Yõaannẽ 15:7 - ꞌBuuk cĩ Thõõth cĩ Nyekuci

⁷ Má aallannu niig hĩ nganĩĩta nẽ aallattia thooꞌthioha cĩgannĩg hĩ ngagiita, ijinit ꞌgii vẽlẽk ꞌcĩ adiimmu nẽ hatĩ aaꞌnyĩhoothĩhuung ngagiita.

Yõaannẽ 15:7 ပူးပေါင်းရင်းမြစ်များ

Maatteeo 7:7

“Ijinit, hátĩ haaꞌnyĩhoothĩhuunga. Idiimit, hátĩ ummuddia. Uruhit hattũũg nẽ hatĩ ubbuuhothoothĩhuunga.

Yõaannẽ 14:13

Ijittaangu nganĩĩta nẽ hatĩ hĩdĩmaneehuung naa thõõth ꞌcĩ adiimmu ho, hátĩ haaꞌnyĩk Ngeerĩnĩ Maaꞌnyĩ bulẽẽnĩt.

Yõaannẽ 15:16

“Baa hõllõngaa ẽbẽrannaangu niig nganĩĩta, nganĩĩt ꞌcĩ baa hẽbẽraannuung ngagiita nẽ hĩꞌthooung õõt ĩꞌthaattĩk nyeemuut caannĩ looc. Nẽẽthĩ hatĩ aaꞌnyuung Baaba ꞌgii ꞌcĩ ajinnu niig ĩnõõnnõ ꞌthaarĩĩ cĩgannĩg.

Yõaannẽ 16:23

Kõr niccia, iittiõõ hatĩ ꞌgii ꞌcĩ nga ajinnaangu niig nganĩĩt tõõ. Haduhaakuung dĩdĩ, aaꞌnyuung hatĩ Baaba ꞌgii vẽlẽk ꞌcĩ ajinnu niig ĩnõõnnõ ꞌthaarĩĩ cĩgannĩg.

Yõaannẽ 8:31

Baa aduhaak Yeesu eet cĩg ꞌJudeei ꞌcĩg ẽlẽmĩ ĩnõõnnõ anneek, “Má aꞌthuunnu niig ꞌlimman caannĩ, iiginnu nuyyiook cĩgannĩg dĩdĩ.

Yõaannẽ 8:37

Haga naa iiginnu niig lõhõlĩ cĩg Abũrahamĩ. Nẽ adiimmu hinnia arukaangu nganĩĩt thõng, hĩnĩngĩtĩ hõllõngaa elemmu niig thõõth caannĩ.

ꞌGalaaꞌthia 4:2

Aꞌthũũnnĩ tilooyyiohiti loholeec, ĩꞌthõng hikia kõrra ꞌcĩ hatĩ aduhaanĩ maaꞌnyia aĩnnĩ, ũũppan loholeec ngaatĩ aggamĩ õlõ.

ꞌGalaaꞌthia 5:16

Nẽẽthĩ, hĩĩna naa nẽẽ, aꞌnyahit rũgẽt cunuung Loriiaa ꞌcĩ Ẽllẽẽmĩthĩ, nẽẽthĩ hatĩ iittiõõ hõllõngaa adticannu ꞌthẽccanẽẽt ꞌcĩg abathĩ ꞌcĩg abũraneeku niiga.

Kolooꞌthe 3:16

Aanytĩk nyeemuut cĩ Krĩstõ haau hĩ ngagiit rũgẽtaa cunuung vẽlẽk, hĩcĩ adticaniinnu ꞌgẽẽnyĩth cunuung vẽlẽk ngaatĩ allimannu ꞌgoonogu. Ebenit tegellwa cĩg laiittak taliitta nẽ iittihu Nyekuc ĩlaallẽ.

1 Yõaannẽ 2:14

Hẽhẽẽdakuung naa waraga ngagiit lõhõlĩ, hĩnĩngĩtĩ agayyu niig Baangeet. Hẽhẽẽdakuung naa ngagiit waraga nyakangaaꞌnya hĩ morwak, hĩnĩngĩtĩ iita agayyu niig Krĩstõ, baa aaĩ baa nga heteheꞌnyiaa lõõcĩ. Hẽhẽẽdakuung ngagiit nyahaappanĩt hĩ buheeci, hĩnĩngĩtĩ attirannu niiga. Õkõmĩ thõõth cĩ Nyekuci ꞌthinneetinii cugguung nẽ ĩllõõattu niig ꞌThĩttaan.

1 Yõaannẽ 2:27

Nẽ aggatannuung Krĩstõ ngagiit Loriiaa ꞌcĩ Ẽllẽẽmĩthĩ. Nẽẽthĩ ꞌyioko, aau Lorii hĩ ngagiit nẽ occa hõllõngaa adiimmu ꞌlimmanniook ũgĩ tarĩ. Hĩnĩngĩtĩ aduha Lorii thõõth ꞌcĩ ĩĩn dĩdĩ nẽ illimanuung ꞌgii vẽlẽk. Nẽẽthĩ hoti ho, aallattia ũrũmĩt ꞌthinneeti hĩ Krĩstõ, hĩ baa illimaneehuung Lorii ngagiit ĩdĩmanit.

1 Yõaannẽ 3:22

Aaꞌnyeet hatĩ nẽẽ ngagĩĩt ꞌgii vẽlẽk ꞌcĩ hajin naag ĩnõõnnõ, hĩnĩngĩtĩ hathĩhĩ naag thõõth cĩnnĩ nẽ hĩdĩmanit thooꞌthiok ꞌcĩg accamana nẽẽnĩ.

1 Yõaannẽ 5:14

Haga naag jurrung haĩ, ẽlẽmĩ hatĩ Nyekuci laiinit cĩnaac, hatĩ hajin naag ĩnõõnnõ thõõth ꞌcĩ accamana nẽẽnĩ.