Yõaannẽ 15:5 - ꞌBuuk cĩ Thõõth cĩ Nyekuci

⁵ “Haaĩ naa hĩ hẽẽt cĩ viinoo nẽ aauttu niig hĩ tabana cĩgĩnnẽẽgĩ. Má aalla ẽẽtĩ hĩ nganĩĩta nẽ haau naa hĩ ĩnõõnnõ, õddõngõt hatĩ nẽẽ jurrung. Nẽẽthĩ, má haitiõõ naa hĩ ngagiit tõõ, aitiõõ ꞌgii ꞌcĩ occa adĩmannu niig tõõ.

Yõaannẽ 15:5 ပူးပေါင်းရင်းမြစ်များ

Pilippi 4:13

Occa hadticani ꞌgii vẽlẽk, hĩnĩngĩtĩ Krĩstõ ꞌcĩ aaꞌnya nganĩĩt ꞌtirrian ko.

Kolooꞌthe 1:10

Nẽ hatĩ aꞌnyaktu rũgẽt ꞌcĩ adĩhĩꞌthu Makayyioohit nẽ aanytĩhu ĩnõõnnõ haccamanoothĩk hõdõõkõthĩ, ngaatĩ adĩmannu dtiicanĩ ꞌcĩg abũnnaa. Au hatĩ agayyu niig Nyekuc hĩllõõan.

Yõaannẽ 15:16

“Baa hõllõngaa ẽbẽrannaangu niig nganĩĩta, nganĩĩt ꞌcĩ baa hẽbẽraannuung ngagiita nẽ hĩꞌthooung õõt ĩꞌthaattĩk nyeemuut caannĩ looc. Nẽẽthĩ hatĩ aaꞌnyuung Baaba ꞌgii ꞌcĩ ajinnu niig ĩnõõnnõ ꞌthaarĩĩ cĩgannĩg.

ꞌGalaaꞌthia 5:22

Nẽẽthĩ, aaꞌnyeet Lorii ꞌcĩ Ẽllẽẽmĩth hĩmmĩnattõ, haccamattoothĩk, haaut lõꞌngõõc, haꞌnyahit ꞌthinneeti ꞌcĩg makatĩg, hĩĩtõ tarbalĩg, hũbũttaath, huꞌthuutti lemiinit,

2 Korinthia 13:8

Hĩnĩngĩtĩ occa hõllõngaa hadĩmanna naag thooꞌthiok ꞌcĩg hõllõngaa ĩĩn dĩdĩ ꞌcĩg abũrĩ nyeemuut cĩ Krĩstõ.

Yõaannẽ 5:19

Ma nĩngaata, ẽdẽc Yeesu makayyiook cĩg ꞌJudeei ĩĩnnĩk, “Haduhaakuung dĩdĩ, aitiõõ ꞌgii ꞌcĩ adtican Ngeertĩ Nyekuci ẽmmẽn tõõ. Adĩman nẽẽ thõõth ꞌcĩ acĩna hĩ Maaꞌnyĩ. ꞌGii ꞌcĩ adĩman Maaꞌnyia, adĩman Ngeerĩnĩ buúk.

ꞌJeemith 1:17

Aku ꞌbaaniniti ꞌcĩ abũnnaa ꞌcĩ tẽllĩ hẽẽtahujjieen hĩ Baangeet ꞌcĩ ẽhẽnyta lanyit cĩ hẽẽtkujjieen, aalla nẽẽ hõdõõkõthĩ ꞌgõõla hõdẽẽthõng nẽ hõllõngaa ũũkcĩ hĩ ꞌriiyyiẽta.

2 Pẽẽtũrũ 3:18

Aꞌnyĩĩk bũnnai hĩ gaiinit ꞌcĩ aku hĩ Makayyioohit hĩ Ellioohit cĩnaac Yeesu Krĩstõ, heelluung ngagiit ĩtĩlĩthĩt. Ĩdĩhĩthĩt Yeesu ꞌyioko hĩ ooo! Aamẽn.

Yõaannẽ 12:24

Haduhaakuung dĩdĩ, má hõllõngaa adhuhoothĩk hinyomooc cĩ ꞌgẽẽmẽ loota nẽ õtõngõla, aalla hatĩ idiongan odoyyii noho. Nẽ má õtõngõla, aku hatĩ abũtha hĩtĩlĩth haꞌnyaha ꞌgẽẽmẽ ꞌcĩg mẽẽlĩg.

ꞌRooma 7:4

Nẽẽthĩ hoti ho, ꞌgotoonoga hĩ ngoonoga, adaaktu niig buúk nyattaala, hĩnĩngĩtĩ ẽlẽ cĩ Krĩstõ, hátĩ ĩĩtõ eet cĩg Krĩstõ baag arũgna daahĩtha nẽ hĩĩtõ naag eet ꞌcĩg hadticanoothĩk Nyekuc.

Pilippi 1:11

Aaꞌnyuung hatĩ Yeesu Krĩstõ aallattia idticanit dtiicanĩ ꞌcĩg abũnnaa, ꞌcĩg aꞌnyahaak Nyekuc bulẽẽnĩt hĩ dĩhĩthẽẽnĩt.

