Yõaannẽ 14:2 - ꞌBuuk cĩ Thõõth cĩ Nyekuci

² Mẽẽlĩg ꞌcieethi õlõõ cĩ Baaba nẽ hõkõ hatĩ hakũmaneekuung naa ngagiit nĩngĩtĩ au aattiyyu. Má baa hiittiõõ hõllõngaa ĩĩn dĩdĩ, occa ꞌyioko hõllõngaa haduhaakuung thõõth icci.

Yõaannẽ 14:2 ပူးပေါင်းရင်းမြစ်များ

ꞌLuuka 14:22

“Ma baa õbõda dticciannioohiti ho, ikia uduhaak makayyioohit ĩĩnnĩk, ‘Makayyioohit, hĩdĩmana hĩaa aduha niina, nẽẽthĩ, nga maka nĩngĩtĩ ꞌcĩ occa aattiyyi eeta ũgẽẽgĩ.’

Yõaannẽ 13:33

“Lõhõlĩ cĩgannĩg, harũmĩ hatĩ naag hĩ ngagiit ꞌthaa ꞌcĩ abadtẽc haaga. Adiimmaangu hatĩ niig nganĩĩta, hĩ baa haduhaahi naa eet cĩg ꞌJudeei, nẽẽthĩ ꞌyioko, haduhaakuung ngagiit buúk. Ĩĩcĩ hõkõõĩ naa ho, hõllõngaa occa auunnu niig buúk.

Yõaannẽ 13:36

Ma nĩngaata, ijin ꞌThimõõnẽ Pẽẽtũrũ Yeesu ĩĩnnĩk, “Õkõ hatĩ nii ĩĩna Makayyioohit?” Ẽdẽcĩ Yeesu anneek, “Hõllõngaa occa akuu nii ĩĩcĩ hõkõõĩ naa ꞌyioko ho, anũaannaa hatĩ uruta.”

Yõaannẽ 14:28

“Baa ĩthĩktaangu niig nganĩĩt ngaatĩ haĩnnĩ, ‘Hõkõ naa ĩĩmwaanĩ nẽ hatĩ hõbõda tarĩ hĩ ngagiita.’ Má ammĩnannaangu niig nganĩĩt dĩdĩ, accamanoothiku hatĩ ngaatĩ hõbõdõõꞌthĩ naa hĩ Baaba, hĩnĩngĩtĩ maka nẽẽ hĩ nganĩĩta.

Yõaannẽ 16:4

Haduhaakuung ꞌyioko naa ngagiit thõõth icci, hátĩ ma ikia kõrra niccia, ammuhooꞌthu hatĩ thõõth baa hiloottuung naa ngagiita.

Yõaannẽ 17:24

“Baaba, hadiimi naa eet vẽlẽk baag aaꞌnyaa nii hũrũmteea hĩ nganĩĩt ngaatĩ haayyi naana, hátĩ hĩcĩnĩt nẽẽg bulẽẽnĩt caannĩ, bulẽẽnĩt baa aaꞌnyaa nii nganĩĩta, hĩnĩngĩtĩ ammĩnannaa nii nganĩĩt baa nga heteheꞌnyiaa lõõcĩ.

Dtiicanĩ cĩg ꞌThooyyiahu 9:16

Nganĩĩt hatĩ ꞌcĩ heterꞌtheehi ĩnõõnnõ ꞌgõõl ꞌcĩ accananiini, hĩnĩngĩtĩ ꞌthaar cĩgannĩg.”

2 Korinthia 5:1

Aattĩg eleeti cĩggaac hĩ tuggẽẽta ꞌcĩg haattiyyi naag loota nĩnga. Nẽ má irribattĩ tuggẽẽta cieegi, haga naag haĩ aaꞌnyeet hatĩ ngagĩĩt Nyekuci hõdẽĩ hõdẽĩ nĩngĩtĩ ꞌcĩ haattiyyi. Ĩĩn hatĩ olooyyioha cieeg ꞌcĩg hõllõngaa ẽhẽnyta ẽẽtĩ ꞌcĩ holli õõ. Aattĩg olooyyioha cieeg hẽẽtahujjieen nẽ aalla hatĩ ooo.

1 Tẽꞌthaloonika 5:9

Baa hõllõngaa ẽbẽranneet ngagĩĩt Nyekuci hatĩ huukeet lĩĩlĩẽẽttaa cĩnnĩ, baa adiim nẽẽ hiita hummuddia naag eliinit hĩ Makayyioohit cĩnaac Yeesu Krĩstõ.

