Yõaannẽ 12:2 - ꞌBuuk cĩ Thõõth cĩ Nyekuci

² Ma nĩngaata, ikia aaꞌnyĩhoothĩk ꞌgẽẽn Yeesu bulẽẽttaa baa arũgthaanĩ nẽẽ Laaꞌtharõ. Baa Maarta ꞌcĩ ẽꞌngẽr ꞌgẽẽn baa aauto eeta vẽlẽk loota hĩ Laaꞌtharõ.

Yõaannẽ 12:2 ပူးပေါင်းရင်းမြစ်များ

Maatteeo 26:6

Ma baa nga aaĩ Yeesu ꞌtaaũnaa cĩ Bẽthani, õlõõ cĩ eet umwa ꞌcĩ baa adak helleggeri hũnũũk ꞌcĩ haĩ ꞌThimõõnẽ,

Maarko 14:3

Ma baa nga aaĩ Yeesu Bẽthani õlõõ cĩ eet ꞌcĩ haĩ ꞌThimõõnẽ ꞌcĩ baa adak helleggeri, ikia uppwaannak ngaa umwaa ĩhõõggõ nyapperita baa nga aduhi nẽẽgĩ. Baa aꞌnyaha ngaa tĩho ꞌgiimwa ꞌcĩ aaĩ hĩ deeri ꞌcĩ hidicẽẽnĩ ꞌcĩ aarĩkĩ ngõõrrõ ꞌcĩ aꞌnyak muyuuk ꞌcĩ õꞌngõlĩ ẽmmẽdĩ, ꞌcĩ uuttiaa ꞌrabbẽẽtĩĩ ꞌcĩg mẽẽlĩg gẽrrẽẽt. Ma ho, ubbuuk ngaa tĩho deeri nẽ udduutik ngõõrrõ nicci õõaa cĩ Yeesu.

ꞌLuuka 12:37

Abũnnaa hatĩ dticcianniooha ꞌcĩg ma aku makayyioohiti cĩnĩĩng, ammũdeek acĩnĩ. Haduhaakuung dĩdĩ, aku hatĩ akũmanoothĩk makayyioohiti nẽ aaꞌnyĩk dticcianniook cĩgĩnnĩg haauto loota nẽ aaꞌnyĩk ꞌgẽẽn hudukto hĩ ĩnõõnnõ hõdẽĩ.

ꞌLuuka 14:12

Nĩngĩtĩ annẽẽkĩ Yeesu baattĩ olu, “Ma aꞌnyahi hatĩ gõõng ꞌgẽẽn õlõõ cunni, ma havva ꞌgoonogu hode ꞌgotoonogu hode ittioonniok, hode balliook ꞌcĩg arũmeennu. Má avva ĩhõõggõ, horoong hatĩ au avvaanni nẽẽg buúk nganiit horumwa nẽ ũdũmanit ꞌgẽẽn baa aaꞌnyihi nii ĩhõõggõ ho.

ꞌLuuka 22:27

Occa ꞌyioko eet ꞌcĩ aaĩ tẽrẽmẽẽjawa ꞌcĩ maka, hode eet ꞌcĩ adticanoothĩk ꞌgõõnõgĩ? Occa hõllõngaa eet ꞌcĩ aaĩ tẽrẽmẽẽjawa? Nẽẽthĩ, haaĩ naa hĩ ngagiit hĩ ẽẽtĩ ꞌcĩ adticanoothĩk ꞌgõõnõgĩ.

ꞌLuuka 5:29

Nẽ baa ũũk aarĩhĩ ꞌLeevi Yeesu karrama cobbi gẽrrẽẽt õlõõ cĩnnĩ. Nĩngĩtĩ õõ aduhẽẽnĩ eeta ꞌcĩg alũt occoro hĩ eet ũgĩ buúk hĩ ĩhõõggõ.

Terethiinit 3:20

Nẽ ĩthĩktaangu nganĩĩt jurrung ciee habili hattũũgaa cunuung nẽ huruha, má ĩthĩk eet umwaa molook caannĩ nẽ ubbuuk hattũũg, hadukna hatĩ nẽ hiita huduktooa hõdẽĩ hĩ ĩnõõnnõ.