĩhĩth hatĩ nẽẽg Nyekuc ngaatĩ aduhaanĩ thooꞌthiok ꞌcĩg abũnnaa ꞌcĩg baag acĩn adĩmani niina.

1 Pẽẽtũrũ 4:11

Má aꞌnyahi ꞌbaaninit ꞌcĩ õthõõthĩ, duhaak eet thõõth cĩ Nyekuci. Má aꞌnyahi ꞌbaaninit ꞌcĩ ẽẽlĩ eeta, dticcian ꞌthẽk noho ꞌtirriaanaa ĩbaa aaꞌnyi Nyekuci. Adiim occa adticanni hẽlẽggĩ vẽlẽk ꞌgõõlaa ꞌcĩ occa aꞌnyahaakĩ Nyekuc bulẽẽnĩt, hĩnĩngĩtĩ Yeesu Krĩstõ ꞌcĩ abuli nẽ ittiran irkiꞌnyia hĩ irkiꞌnyia. Aamẽn.