Yõaannẽ 13:1 - ꞌBuuk cĩ Thõõth cĩ Nyekuci

¹ Ma õõa cĩ Karrama cĩ Kõr cĩ Haangittõõ, baa aga Yeesu ngaatĩ ũttũbanõõthĩhĩ kõrra ꞌcĩ occa ũũnnĩkĩ nẽẽ looc nicci nẽ õbõdõõthĩ hĩ Maaꞌnyĩ. Baa ammĩnan nẽẽ nuyyiook cĩgĩnnĩg ꞌcĩg aattĩg loota nĩnga gẽrrẽẽt, ĩꞌthõng hadaak nẽẽnĩ.

Yõaannẽ 13:1 ပူးပေါင်းရင်းမြစ်များ

Maatteeo 26:45

Ma ho, ikia õbõda Yeesu ũmmũdeek nuyyiook cĩgĩnnĩg ko tarĩ nẽ ĩĩnnĩk ĩhõõggõ, “Nga ooginnu noho? Ĩcĩnĩt nõõ, õbõhĩ ꞌthaa ꞌcĩ hatĩ õhõppõõcanõõthĩkĩ Ngeertĩ Eeto eet ꞌcĩg ĩĩn ꞌthẽccanniook.

Maatteeo 28:20

õõt illimanit ĩhõõggõ jurrung hĩthĩhĩt thõõth vẽlẽk baa hallimaneekuung naa ngagiita. Nẽ dĩdĩ, harũmĩ hatĩ gõõng naag hĩ ngagiit hõdõõkõthĩ ĩꞌthõng kõr cĩ decciaanĩt cĩ lootu.”

ꞌLuuka 22:53

Ma gõõng harũmĩ naag hĩ ngagiit hõdõõkõthĩ halangatõõ cĩ ꞌCieeth cĩ Nyekuci nẽ hiꞌthihi eet ꞌcĩ ahumma buúk. Nẽẽthĩ, ĩĩ hatĩ kõr cunuung ciee ꞌcĩ aggamĩ muguuri looc ko?”

ꞌLuuka 9:51

Ma baa õbõhĩ kõrra ꞌcĩ odongiini Yeesu õkõõĩ hẽẽtahujjieen, ikia ĩrĩnyanoothĩk nẽẽ ngaatĩ õkõõĩ ꞌJeruꞌthalẽma.

Yõaannẽ 11:55

Ma baa õbõhĩ Kõrra cĩ Haangittõõ cĩ ꞌJudeei, iita õõt ũtũũnyĩtõ eeta ꞌcĩg mẽẽlĩg ꞌcĩg au olooyyiohĩ ꞌJeruꞌthalẽma, eleeti cĩggĩĩng nyattallioohĩĩ cĩggĩĩng, hũkũmattoothĩk nga hõdõlan Kõrra cĩ Haangittõõ.

Yõaannẽ 12:23

Nĩngĩtĩ ẽdẽcĩ Yeesu ĩhõõggõ annẽẽkĩ, “Õdõlan kõrra ꞌcĩ occa edeeꞌnyianĩ bulẽẽnĩtĩ cĩ Ngeertĩ Eeto.

Yõaannẽ 13:29

Hĩcĩ baa ĩĩn ꞌJuuda bekioohit cĩ ꞌrabbeetu, ammuk hinnia ũgẽẽgĩ aĩ, aduhaak oho Yeesu ꞌJuuda, hũũk hũtũũwa ꞌgẽẽn cĩ Karramaaõ, hode haaꞌnyĩk pĩĩrnattiaak ꞌrabbẽẽt ũgĩ.

Yõaannẽ 13:3

Baa aga Yeesu ngaatĩ akuuni nẽẽ hĩ Nyekuc Maaꞌnyĩ nẽ obodoothi hatĩ hĩ ĩnõõnnõ. Aga tarĩ aĩ, baa aaꞌnyĩk Maaꞌnyia ĩnõõnnõ makaaꞌthĩt vẽlẽk.

