Yõaannẽ 13:34 - ꞌBuuk cĩ Thõõth cĩ Nyekuci

³⁴ “Nẽ haaꞌnyuung naa ngagiit tilooinit ꞌcĩ ĩĩn ngeju, ĩmmĩnanit eleeti cugguung hĩ baa hammĩnannuung naa ngagiita.

Yõaannẽ 13:34 ပူးပေါင်းရင်းမြစ်များ

Maatteeo 5:44

Nẽẽthĩ, haduhaakuung hanneekuung, ĩmmĩnanit mĩrõk cugguung nẽ alayyiooyyu eet ꞌcĩg adĩmannuung ngagiit ꞌbuth.

Yõaannẽ 15:17

Nẽ thõõth ꞌcĩ haduhaakuung naa cieeni. Ĩmmĩnanit eleeti cugguung.”

Yõaannẽ 17:21

Baaba, hadiimi naa lemmiook vẽlẽk hũrũmtĩ hõdẽĩ, hĩcĩ harũmĩ naag hĩ nganĩĩta. Hadiimi naa ĩhõõggõ buúk haauto hõdẽĩ hĩ ngagĩĩta. Hatĩ helemit eeta cĩg looc nicci ngaatĩ ĩꞌthõõannaa nii nganĩĩta.

ꞌRooma 12:10

Ĩmmĩnanit ꞌgoonogu haauto hĩ ꞌgotoonogu hĩ ngoonogu nẽ ubuluꞌthu ĩhõõggõ hĩllõõanit eleeti cugguung.

ꞌRooma 13:10

Hõllõngaa adĩman mĩnnani eet ꞌcĩ haarõõ ꞌbuth. Nẽẽthĩ hoti ho, adtican mĩnnanĩ thooꞌthiok vẽlẽk ꞌcĩg adiim nyattalĩ.

ꞌRooma 13:8

Aanytĩk mĩnnan hĩĩ dtiic cunuung! Má ammĩnannu niig ꞌgoonogu, ĩdĩmattu niig ꞌgii vẽlẽk ꞌcĩ adiim nyattalĩ.

ꞌGalaaꞌthia 5:22

Nẽẽthĩ, aaꞌnyeet Lorii ꞌcĩ Ẽllẽẽmĩth hĩmmĩnattõ, haccamattoothĩk, haaut lõꞌngõõc, haꞌnyahit ꞌthinneeti ꞌcĩg makatĩg, hĩĩtõ tarbalĩg, hũbũttaath, huꞌthuutti lemiinit,

ꞌGalaaꞌthia 5:6

Aitiõõ Yeesu Krĩstõ hõllõngaa aꞌnyak thõõth umwa hĩ eet ꞌcĩ ẽttẽẽdĩ ẽlẽ, hode nga hẽttẽẽdĩ ẽlẽ. Aaddi lemiiniti dioo ꞌcĩ hammĩnanõõnĩ naaga.

ꞌGalaaꞌthia 6:10

Nẽẽthĩ, hĩdĩmanit eet vẽlẽk jurrung, hatĩ hummuddia ꞌrõtĩ ꞌcĩ hadĩmanĩ ĩhõõggõ jurrung, ettebehini hatĩ ĩĩn nẽẽg eet ꞌcĩg ẽlẽmĩ Makayyioohit Yeesu.

ꞌGalaaꞌthia 6:2

Eellio nyaagwaana hatĩ adĩddĩngĩĩ thooꞌthioha nẽ ꞌgõõlaa cĩ, adĩmannu thooꞌthiok ꞌcĩg õthõõth nyattalĩ cĩ Yeesu Krĩstõ.

Eevvetho 5:2

nẽ ĩmmĩnattoou hĩ baa ammĩnanneet Krĩstõ ngagĩĩt nẽ ẽlẽmana ẽlẽ cĩnnĩ hĩĩ ꞌgaarrieenit ꞌcĩ õꞌngõlĩ ẽmmẽdĩ, ꞌcĩ abũnnaa ꞌcĩ aaꞌnyĩhoothĩk Nyekuc.

