Yõaannẽ 13:10 - ꞌBuuk cĩ Thõõth cĩ Nyekuci

¹⁰ Ẽdẽcĩ Yeesu anneek, “Tẽlla ẽlẽ vẽlẽk cĩ eet ꞌcĩ ĩrraanĩ, adiim nẽẽ atĩllaha ꞌthoo diooni. Iiginnu niig vẽlẽk tẽllĩg, nẽẽthĩ hinnia, eet hõdẽẽthõng dioo ꞌcĩ ĩĩn ꞌriiring.”

Yõaannẽ 13:10 ပူးပေါင်းရင်းမြစ်များ

Maatteeo 6:12

Tamaatĩheet ngagĩĩt, hĩnĩngĩtĩ ꞌthẽccanẽẽt cĩggaang, hĩcĩ hammaannĩka naag eet ꞌcĩg adĩmanneet ngagĩĩt ꞌbuth.

Yõaannẽ 13:18

“Hõllõngaa hothooꞌthuung naa ngagiit vẽlẽk, haga naa eet baag hẽbẽra naana. Nẽẽthĩ, baa aku thõõth ciee, hátĩ hedeeꞌnyia thõõth cĩ ꞌBuuk cĩ Nyekuci hĩĩ dĩdĩ baa aĩ, ‘Ũtũhũoothĩhaa ẽẽtĩ ꞌcĩ hõthõlla hĩ nganĩĩt ũbũnĩ hẽddẽẽma hõdẽẽthõng ĩdĩmanaa ꞌbuth!’

Yõaannẽ 13:9

Ẽdẽcĩ ꞌThimõõnẽ Pẽẽtũrũ aĩ, “Makayyioohit! Ma hũũꞌnyaa ꞌthoo diooni, tũũnyaa athĩn hĩ õõ buúk.”

Yõaannẽ 15:3

Iittu niig tẽllĩg ẽlẽk, hĩnĩngĩtĩ thõõth aa huduhaahuung naa ngagiita.

2 Korinthia 5:17

Nẽẽthĩ, má ikia ẽlẽm ẽẽtĩ umwaa Krĩstõ, ikia ũtũhũĩ rũgẽtĩ cĩnnĩ ĩĩ ngeju. Ataarõthĩ nẽẽ thooꞌthiok cĩg rũgẽt cĩnnĩ baa ꞌrẽẽnĩ. Nẽ ammanyanĩ rũgẽtĩ baa ꞌrẽẽnẽẽnĩ nẽ ikia ꞌcĩ ĩĩn ngeju!

2 Korinthia 5:21

Tananga baa hõllõngaa ĩĩn Krĩstõ ꞌthẽccannioohit, baa aaꞌnyĩk Nyekuci ĩnõõnnõ hĩĩ ꞌgaarrieenit, hĩnĩngĩtĩ ꞌthẽccanẽẽt cĩggaac, hátĩ hũbũttaath naag nẽ elemeet Nyekuci.

2 Korinthia 7:1

ꞌGotoonoga hĩ ngoonoga, hĩcĩ haꞌnyahit naag thooꞌthiok ꞌcĩg tiirik ꞌcĩg aduha Nyekuci ho, haaut ꞌrẽẽna hẽlẽggẽẽnnĩ vẽlẽk ĩcĩg occa aaꞌnyĩk eleeti hĩ loriẽẽt cĩggaac hĩĩtõ ꞌriiring. Hadiim hĩĩgĩn eet ꞌcĩg abũnnaa nẽ haꞌnyahit authet ꞌcĩ hiꞌngoliini Nyekuc.

1 Tẽꞌthaloonika 5:23

Aꞌnyĩĩk Nyekuc cĩ ganõõnõ ꞌcĩ aaꞌnyeet ngagĩĩt vẽlẽk haaut lõꞌngõõc, haaꞌnyuung hĩĩtõ tẽllĩg loriẽẽta cugguung hĩ eleeti cugguung thooꞌthiohĩ vẽlẽk nẽ aaꞌnyuung ngagiit vẽlẽk aaut hiꞌthihi ꞌthẽccan umwa ũdũt, ĩꞌthõng hõbõda Makayyioohiti cĩnaac Yeesu Krĩstõ.

Ebereei 9:10

Ĩĩn nyattalliooha cieeg ꞌgõõl ꞌcĩ adahĩ eeta ꞌgeenniok hĩ cĩg ahũdẽẽnĩ hĩ tũũnyẽnĩt cĩ eleetinu haaga. Nẽ nyattalĩ cĩ tũũnyẽnĩt cĩ eleetinu, adticanni hatĩ hĩdĩhĩdĩĩc haaga, ĩꞌthõng hikia hẽgẽẽran nyattalĩ ꞌcĩ ĩĩn ngeju.

ꞌJeemith 3:2

Nẽ dĩdĩ, hẽꞌthẽcattõõ naag vẽlẽk thooꞌthiohĩĩ ꞌcĩg mẽẽlĩg. Hĩnĩngĩtĩ, ꞌyioko huꞌthuutti naag utugeeti cĩggaac, occa habũnnaa gẽrrẽẽt nẽ occa haꞌthũũnnĩ eleeti cĩggaac ꞌgoolliohĩĩ ũgẽẽgĩ buúk.