Yõaannẽ 13:34

“Nẽ haaꞌnyuung naa ngagiit tilooinit ꞌcĩ ĩĩn ngeju, ĩmmĩnanit eleeti cugguung hĩ baa hammĩnannuung naa ngagiita.

Yõaannẽ 14:28

“Baa ĩthĩktaangu niig nganĩĩt ngaatĩ haĩnnĩ, ‘Hõkõ naa ĩĩmwaanĩ nẽ hatĩ hõbõda tarĩ hĩ ngagiita.’ Má ammĩnannaangu niig nganĩĩt dĩdĩ, accamanoothiku hatĩ ngaatĩ hõbõdõõꞌthĩ naa hĩ Baaba, hĩnĩngĩtĩ maka nẽẽ hĩ nganĩĩta.

Yõaannẽ 14:31

Nẽẽthĩ, abũnnaa aga eeta cĩg looc nicci ngaatĩ hammĩnanĩĩ naa Baaba, nẽ hĩdĩmana thõõth ꞌcĩ aduhaaka nẽẽ nganĩĩt dĩdĩ. Hiita hõõtõ.”

Yõaannẽ 16:28

Baa hakuu naa hĩ Baaba hikia looccaa nĩĩcĩ nẽ ꞌyioko hũtũngeeha naa looc nicci, hobodootha hĩ Baaba.”

Yõaannẽ 17:1

Ma baa ẽdẽcaak Yeesu thõõth ꞌcĩ aduhaak nuyyiook cĩgĩnnĩg ko, ikia ĩcĩnõõthĩ hẽẽtkujjieen nẽ alaõ ĩĩ, “Baaba, õdõlan kõrra ꞌcĩ abulꞌthĩ nii Ngeeruni, hátĩ hubuluthii Ngeeruni nganiit buúk.

Yõaannẽ 17:16

Aitiõõ nẽẽg hõllõngaa ĩĩn eet cĩg looc nicci, hĩcĩ hõllõngaa hĩĩnĩ naa eet cĩ looc nicci ho.

Yõaannẽ 17:26

Haaꞌnyĩha naa ĩhõõggõ hagayyi nganiita nẽ aalla hatĩ haaꞌnyihi ĩhõõggõ hagayyi nganiit, hátĩ haau mĩnnanĩ ꞌcĩ aꞌnyaheekaa nii nganĩĩt hĩ ĩhõõggõ nẽ hátĩ haau naa buúk hĩ ĩhõõggõ.”

Yõaannẽ 17:5

Nẽẽthĩ ꞌyioko Baaba, buluthaa nganĩĩt muumaa cunni bulẽẽttaa baa haꞌnyak naag hĩ nganiit, baa nga heteheꞌnyiaa lõõcĩ.

Yõaannẽ 18:4

Baa aga Yeesu thõõth ꞌcĩ hatĩ õkõ edeeꞌnyiak ĩnõõnnõ, nĩngĩtĩ ajini ĩhõõggõ annẽẽkĩ, “Nganĩ ꞌcĩ adiimmu niig ko?”

Yõaannẽ 19:28

Ma baa urutaa ꞌcĩ agaĩ Yeesu ngaatĩ ẽdẽcaahĩ dtiic vẽlẽk, hátĩ hikia thõõth baa eheeddi ꞌBuuhaa cĩ Nyekuci hĩĩ dĩdĩ, ikia õthõõth nẽẽ ĩĩ, “Aamma kõrra.”

Yõaannẽ 2:13

Ma baa õbõhĩ Kõrra cĩ Haangittõõ, ikia ũũk Yeesu ĩĩcĩ ꞌJeruꞌthalẽmĩ.

Yõaannẽ 6:4

Hĩnĩngĩtĩ baa õbõhĩ Kõrra cĩ Haangittõõ cĩ eet cĩg ꞌJudeei.

Yõaannẽ 7:30

Ma nĩngaata, atabit aggamit makayyiooha Yeesu, nẽẽthĩ hinnia, baa hiꞌthihi eet ꞌcĩ ahumeek ĩnõõnnõ aꞌthiit, hĩnĩngĩtĩ baa nga hũttũbanoothĩk kõrra cĩnnẽẽnĩ.