Tiito 1:2

ĩĩn ciee lemiinit hĩ ꞌgẽẽnyĩth ꞌcĩ aaĩ muhẽẽttaa ꞌcĩ abũnnaa ĩĩcĩ rũgẽt ꞌcĩ aalla ooo, baa aduha Nyekuci baangaani. Aitiõõ Nyekuci hõllõngaa õõlõngĩ.

Ebereei 11:10

Baa adĩman Abũrahamĩ hoti, hĩnĩngĩtĩ baa ẽrẽ nẽẽ ꞌtaaũn cobbi ꞌcĩ aalla ooo, baa ammuha Nyekuci nẽ ẽtẽhẽnya.

Ebereei 13:14

Hĩnĩngĩtĩ aitiõõ lõõcĩ ciee hõllõngaa ĩĩn õlõ cĩnaac ꞌcĩ aalla ũdũt, nga hẽrẽ naag õlõ ꞌcĩ nga aayyiaa.

Ebereei 6:20

Utuwaneekeet Yeesu ngagĩĩt ĩĩca ẽlẽk. Ikia ĩĩ nẽẽ Paadĩr cĩnaac cobbi ꞌcĩ aalla ũdũt hĩ baa Melkithẽdẽhĩ.

Ebereei 9:8

Nẽ ꞌgõõlaa cĩ, ẽtẽrꞌtha Lorii ꞌcĩ Ẽllẽẽmĩth aĩ, aitiõõ ẽẽtĩ ꞌcĩ occa aduhun Nĩngĩtĩ Aꞌngirannii ꞌcĩ Ẽllẽẽmĩth Gẽrrẽẽt ko, nga abĩlĩ ꞌCieeth cĩ Nyekuci tõõ.

Terethiinit 1:5

Aꞌnyĩĩk Yeesu Krĩstõ ꞌcĩ aduhaakeet thõõth ꞌcĩ ĩĩn dĩdĩ cĩ Maacõnĩ, haaꞌnyuung ngagiit ĩĩtõ tarbalĩg nẽ aꞌnyaktu authet ꞌcĩ aattiyyu lõꞌngõõc. Baa Yeesu ꞌcĩ atiman ngaatĩ arũgnaanĩ daahĩtha nẽ aggam habuẽẽt vẽlẽk cĩg looc nicci. Ammĩnanneet Yeesu Krĩstõ ngagĩĩt nẽ õõgaeet ꞌthẽccanẽẽtĩĩ, biyyiẽẽtĩĩ cĩgĩnnĩg.

Terethiinit 21:2

Ma ho, hudtuuha ꞌtaaũn ꞌcĩ ẽllẽẽmĩth, ꞌJeruꞌthalẽm ꞌcĩ ĩĩn ngeju, ngaatĩ alluuccianĩ hĩ Nyekuc hẽẽtahujjieen, haau hĩ bũhẽẽcĩ ꞌcĩ ahimti hẽllẽẽm ꞌcĩ aꞌngiddiaak maac.

Terethiinit 3:12

Nẽ ẽẽtĩ ꞌcĩ ũtũbũr thõõth cĩ ꞌThĩttaanõ ũdũt, haaꞌnyihi hatĩ naa ĩnõõnnõ hĩĩ miirik cĩ ꞌCieeth cĩ Nyekuc caannĩ nẽ iittiõõ hõllõngaa aduhun battaala tarĩ ũdũt. Heheedihi hatĩ naa ꞌthaar cĩg Nyekuc caannĩ eleetinii cĩggĩĩng, ĩĩn hatĩ nẽẽg eet cĩg ꞌtaaũn cobbi cĩ Nyekuc caannĩ, ĩnõõ ꞌJeruꞌthalẽmĩ ꞌcĩ ĩĩn ngeju ꞌcĩ hatĩ ĩꞌthõõa Nyekuci caannĩ hẽẽtahujjieen hikia loota nẽ hatĩ heteheedĩha naa ꞌthaar cĩgannĩg buúk eleetinii cĩggĩĩng.

Terethiinit 3:21

“Ẽẽtĩ ꞌcĩ ĩllõõan thõõth cĩ ꞌThĩttaanõ, haattiyyia hatĩ hĩ nganĩĩt dtaabawaa caannĩ hõdẽĩ, hĩ baa hĩllõõani naa ꞌThĩttaan nẽ hõõt haautta hĩ Baaba dtaabawaa cĩnnĩ.