Yõaannẽ 13:4 - ꞌBuuk cĩ Thõõth cĩ Nyekuci

⁴ Nĩngĩtĩ ĩꞌngaannĩ Yeesu ngaatĩ duhẽẽttõ ho nẽ aara cẽrẽm cĩ lokoru nẽ ecebeek bithkiir nyẽrẽngĩrẽẽngaa cĩnnĩ.

Yõaannẽ 13:4 ပူးပေါင်းရင်းမြစ်များ

ꞌLuuka 12:37

Abũnnaa hatĩ dticcianniooha ꞌcĩg ma aku makayyioohiti cĩnĩĩng, ammũdeek acĩnĩ. Haduhaakuung dĩdĩ, aku hatĩ akũmanoothĩk makayyioohiti nẽ aaꞌnyĩk dticcianniook cĩgĩnnĩg haauto loota nẽ aaꞌnyĩk ꞌgẽẽn hudukto hĩ ĩnõõnnõ hõdẽĩ.

ꞌLuuka 17:7

Ma ho, ijin Yeesu ꞌthooyyiak cĩggĩĩng ĩĩnnĩk, “ꞌYioko hĩĩ ꞌcĩ aꞌnyahĩ ẽẽtĩ umwaa hõrggẽẽnaa cunuung dticciannioohit ꞌcĩ akannĩ manatõõ, hode ꞌcĩ ũũha hẽlẽggĩ, ĩcca occa anneek ĩnõõnnõ hatĩ õbõda, ‘Deccia ijjia hudukto?’

ꞌLuuka 17:8

Ĩcca occa nõõ hõllõngaa anneek, ‘Kũmaneeka nõõ ꞌgẽẽn nẽ ẽrẽẽõ nga haduhi, nẽẽthĩ hatĩ ikia uduho niina?’

ꞌLuuka 22:27

Occa ꞌyioko eet ꞌcĩ aaĩ tẽrẽmẽẽjawa ꞌcĩ maka, hode eet ꞌcĩ adticanoothĩk ꞌgõõnõgĩ? Occa hõllõngaa eet ꞌcĩ aaĩ tẽrẽmẽẽjawa? Nẽẽthĩ, haaĩ naa hĩ ngagiit hĩ ẽẽtĩ ꞌcĩ adticanoothĩk ꞌgõõnõgĩ.

Yõaannẽ 13:12

Ma baa ũtũũny Yeesu nuyyiook cĩgĩnnĩg ẽlẽk, ikia itihim cẽrẽm cĩnnĩ nẽ ikia aau loota tarĩ. Ma ho, ijin nẽẽ nuyyiook cĩgĩnnĩg ĩĩnnĩk, “ꞌYioko agayyu niig thõõth ꞌcĩ hadĩmani naa ho?”

2 Korinthia 8:9

Agayyu niig bũnnai cĩ Makayyioohit cĩnaac Yeesu Krĩstõ, ngaatĩ ũũnnĩkĩ baliinit cĩnnĩ hẽẽtahujjieen nẽ ikia ĩĩ hullahaac, hátĩ habalithuung ngagiita.

1 Yõaannẽ 3:11

Nyeemuut baa athiknu niig baa ĩĩcĩ oou cieeni. Adiim hammĩnanõõ naaga.