Yõaannẽ 7:6

Nĩngĩtĩ ẽdẽcĩ Yeesu ĩhõõggõ annẽẽkĩ, “Nga hũttũbanoothĩk nganĩĩt kõrra caannẽẽnĩ. Abũnnaa hĩ ngagiit korriooha vẽlẽk.

Yõaannẽ 8:20

Baa õthõõth Yeesu thooꞌthiok iccig baa alliman eet halaangatõõ cĩ ꞌCieeth cĩ Nyekuci, ngaatĩ õbõhõõ hĩ nĩngĩtĩ iyyangꞌthĩ eeta ꞌbaaninit. Nẽẽthĩ, baa aitiõõ ẽẽtĩ ꞌcĩ aggam ĩnõõnnõ tõõ, hĩnĩngĩtĩ baa nga hõdõlan kõrra cĩnnẽẽnĩ.

ꞌRooma 8:37

Hẽlẽggẽẽnnĩĩ cĩg vẽlẽk, hĩllõõanito naag, hĩnĩngĩtĩ Krĩstõ ꞌcĩ ammĩnanneet ngagĩĩta.

1 Korinthia 1:8

Aaꞌnyuung hatĩ nẽẽ ngagiit ittiranit ĩꞌthõng kõr ꞌcĩ hatĩ õbõdaanĩ nẽẽnĩ, hátĩ ĩmmĩrĩt niig kõrraa cĩ Makayyioohit cĩnaac Yeesu Krĩstõ.

Ebereei 3:14

Hĩnĩngĩtĩ má haꞌthũũnnĩ naag thõõth cĩ Nyekuci ĩꞌthõng hadaahit, haau hĩ baa hẽlẽmĩ ĩĩcĩ oou, hõthõl hatĩ hẽlẽggĩ vẽlẽk cĩg Krĩstõ hõdẽĩ.

Ebereei 3:6

Nẽẽthĩ, ĩĩn Krĩstõ Ngeertĩ Nyekuci ꞌcĩ aggam eet cĩg Nyekuci. Nẽ hĩĩgĩn naag eet tĩko, hatĩ haalla haꞌthĩlan nẽ huꞌthuutti muhẽẽnĩt ꞌcĩ abũnnaa.

Ebereei 6:11

Hadiimmuung naag ngagiit hõdẽĩ hõdẽĩ eellio nyaagwaana ooo ĩꞌthõng decciaanĩt cĩ lootu, hátĩ hikia muhẽẽnĩtĩ cunuung ꞌcĩ ammuku Nyekuc, hĩĩ dĩdĩ.

1 Pẽẽtũrũ 1:13

Aaut dĩkĩĩm nẽ aanytĩk muhẽẽnĩt cunuung hũũlan. Aarrik muhẽẽnĩt cunuung ꞌcĩ abũnnaa vẽlẽk ꞌgõõlaa ꞌcĩ hatĩ ĩĩnnĩ Nyekuci tarbal hĩ ngagiit hatĩ uppwaanna Yeesu Krĩstõ.

1 Yõaannẽ 4:19

Hammĩnanõõ naag, hĩnĩngĩtĩ baa itiman Nyekuci ngaatĩ ammĩnanneet ngagĩĩt baa ĩĩcĩ oou.

Terethiinit 1:5

Aꞌnyĩĩk Yeesu Krĩstõ ꞌcĩ aduhaakeet thõõth ꞌcĩ ĩĩn dĩdĩ cĩ Maacõnĩ, haaꞌnyuung ngagiit ĩĩtõ tarbalĩg nẽ aꞌnyaktu authet ꞌcĩ aattiyyu lõꞌngõõc. Baa Yeesu ꞌcĩ atiman ngaatĩ arũgnaanĩ daahĩtha nẽ aggam habuẽẽt vẽlẽk cĩg looc nicci. Ammĩnanneet Yeesu Krĩstõ ngagĩĩt nẽ õõgaeet ꞌthẽccanẽẽtĩĩ, biyyiẽẽtĩĩ cĩgĩnnĩg.