Yõaannẽ 15:1 - ꞌBuuk cĩ Thõõth cĩ Nyekuci

¹ Baa aduhaak Yeesu nuyyiook cĩgĩnnĩg anneek, “Hĩĩnĩ naa hẽẽt cĩ viinoo ꞌcĩ ĩĩn dĩdĩ nẽ ĩĩ Baaba baattĩ manu.

Yõaannẽ 15:1 ပူးပေါင်းရင်းမြစ်များ

Maatteeo 15:13

Ẽdẽcĩ Yeesu ĩhõõggõ anneek, “Abbutanniaa hatĩ hẽẽna vẽlẽk ꞌcĩg baag hõllõngaa atiboolan Nyakangaan caannĩ ꞌcĩ aaĩ hẽẽtahujjieen cõrrẽẽnĩ noho.

Maatteeo 20:1

Baa aduha Yeesu ꞌgõõl ꞌcĩ hatĩ aayyi habuccieet cĩ hẽẽtkujjieen aĩ, “Aaĩ habuccieet cĩ hẽẽtkujjieen hĩ baattĩ manu ꞌcĩ õkõ kõr umwa ngerrenita nẽ ũlũta eet hiita hakattio manaa cĩnnĩ ĩcĩ viinoo.

Maatteeo 21:33

Ĩthĩhĩt dtẽẽllẽn ũgĩ ꞌcĩg awantoothĩk aĩ, “Baa aaĩ eet umwaa ꞌcĩ õkõ atiboolan hẽẽn cĩg viinoaak nẽ ũlũk araan hirriaman nẽ ada ꞌlook ꞌcĩ ammaccĩ viino nẽ ẽttẽẽd lobelĩ ꞌcĩ behiitto. Ma nĩngaata, ikia ũtũngẽẽhĩ mana cĩnnĩ ho eet ũgĩ hebehit, nĩngĩtĩ õkõõĩ hẽẽrõna looccaa umwaanĩ.

Maarko 12:1

Baa iꞌthianaanĩ Yeesu aduhaak makayyiook cĩg ꞌJudeei thõõth ꞌcĩ awantoothĩk anneek, “Baa aaĩ ẽẽtĩ umwaa ꞌcĩ atiboolan hẽẽn cĩg viinoaak, nẽ ũlũk araan hirriaman nẽ ada ꞌlook ꞌcĩ ammaccĩ viino nẽ ẽttẽẽd lobelĩ ꞌcĩ behiitto. Nĩngĩtĩ ũũnnĩkĩ mana cĩnnĩ ho kattiook nẽ ũũk hẽẽrõna.

ꞌLuuka 13:6

Ma ho, uduhaak Yeesu ĩhõõggõ ĩĩnnĩk, “Baa aaĩ ẽẽtĩ umwaa ꞌcĩ aꞌnyak ꞌmũũnĩc manatõõ cĩnnĩ ĩcĩ viinoo. Ma kõr umwa, ũũk ĩcĩn aĩ horoong oho ibbiira. Ammũdoothĩk hinnia nga hõddõngõt buúk.

Yõaannẽ 1:17

Baa aaꞌnyĩk Nyekuci eet nyattal cĩnnĩ, eetaa ꞌcĩ haĩ Mũũꞌtha, nẽ ikia bũnnai hĩ thõõth ꞌcĩ ĩĩn dĩdĩ hĩ Yeesu Krĩstõ.

Yõaannẽ 1:9

Lanyit ꞌcĩ ĩĩn dĩdĩ, ꞌcĩ aku aara hĩ eet vẽlẽk ko, aku hĩ eet loota nĩnga.

Yõaannẽ 15:2

Eꞌngeddeek nẽẽ taba ꞌcĩg uwwatan ẽllaa caannĩ tuu nẽ ũkũman taba ꞌcĩg õddõngõt, hátĩ hoddongotit jurrung.

Yõaannẽ 6:32

Nĩngĩtĩ annẽẽkĩ Yeesu ĩhõõggõ, “Haduhaakuung dĩdĩ, baa hõllõngaa Mũũꞌtha ꞌcĩ aaꞌnyuung ngagiit ũbũnẽẽt ꞌcĩg au hẽẽtahujjieen ko, baa Baaba ꞌcĩ aaꞌnyuung ngagiit ũbũnẽẽt ꞌcĩg ĩĩn dĩdĩ, ꞌcĩg au hẽẽtahujjieen ko.

Yõaannẽ 6:55

Hĩnĩngĩtĩ ĩĩn ẽlẽ caannĩ ꞌgẽẽn dĩdĩ nẽ ĩĩtõ biyyieeta cĩgannĩg biyyi ꞌcĩg ahũdĩ dĩdĩ.

ꞌRooma 11:17

Aattiyyu niig eeta ꞌcĩg hõllõngaa ĩĩgĩnnu ꞌJudeei hĩ tabana cĩg hẽẽt cĩ oliv cĩ moru, ꞌcĩg baag adũũppanoothĩk hõdẽĩ hĩ taba ꞌcĩg oliv ꞌcĩ atiboolanni thõng. Irigiꞌthu niig nĩngĩtĩ taba baag eꞌngeddoothĩk tuu. Nẽ hĩnĩngĩtĩ thõõth icci, iita othollu niig ꞌgẽẽn ꞌcĩ abũnnaa ꞌcĩ aku cõrrẽẽnĩĩ cĩg hẽẽt cĩ oliv cĩ Nyekuci.

1 Korinthia 3:9

Hĩnĩngĩtĩ hĩĩgĩnna naag dticcianniook cĩg Nyekuci, iiginnu niig mana hĩ ꞌCieeth cĩ Nyekuci.

1 Yõaannẽ 2:8

Nẽẽthĩ, ĩĩn tilooinit ꞌcĩ ĩĩn ngeju dĩdĩ, nẽ agayyu niig thõõth cĩnnĩ ꞌcĩ ĩĩn dĩdĩ haau hĩcĩ aga Krĩstõ. Occa icittu niig ẽlẽk ngaatĩ aꞌnginõõꞌthĩ muguuri nẽ ũttũhũlõõ lanyit ꞌcĩ ĩĩn dĩdĩ ẽlẽk.