Yõaannẽ 13:3 - ꞌBuuk cĩ Thõõth cĩ Nyekuci

³ Baa aga Yeesu ngaatĩ akuuni nẽẽ hĩ Nyekuc Maaꞌnyĩ nẽ obodoothi hatĩ hĩ ĩnõõnnõ. Aga tarĩ aĩ, baa aaꞌnyĩk Maaꞌnyia ĩnõõnnõ makaaꞌthĩt vẽlẽk.

Yõaannẽ 13:3 ပူးပေါင်းရင်းမြစ်များ

Maatteeo 11:27

“Baa aaꞌnya nganĩĩt Baaba hẽlẽggĩ vẽlẽk. Aitiõõ ẽẽtĩ ꞌcĩ aga Ngeerĩnĩ tõõ, Maaꞌnyĩ dioo ꞌcĩ aga nẽ aitiõõ ẽẽtĩ ꞌcĩ aga Maaꞌnyĩ tõõ, Ngeerĩnĩ dioo ꞌcĩ aga, hĩ eet baag ẽbẽra Ngeerĩnĩ, hátĩ hagaacõ nẽẽg buúk ĩnõõnnõ.

Maatteeo 28:18

Ma nĩngaata, ikia uppwaannak Yeesu ĩhõõggõ nẽ ĩĩnnĩk, “Baa aaꞌnyĩhoothĩhaa nganĩĩt makaaꞌthĩt cĩ hẽẽtkujjieen hĩ cĩ lootu vẽlẽk.

ꞌLuuka 10:22

“Baa aaꞌnya nganĩĩt Baaba caannĩ hẽlẽggĩ vẽlẽk. Aitiõõ ẽẽtĩ ꞌcĩ aga Ngeerĩnĩ tõõ, Maaꞌnyĩ dioo ꞌcĩ aga. Nẽ tarĩ, aitiõõ ẽẽtĩ ꞌcĩ aga Maaꞌnyĩ tõõ, Ngeerĩnĩ dioo hĩ eet ꞌcĩg ẽbẽra Ngeerĩnẽẽnĩ ꞌcĩg aga ĩnõõnnõ.”

Yõaannẽ 1:18

Nga hĩcĩn eet umwaa Nyekuc, Ngeerĩnĩ ꞌcĩ odoyyii dioo, ꞌcĩ ĩĩn Nyekuc dĩdĩ nẽ õbõhõõ hĩ Maaꞌnyĩ ꞌcĩ etereꞌtheet ngagĩĩt hagaac Nyekuc.

Yõaannẽ 13:1

Ma õõa cĩ Karrama cĩ Kõr cĩ Haangittõõ, baa aga Yeesu ngaatĩ ũttũbanõõthĩhĩ kõrra ꞌcĩ occa ũũnnĩkĩ nẽẽ looc nicci nẽ õbõdõõthĩ hĩ Maaꞌnyĩ. Baa ammĩnan nẽẽ nuyyiook cĩgĩnnĩg ꞌcĩg aattĩg loota nĩnga gẽrrẽẽt, ĩꞌthõng hadaak nẽẽnĩ.

Yõaannẽ 17:2

Hĩnĩngĩtĩ baa aaꞌnyĩhuu nii ĩnõõnnõ makaaꞌthĩt ꞌcĩ aggamĩ eet vẽlẽk, hátĩ haaꞌnyĩk rũgẽt ꞌcĩ aalla ũdũt, eet baag aaꞌnyihi nii ĩnõõnnõ.

Yõaannẽ 3:13

Nga hõdõlan ẽẽtĩ umwaa õlõ cĩ Nyekuci hẽẽtahujjieen, nganĩĩt dioo Ngeertĩ Eeto, ꞌcĩ baa halluuccia hakuu loota nĩnga, ꞌcĩ hõdõlana õlõ cĩ Nyekuci.

Yõaannẽ 3:35

“Ammĩnan Maaꞌnyia Ngeerĩnĩ nẽ aaꞌnyĩk ĩnõõnnõ ꞌgii vẽlẽk.

Yõaannẽ 7:29

Nẽẽthĩ, haga naa eet ꞌcĩ ĩꞌthõõannaa nganĩĩt ko, hĩnĩngĩtĩ hakuu naa hĩ ĩnõõnnõ.”

Yõaannẽ 7:33

Ma ho, uduhaak Yeesu ĩhõõggõ ĩĩnnĩk, “Nga harũmĩ naag hĩ ngagiit hĩdĩhĩdĩĩc nẽ thĩ hatĩ hobodootha hĩ Eet baa ĩꞌthõõannaa nganĩĩta.

Yõaannẽ 8:14

Ẽdẽcĩ Yeesu anneek, “Tananga hothoothi thõõth cĩ ẽlẽ caannĩ ẽmmẽn, hothoothi thõõth ꞌcĩ ĩĩn dĩdĩ. Hĩnĩngĩtĩ haga naa nĩngĩtĩ baa hakuuni nẽ hagawa ꞌgõõl ꞌcĩ hõkõõĩ. Nẽẽthĩ, aitiõõ hõllõngaa agayyu niig nĩngĩtĩ hakuuni hĩ nĩngĩtĩ hõkõõĩ naa ho.

Yõaannẽ 8:42

Nĩngĩtĩ annẽẽkĩ Yeesu eet cĩg ꞌJudeei, “Má baa hĩĩ Nyekuci Maaꞌnyu cunuung, occa ꞌyioko ammĩnannaangu nganĩĩta, hĩnĩngĩtĩ baa hakuu naa hĩ ĩnõõnnõ nẽ ꞌyioko nganĩĩt cieeni. Baa hõllõngaa hakuu naa ẽmmẽn, baa ĩꞌthõõannaa nẽẽnĩ.

Dtiicanĩ cĩg ꞌThooyyiahu 2:36

“Nẽẽthĩ, aanytĩk hagaacõ eeta cĩg Ĩꞌthĩraẽlĩ vẽlẽk ngaatĩ aaꞌnyĩkĩ Nyekuci Yeesu baa odooddiku niig hurucceea, hĩĩ Makayyioohit nẽ ĩĩ Krĩstõ.”

1 Korinthia 15:27

Hĩnĩngĩtĩ aduha ꞌBuuhi cĩ Nyekuci aĩ, “Baa aaꞌnyĩhoothĩk ĩnõõnnõ ꞌtirriani ꞌcĩ aggamĩ hẽlẽggĩ vẽlẽk.” Nẽẽthĩ ꞌyioko, má aĩ thõõth ciee, aggam hatĩ nẽẽ “hẽlẽggĩ vẽlẽk,” makaaꞌthĩtaa cĩnnĩ, nĩngĩtĩ aĩ, hõllõngaa arũmoothĩk Nyekuci ꞌcĩ aarĩk hẽlẽggĩ vẽlẽk makaaꞌthĩtaa cĩnnĩ.

Ebereei 1:2

Nẽ ꞌyioko waathinnioohĩĩ ꞌcĩg adtuurna ho, ikia othoothĩheet Nyekuci ngagĩĩt ꞌthaarĩĩ cĩg Ngeerĩnĩ baa ẽhẽnytaanĩ nẽẽ looc, baa ẽbẽra Nyekuci ĩnõõnnõ hikia hirigith hẽlẽggĩ vẽlẽk baag ẽhẽnyta nẽẽnĩ.