Yõaannẽ 13:5 - ꞌBuuk cĩ Thõõth cĩ Nyekuci

⁵ Ma nĩngaata, ĩcĩĩdĩk maam hẽddẽẽma nẽ iꞌthianaaĩ ũtũũny ꞌthoo cĩg nuyyiook cĩgĩnnĩg nẽ upuppuucan bithkiiraa nĩĩcĩ.

Yõaannẽ 13:5 ပူးပေါင်းရင်းမြစ်များ

ꞌThianaattõ 18:4

Aꞌnyĩĩk nõõ haꞌnyaktaahuung eeta maam ꞌcĩg acũũrannu ꞌthoo nẽ iyyiomattu hẽẽta urutaa cĩ.

ꞌThianaattõ 19:2

nẽ othoothĩk ĩhõõggõ ĩĩnnĩk, “Makayyiook cĩgannĩg, iita baaĩ nuun hõõt õlõõ caannĩ, hátĩ hĩdĩmanaahuung ꞌgẽẽn ꞌcĩ abadtẽc. Õõt nuun ucuurria ꞌthoo nẽ atagguuꞌthu nẽ nuun hatĩ ĩcĩttu ꞌgõõl ꞌcĩ ooyyu lohotha.” Ẽdẽcĩ aajĩlẽẽta niccieeg ĩnõõnnõ anneek, “Aitiõõ, hooginna hatĩ naag battaala nga gõõng iyyiomanĩ eeta hata.”

ꞌThianaattõ 43:24

Ma ho, ũũhĩ dticciannioohiti nicciee ĩhõõggõ ꞌcieetõõ cĩ Yothebo, nĩngĩtĩ aaꞌnyĩkĩ maam ꞌcĩg ũũnyanĩ ꞌthoo nẽ tarĩ aꞌnyaktaak thigirẽẽt cĩggĩĩng buúk arteenit.

ꞌLuuka 7:38

nẽ ikia ũũk ĩbĩl ĩĩcĩ bahuc cĩnnĩ. Ma ho, utulu ĩꞌthõng hĩdtĩlattoothĩk tilaalõ ꞌthoo cĩg Yeesu nẽ upuppuucan ĩmanĩĩ cĩgĩnnĩg nẽ ũcũũcũ ꞌthoo cĩgĩnnĩg nẽ udduuttik ngõõrrõ.

ꞌLuuka 7:44

Nĩngĩtĩ ũũkõthõõthĩkĩ ngaa nicci nẽ ĩĩnnĩk ꞌThimõõnẽ, “Adtuuha nii ngaa icci? Nganĩngĩtĩ haduknaanĩ naa õlõ cunni ho, nga aꞌnyaa maam ꞌcĩg hacũũranĩĩ ꞌthoo. Nẽẽthĩ, ũtũũny ngaa ciee ꞌthoo cĩgannĩg tilaalõnĩ nẽ upuppuucan ĩmaa cĩgĩnnĩg.

Yõaannẽ 13:10

Ẽdẽcĩ Yeesu anneek, “Tẽlla ẽlẽ vẽlẽk cĩ eet ꞌcĩ ĩrraanĩ, adiim nẽẽ atĩllaha ꞌthoo diooni. Iiginnu niig vẽlẽk tẽllĩg, nẽẽthĩ hinnia, eet hõdẽẽthõng dioo ꞌcĩ ĩĩn ꞌriiring.”

Yõaannẽ 13:6

Ma baa õdõlan Yeesu ꞌThimõõnẽ Pẽẽtũrũ, ikia ijin Pẽẽtũrũ Yeesu ĩĩnnĩk, “Makayyioohit, atabi uunyi ꞌthoo cĩgannĩg?”

Yõaannẽ 13:8

Ẽdẽcĩ Pẽẽtũrũ Yeesu anneek, “Hõllõngaa occa uunyi nii ꞌthoo cĩgannĩg ũdũt!” Ẽdẽcĩ Yeesu anneek, “Má hõllõngaa huuꞌnyii naa nganiita, ĩko thĩ hõllõngaa ĩĩnĩ eet caannĩ.”

Yõaannẽ 19:34

Baa hinnia acuhan ũũrũtaacĩ umwaa Yeesu dĩlaawa habanyit hetterria biyyieeta nẽ irikta maama nĩĩcĩ noho.

