Yõaannẽ 12:1 - ꞌBuuk cĩ Thõõth cĩ Nyekuci

¹ Ma waathinnioohĩĩ ꞌcĩg ĩĩn tõrkõnõn õõa cĩ Kõr cĩ Haangittõõ, ikia ũũk Yeesu ĩĩcĩ õlõ cĩ Bẽthani, nga baa aaꞌnyĩkĩ nẽẽ Laaꞌtharõ hũrũga daahĩtha.

Yõaannẽ 12:1 ပူးပေါင်းရင်းမြစ်များ

Maatteeo 21:17

Nĩngĩtĩ ũũnnĩkĩ Yeesu ꞌtaaũn nẽ ũũk ĩĩcĩ õlõ cĩ Bẽthani, ngaatĩ baa õkõ oongiyyi.

Maarko 11:11

Ma baa õdõlan Yeesu ꞌJeruꞌthalẽm, ũũk uduhun nẽẽ ꞌCieeth cĩ Nyekuci nẽ atarraaban looc hĩcĩn hẽlẽggĩ vẽlẽk. Ma baa utub lõõcĩ, õõt nẽẽg hĩ ꞌthooyyiak cĩgĩnnĩg ĩĩcĩ Bẽthani.

ꞌLuuka 24:50

Ma baa ũũhĩ Yeesu nuyyiook vẽlẽk Bẽthani, õdõng athĩn cĩgĩnnĩg nẽ aggatan ĩhõõggõ.

ꞌLuuka 7:37

Ma baa athĩhĩ ngaa umwaa ꞌcĩ baa gõõng ĩĩn ꞌthẽccannioohit ꞌtaaũnaa tĩho aĩ, aduhi Yeesu ꞌcieethaa cĩ Variꞌtheetto nĩngaata ho, aꞌnyaha ngõõrrõ cĩ udẽẽttõ ꞌcĩ aꞌnyak muyuuk ꞌcĩ ẽmmẽdĩ gẽrrẽẽt deera,

Yõaannẽ 11:1

Baa aaĩ eet umwaa ꞌcĩ õmmõõrĩ ꞌcĩ haĩ Laaꞌtharõ õlõõ ꞌcĩ haĩ Bẽthani, arũmĩ hĩ ngõõnõgĩ ꞌramma, haĩ umwa Maria nẽ hĩĩtõ umwa Maarta.

Yõaannẽ 11:43

Ma baa uduha Yeesu thõõth icci ẽlẽk, ikia ũtũvvõ nẽẽ moloohaa cobbi ĩĩ, “Laaꞌtharõ, duhuna battaala!”

Yõaannẽ 11:44

Nĩngĩtĩ aduknaanĩ ẽẽtĩ baa adaak ẽlẽk ko battaala. Baa ecebbi athĩna cĩgĩnnĩg hĩ ꞌthoo ceremwaanĩĩ ꞌcĩg gõõng amũmmũũraniini daakiaha. Baa aaĩ cẽrẽm umwaa ꞌcĩ ammũt muum cĩnnĩ buúk. Nĩngĩtĩ annẽẽkĩ Yeesu eet, “Oogtĩk ĩnõõnnõ ꞌgõõl hũũk.”

Yõaannẽ 11:55

Ma baa õbõhĩ Kõrra cĩ Haangittõõ cĩ ꞌJudeei, iita õõt ũtũũnyĩtõ eeta ꞌcĩg mẽẽlĩg ꞌcĩg au olooyyiohĩ ꞌJeruꞌthalẽma, eleeti cĩggĩĩng nyattallioohĩĩ cĩggĩĩng, hũkũmattoothĩk nga hõdõlan Kõrra cĩ Haangittõõ.

Yõaannẽ 12:12

Ma loohoth cĩnnĩ, ikia ĩthĩk lothippiti cobbi gẽrrẽẽt ꞌcĩ baa aku Karramaawa aĩ, ovvooyyia Yeesu ꞌgõõla, aku aduhun ꞌJeruꞌthalẽm.

Yõaannẽ 12:20

Baa aattĩg eeta ũgẽẽgĩ ꞌcĩg ĩĩn ꞌGirik eetinii ꞌcĩg baag õõ alayyi Karramaawa ꞌJeruꞌthalẽma.

Yõaannẽ 12:9

Ma baa ĩthĩhĩt eeta cĩg ꞌJudeei vẽlẽk aĩ õdõlan Yeesu, iita uluttia nẽẽg hiita hĩcĩnĩt Yeesu hĩ Laaꞌtharõ baa arũgtha nẽẽ daahĩtha buúk.