Yõaannẽ 9:33

Má baa hiittiõõ ẽẽtĩ ciee hõllõngaa aku hĩ Nyekuc, occa baa hõllõngaa aaꞌnya hĩcĩnĩ.”

Pilippi 4:17

Hothoothi naa hoti hõllõngaa, hĩnĩngĩtĩ hadiimi ꞌbaaninit umwa hĩ ngagiita, nẽẽthĩ, hadiimmuung naa ngagiit ummuddia dũman cĩ tarbalꞌthẽẽt cunuung.

ꞌRooma 6:22

Nẽẽthĩ ꞌyioko, hĩcĩ õõgtau niig ꞌthẽccaana nẽ iittu appahacaaꞌnya cĩg Nyekuci ho, ikia ꞌbaaniniti baa ammũdaannu niig ko, uukuung ngagiit thõõthaa ꞌcĩ ẽllẽẽmĩth hĩ rũgẽtaa ꞌcĩ aalla ooo.

Dtiicanĩ cĩg ꞌThooyyiahu 4:12

Yeesu dioo ꞌcĩ aꞌnyak ꞌtirrian ꞌcĩ eellianĩ eeta. ꞌThaar cĩgĩnnĩg dioo loota nĩnga ꞌcĩg occa ẽẽla eet umwa.”

1 Korinthia 12:12

Ĩĩn ẽlẽ hõdẽẽthõng, tananga ẽhẽnytaa haꞌnyak dhooriꞌnya ꞌcĩg mẽẽlĩg nẽ tananga mẽẽlĩg dhooriꞌnya cĩgĩnnẽẽgĩ, ĩĩn nẽẽg vẽlẽk ẽlẽ hõdẽẽthõng. Nẽ aaĩ ẽlẽ cĩ Krĩstõ buúk noho.

1 Pẽẽtũrũ 2:4

Iita hĩ Yeesu Krĩstõ. Ĩĩn nẽẽ Makayyioohit ꞌcĩ aaĩ hĩ bẽẽ ꞌcĩ arũgĩ, ꞌcĩ baa abũrĩ eeta baag ẽbẽra Nyekuci nẽ aaddi hĩ ĩnõõnnõ gẽrrẽẽt.

1 Korinthia 12:27

Nẽẽthĩ ꞌyioko, ĩĩgĩnnu niig ẽlẽ cĩ Krĩstõ nẽ niig hõdẽĩ hõdẽĩ, iiginnu dhoorit cĩ ẽlẽ cĩnnĩ ho.

Eevvetho 5:9

hĩnĩngĩtĩ aꞌnyaha lanyit ciee aaĩ hĩ ngagiit ko, thõõth ꞌcĩ abũnnaa hĩ ꞌcĩ aũlanĩ hĩ ꞌcĩ ĩĩn dĩdĩ diooni.

2 Korinthia 9:10

Nyekuc ꞌcĩ aaꞌnyĩk kattiook hinyomo hathacit nẽ aaꞌnyĩk ꞌgẽẽn buúk. Ĩttõõr hatĩ nẽẽ ꞌgii vẽlẽk ꞌcĩ aꞌnyaku niiga, hatĩ ĩttoorru niig buúk ꞌbaaninit ꞌcĩ aaꞌnyiku ꞌgoonogu ꞌcĩg appĩĩrna.

Kolooꞌthe 1:6

ĩꞌthanothoothĩk nyeemuut ciee loonyin vẽlẽk ꞌgõõlaa ꞌcĩ abũnnaa gẽrrẽẽt. Nẽ ikia ĩtĩlĩth ꞌgõõla hõdẽẽthõng hõrggẽẽnaa cunuung, nganĩngĩtĩ kõr baa athiknu niig thõõth ꞌcĩ ĩĩn dĩdĩ cĩ tarbalꞌthẽẽt cĩ Nyekuci, thooꞌthiohĩ vẽlẽk ĩcĩg ĩĩn dĩdĩ.

ꞌRooma 12:5

Nẽẽthĩ, haattĩg naag buúk noho. Hĩĩgĩn naag mẽẽlĩg nẽ harummiaa hĩĩgĩn ẽlẽ hõdẽẽthõng hĩ Krĩstõ nẽ dhooriꞌnya cieeg vẽlẽk, ĩĩn cĩg ꞌgõõnõgĩ vẽlẽk.

1 Korinthia 10:16

Ma hahũdĩ naag hooppoa ꞌcĩ hannẽẽkĩ Nyekuc ĩlaallẽ, hõllõngaa ĩĩn niccia ꞌgõõl ꞌcĩ hõthõlĩ biyyi cĩg Krĩstõ? Nẽ ma hẽꞌngẽr naag ũbũnĩ ꞌcĩ haduk thõng, hõllõngaa ĩĩn niccia ꞌgõõl ꞌcĩ hõthõlĩ naag ẽlẽ cĩ Krĩstõ?

Maatteeo 13:21

Nẽ hĩnĩngĩtĩ hõllõngaa aꞌnyak nẽẽg cõrrẽẽn ꞌcĩg uuthihi, hõllõngaa aalla lemiiniti cĩnĩĩng ĩꞌthõng. Má õkõmĩ rũgẽtĩ ho, hode aaꞌnyĩk nyeemuut ĩhõõggõ ꞌcannan, iita aharrieek nẽẽg thõõth cĩ Nyekuci.