Dtiicanĩ cĩg ꞌThooyyiahu 22:16

Nẽẽthĩ, ne ꞌyioko ꞌcĩ nga ẽrẽ nii ho? Tĩnga ꞌgaam baattithimo nẽ utuunyu ꞌthẽccanẽẽt cugunnig nẽ alau Makayyioohit.’

1 Korinthia 6:11

Baa gõõng aattiyyu niig ũgẽẽgĩ nohota. Nẽẽthĩ ꞌyioko, utuunytuung ngagiit ꞌthaara cĩg Makayyioohit cĩnaac Yeesu Krĩstõ, hĩ ꞌtirrian cĩ Lori cĩ Nyekuci haanytuung ĩĩtõ tẽllĩg nẽ elemuung Nyekuci.

Eevvetho 5:26

Baa aaꞌnyĩk Krĩstõ lemmiook helleemito ngaatĩ ũũnyĩ ĩhõõggõ maamĩ, ꞌtirriaanaa cĩ thõõth cĩ Nyekuci.

1 Timotteeo 5:10

Abũnnaa agayyi nẽẽ gẽrrẽẽt ngaatĩ adticanĩ thooꞌthiok ꞌcĩg abũnnaa, ꞌcĩg aattĩg hĩ ꞌcĩg iroktaanĩ lõhõlĩ cĩgĩnnĩg jurrung, hĩ ngaatĩ akũmanẽẽkĩ hẽẽrõn õlõõ cĩnnĩ, akũmaneek eet cĩg Nyekuci õlõõ cĩnnĩ jurrung, ẽẽl pĩĩrnattiaak nẽ ĩrrĩcana ngaatĩ adticanĩ thooꞌthiok vẽlẽk ꞌcĩg abũnnaa.

Ebereei 10:22

hõõt muumaa cĩ Nyekuci ꞌthinneetinii ꞌcĩg ĩĩn dĩdĩ ĩcĩg hẽlẽmmĩ ĩnõõnnõ. Hĩnĩngĩtĩ ũtũũnyĩ muhẽẽnĩtĩ cĩ ꞌthinneeti cĩggaac cĩg ꞌthẽccaanak, biyyiẽẽtĩĩ cĩg Krĩstõ, haanyteet ngagĩĩt hĩĩtõ tẽllĩg nẽ ũtũũnytĩ eleeti cĩggaac buúk maamĩĩ ꞌcĩg tẽllĩg.

1 Yõaannẽ 1:7

Má haattĩg naag lanyita hĩcĩ aaĩ Nyekuci, hõthõl naag rũgẽt hĩ ꞌgoonogeet thõng. Nẽ ũtũũnyĩtõ biyyieeta cĩg Yeesu ꞌthẽccanẽẽt cĩggaac vẽlẽk.

1 Yõaannẽ 5:6

Baa ẽrrẽnna maama hĩ biyyi habanytaa cĩ Yeesu Krĩstõ. Hõllõngaa maam diooni baa biyyi tõõ. Lori ꞌcĩ Ẽllẽẽmĩth ꞌcĩ aduha thõõth icci ho, hĩnĩngĩtĩ aduha nẽẽ thõõth ꞌcĩ ĩĩn dĩdĩ.

Terethiinit 1:5

Aꞌnyĩĩk Yeesu Krĩstõ ꞌcĩ aduhaakeet thõõth ꞌcĩ ĩĩn dĩdĩ cĩ Maacõnĩ, haaꞌnyuung ngagiit ĩĩtõ tarbalĩg nẽ aꞌnyaktu authet ꞌcĩ aattiyyu lõꞌngõõc. Baa Yeesu ꞌcĩ atiman ngaatĩ arũgnaanĩ daahĩtha nẽ aggam habuẽẽt vẽlẽk cĩg looc nicci. Ammĩnanneet Yeesu Krĩstõ ngagĩĩt nẽ õõgaeet ꞌthẽccanẽẽtĩĩ, biyyiẽẽtĩĩ cĩgĩnnĩg.

Terethiinit 7:14

Nẽ hẽdẽca hĩĩnnĩha, “Aga niina.” Nĩngĩtĩ aduhaaka anneeka nẽẽ, “Eet baag ẽmmẽẽthĩ ꞌcannan baa obbi gẽrrẽẽt niccieegi. Ĩtĩllahit nẽẽg ceremwa cĩggĩĩng biyyiẽẽtĩĩ cĩg Mĩꞌnyõõnak.