Yõaannẽ 11:52 - ꞌBuuk cĩ Thõõth cĩ Nyekuci

⁵² Nẽẽthĩ nẽẽꞌthẽk, hõllõngaa occa adaahĩ Yeesu, hĩnĩngĩtĩ eet cĩg ꞌJudeei diooni, baa adaahĩ nẽẽ, hĩnĩngĩtĩ eet cĩg Nyekuci ꞌcĩg ĩꞌthanothoothĩk looc nicci vẽlẽk, hátĩ hũlũta nẽẽ ĩhõõggõ vẽlẽk ngaatĩ hõdẽẽthõng.

Yõaannẽ 11:52 ပူးပေါင်းရင်းမြစ်များ

ꞌThianaattõ 49:10

Aitiõõ hatĩ ẽẽtĩ ꞌcĩ occa aggama makaaꞌthĩt cĩ ꞌJuuda tõõ, hode nẽẽ hĩbahĩt cĩnnĩ cĩ makaaꞌthĩtõõ haaga, ĩꞌthõng hikia baattĩ hĩbahĩtõ, nẽ elemit loonyini vẽlẽk thõõth cĩnnĩ.

ꞌLuuka 15:8

Nĩngĩtĩ aduhaakĩ Yeesu ĩhõõggõ tarĩ annẽẽkĩ, “Ma haꞌnyak ngaa umwaa ꞌrabbẽẽt ꞌcĩg kũtũrĩg õmmõtõ nẽ iꞌnginõõthĩ hõdẽẽthõng, occa õgõõn nẽẽ hutuno? Hõllõngaa occa attũlleek ꞌgwoo nẽ itiwiila ꞌcieeth nẽ atarraaban ĩꞌthõng hũmmũda?

ꞌLuuka 2:32

Ĩĩn nẽẽ lanyit ꞌcĩ eterꞌtheek loonyin vẽlẽk thõõth cunni, nẽ aꞌnyahaak hatĩ eet cugunnig Ĩꞌthĩraẽl bulẽẽnĩt.”

Yõaannẽ 1:12

Baa nẽẽꞌthẽk aattĩg eeta ũgẽẽgĩ ꞌcĩg ẽlẽmĩ ĩnõõnnõ nẽ ĩthĩhĩt thõõth cĩnnĩ, nĩngĩtĩ aaꞌnyĩkĩ nẽẽ ĩhõõggõ hiita hĩĩtõ lõhõlĩ cĩg Nyekuci.

Yõaannẽ 1:29

Ma loohoth cĩnnĩ, udtuuha Yõaannẽ Yeesu ngaatĩ akuuni hĩ ĩnõõnnõ, nĩngĩtĩ õthõõthĩ Yõaannẽ aĩnnĩ, “Ĩcĩnĩt Mĩꞌnyõõn cĩ Nyekuci ꞌcĩ attik ꞌthẽccanẽẽt cĩg eetuk!

Yõaannẽ 10:16

Haꞌnyahi naa aꞌtha ũgĩ ꞌcĩg nga aitiõõ logguuratõõ cĩ tõõ. Hadiimi hatĩ halũta ĩhõõggõ buúk hiita logguuratõõ cĩ. Athĩhĩ hatĩ nẽẽg molook caannĩ, ĩĩn hatĩ nyalõmaar hõdẽẽthõng nẽ ĩĩ tũhayyioohiti hõdẽẽthõng.

Yõaannẽ 12:32

Nẽẽthĩ, má hõdõngĩ naa hẽẽtahujjieen, halũta hatĩ eet vẽlẽk hiita hĩ nganĩĩta.”

Dtiicanĩ cĩg ꞌThooyyiahu 18:10

Hĩnĩngĩtĩ haaĩ naa hĩ nganiita nẽ aitiõõ ẽẽtĩ ꞌcĩ uuki nganiit tõõ. Mẽẽlĩg eeta cĩgannĩg ꞌtaaũnaa cĩ gẽrrẽẽt.”

ꞌRooma 3:29

Ĩĩn Nyekuci Nyekuc cĩ ꞌJudeei diooni? Hõllõngaa ĩĩn nẽẽ Nyekuc cĩ eet ꞌcĩg hõllõngaa ĩĩn ꞌJudeei buúk? Eei, ĩĩn nẽẽ Nyekuc cĩ eet ꞌcĩg hõllõngaa ĩĩn ꞌJudeei buúk!

ꞌRooma 4:17

Hĩcĩ eheeddi ꞌBuuhaa cĩ Nyekuci aĩ nẽẽ, “Haaꞌnyii naa nganiit ĩĩnu maaꞌnyĩ loonyin ꞌcĩg mẽẽlĩg.” Ĩĩn nẽẽ baangeet cĩnaac muumaa cĩ Nyekuci, baa ẽlẽmĩ nẽẽ aĩ, aaꞌnyĩk rũgẽt daakiak nẽ ẽtẽhẽnya hẽlẽggĩ ꞌcĩg ĩĩn ngeju.