Kolooꞌthe 1:4

Baa hĩthĩkta naag ngaatĩ elemmu niig Yeesu Krĩstõ nẽ ĩmmĩnattu eet vẽlẽk cĩg Nyekuci,

1 Tẽꞌthaloonika 3:12

Aꞌnyĩĩk nuun Makayyioohit, hĩttõõr mĩnnan hõrggẽẽnaa cunuung, hĩ cĩ eet vẽlẽk hĩtĩlĩth hĩĩ maka gẽrrẽẽt, haau hĩcĩ hammĩnannuung naag ngagiita.

2 Tẽꞌthaloonika 1:3

ꞌGotoonoga hĩ ngoonoga, hẽbẽaneeka naag hõdõõkõthĩ ngaatĩ hanneeka Nyekuc ĩlaallẽ, hĩnĩngĩtĩ ngagiita. Hĩnĩngĩtĩ alĩthĩ lemiiniti cunuung ꞌcĩ elemmu Nyekuc hĩ mĩnnan ꞌcĩ ammĩnannu niig ꞌgoonogu hõdõõkõthĩ.

Ebereei 13:1

Aallattia ĩmmĩnanit ꞌgoonoggu haauto hĩ ꞌgotoonogu hĩ ngoonogu.

ꞌJeemith 2:8

Má aꞌthuunnu niig nyattal ꞌcĩ aaddi ꞌcĩ eheeddi ꞌBuuhaa cĩ Nyekuci ꞌcĩ aĩ, “Mĩnnan eet ꞌcĩ aaronnu haau hĩcĩ ammĩnannu eleeti cugguung,” occa thĩ adĩmannu thõõth ꞌcĩ aũlanĩ.

1 Pẽẽtũrũ 1:22

Baa ũtũũnytau niig ꞌthẽccanẽẽt cugguung baa elemmu thõõth ꞌcĩ ĩĩn dĩdĩ, nẽẽthĩ ꞌyioko, ammĩnanoonnu niig dĩdĩ. Nẽ adiim aallattia ĩmmĩnanit eleeti cugguung ꞌthinneetini dĩdĩ.

2 Pẽẽtũrũ 1:7

nẽ ittoorrihu ꞌgõõl ꞌcĩ haaꞌnyĩkĩ Nyekuc haccamanoothĩk ꞌgõõl ꞌcĩ hĩĩgĩnnĩ tarbalĩg hĩ ꞌgotoonogeet hĩ ngoonogeet, nẽ ittoorrihu tarbalꞌthẽẽt hĩ ꞌgotoonogeet hĩ ngoonogeet mĩnnan cĩ eet vẽlẽk.

1 Yõaannẽ 3:11

Nyeemuut baa athiknu niig baa ĩĩcĩ oou cieeni. Adiim hammĩnanõõ naaga.

1 Yõaannẽ 3:23

Adiimmeet Nyekuci ngagĩĩt helemit Ngeerĩnĩ Yeesu Krĩstõ nẽ hĩmmĩnanit eleeti cĩggaac. Thõõth baa ilootĩkeet Nyekuci ngagĩĩt hĩdĩmanit cieeni.

1 Yõaannẽ 4:21

Nẽ aaꞌnyeet nẽẽ ngagĩĩt tilooinit icci. Eeta ꞌcĩg ammĩnan Nyekuc, aꞌnyĩĩk hĩmmĩnanit ꞌgõtõõnõgĩ hĩ ngõõnõgĩ.

2 Yõaannẽ 1:5

Nẽẽthĩ ꞌyioko, ꞌgoonoga cĩgannĩg, hõllõngaa hẽhẽẽdakuung naa tilooinit ꞌcĩ ĩĩn ngeju, hẽhẽẽdakuung thõõth baa hillimaneehuung baa ĩĩcĩ oou ẽlẽk.