Eevvetho 1:5

ikia ẽbẽraeet nẽẽ ngagĩĩt baa hũnũũk nẽ aareet hĩĩtõ lõhõlĩ cĩgĩnnĩg, hĩnĩngĩtĩ Yeesu Krĩstõ.

Eevvetho 3:11

Baa muhẽẽnĩt cĩ Nyekuci ciee baa nga hẽtẽhẽnya nẽẽ looc. Nẽ baa ũũlũ Nyekuci ngaatĩ ẽdẽcaakĩ dtiic baa ammuk nẽẽ, hĩnĩngĩtĩ hẽlẽggĩ vẽlẽk baag adĩman Yeesu Krĩstõ Makayyioohiti cĩnaac.

ꞌJeemith 1:1

Waraga ꞌcĩ aku hĩ ꞌJeemith, dticciannioohit cĩ Nyekuci hĩ cĩ Makayyioohit cĩnaac Yeesu Krĩstõ cieeni. Hehedihi naa waraga icci habuccieeꞌnya ꞌcĩg ĩĩn õmmõtõ hĩ ꞌramma cĩg eet cĩg ꞌJudeei ꞌcĩg ĩĩn lemmiook ꞌcĩg ĩꞌthanothoothĩk loonyin vẽlẽk.

1 Pẽẽtũrũ 1:1

Waraga ꞌcĩ aku hĩ nganĩĩt Pẽẽtũrũ ꞌthooyyiahit cĩ Yeesu Krĩstõ cieeni. Heheedihi naa waraga icci eet ꞌcĩg ẽbẽra Nyekuci ꞌcĩg aattĩg hĩ tahana loonyinii cĩg Pontu hĩ ꞌGalaaꞌthia hĩ Kapadooccia hĩ Aaꞌthia hĩ Bithinia.

1 Yõaannẽ 2:2

Ĩĩn Krĩstõ ꞌgaarrieenit ꞌcĩ attik ꞌthẽccanẽẽt cĩggaac battaala. Nẽẽthĩ, hõllõngaa attik ꞌthẽccanẽẽt cĩggaac diooni, attik ꞌthẽccanẽẽt cĩg eet cĩg lootu vẽlẽk.

1 Yõaannẽ 3:1

Ĩcĩnĩt nõõ ngaatĩ ammĩnanneet Baangẽẽtĩ ngagĩĩt gẽrrẽẽt, aũũyyeet nẽẽ ngagĩĩt anneekeet lõhõlĩ cĩgĩnnĩg, nẽẽꞌthẽk hĩĩgĩn naag lõhõlĩ cĩgĩnnĩg dĩdĩ! Nẽẽthĩ, aitiõõ eeta cĩg looc nicci hõllõngaa aga ngaatĩ hĩĩgĩnnĩ naag lõhõlĩ cĩg Nyekuci, hĩnĩngĩtĩ hõllõngaa aga nẽẽg ĩnõõnnõ.

1 Yõaannẽ 3:10

ꞌGõõl ꞌcĩ occa hagaĩ naag lõhõlĩ cĩg Nyekuci, hĩ lõhõlĩ cĩg habu cĩ loriẽẽt ꞌcĩg abathĩ cieeni. Ẽẽtĩ ꞌcĩ hõllõngaa adĩman thooꞌthiok ꞌcĩg aũlanĩ, hõllõngaa ĩĩn loholeec cĩ Nyekuci nẽ ẽẽtĩ ꞌcĩ hõllõngaa ammĩnan ꞌgõtõnĩ, hõllõngaa ĩĩn nẽẽ buúk loholeec cĩ Nyekuci.

1 Yõaannẽ 3:2

ꞌGotoonoga hĩ ngoonoga, hĩĩtõ naag lõhõlĩ cĩg Nyekuci ẽlẽk, nẽẽthĩ hinnia, nga heteretheeheet nẽẽ ngagĩĩt ꞌgõõl ꞌcĩ hatĩ haattiyyi, hatĩ uppwaanna Krĩstõ. Nẽẽthĩ, haga naag haĩ, haattĩg hatĩ naag hĩ nẽẽnĩ, hĩnĩngĩtĩ hacĩn hatĩ naag ĩnõõnnõ dẽẽdẽ.

Terethiinit 5:9

Nẽ ebenit nẽẽg tẽgẽl ꞌcĩ ĩĩn ngeju ꞌcĩ aĩ, “Nganiit dioo ꞌcĩ occa õkõõĩ ꞌbuuk nẽ avvahanuu dilẽẽnĩt cĩnnĩ, hĩnĩngĩtĩ baa aruhi niina, iita eellia biyyieeta cugunnig eet hĩĩtõ eet cĩg Nyekuci habuccieeꞌnyanĩ hĩ utugeetinii ꞌcĩg õthõõth eeta vẽlẽk cũũmõ cũũmõ hĩ eet loonyini vẽlẽk.