Yõaannẽ 11:41 - ꞌBuuk cĩ Thõõth cĩ Nyekuci

⁴¹ Nĩngĩtĩ ẽꞌnyẽẽhĩ eeta bẽẽ. Ma ho, ĩcĩnõõthĩ Yeesu hẽẽtkujjieen nẽ alaõ ĩĩ, “Ĩlaallẽ Baaba ngaatĩ athĩkna nganĩĩta.

Yõaannẽ 11:41 ပူးပေါင်းရင်းမြစ်များ

Maatteeo 11:25

Ma kõr niccia, õthõõth Yeesu ĩĩ, “Hadihiꞌthii naa nganiit Baaba caannĩ, Makayyioohit cĩ hẽẽtkujjieen hĩ cĩ lootu, hĩnĩngĩtĩ agunyuthi nii hẽlẽggĩ iccig vẽlẽk hĩ eet ꞌcĩg ĩĩn ꞌgeeꞌnyiak, hĩ ꞌcĩg illimattĩ vẽlẽk nẽ eteretheehu lõhõlĩ ꞌcĩg kidicig.

Maatteeo 11:26

Eei Baaba, hĩnĩngĩtĩ baa ĩĩn ciee thõõth ꞌcĩ accamanaa niina.

Maatteeo 27:60

nẽ aarĩk ꞌloohaa cĩnnĩ ĩĩcĩ baa accĩtha nẽẽ lõbaraba. Nẽ ittiha bẽẽ cobbi gẽrrẽẽt ũꞌnyũũgĩ hattũũg cĩ ꞌloohu, nĩngĩtĩ õkõõĩ.

Maarko 15:46

Nĩngĩtĩ õkõ ũũtanĩ Yothebo cẽrẽm ꞌcĩ aku amũmmũũranĩ ẽlẽ cĩ Yeesu nẽ aara ĩnõõnnõ hurucceea nẽ ũmũmmũũraneek cẽrẽm, nĩngĩtĩ aarĩkĩ waanya ꞌcĩ baa adayyia biyyia. Ma ho, ũꞌnyũũg hattũũg cĩ waanyõ biyyiaa cobbi.

ꞌLuuka 10:21

Ma nĩngaata, aaꞌnyĩk Lorii ꞌcĩ Ẽllẽẽmĩth Yeesu haccamanoothĩk gẽrrẽẽt, nĩngĩtĩ õthõõthĩ Yeesu aĩnnĩ, “Hatallii naa nganiit gẽrrẽẽt Baaba, Makayyioohit cĩ hẽẽtkujjieen hĩ cĩ lootu, ngaatĩ ammiꞌthẽẽkĩ thooꞌthiok iccig eet ꞌcĩg ẽggẽẽnyĩth hĩ ꞌcĩg illimattĩ nẽ eteretheehu lõhõlĩ ꞌcĩg hidicig hĩ eet ꞌcĩg nga hillimattĩ. Ee Baaba, baa ꞌthẽk ꞌgii ꞌcĩ accamanaa nii cieeni.”

ꞌLuuka 18:13

“Baa hinnia abĩllaa luttioohiti cĩ occoro ho ꞌrẽẽna, akannĩ hẽbẽrĩ looc, hĩnĩngĩtĩ aga ngaatĩ ĩĩnĩ ꞌthẽccannioohit ꞌcĩ hõllõngaa occa ũũppan ngaatĩ acĩnõõꞌthĩ hẽẽtkujjieen. Nĩngĩtĩ ĩddaaĩ ĩyyõ nẽ alaõ ĩĩ, ‘Nyekuc, tamaatĩhaa nganĩĩt ꞌthẽccannioohit.’ ”

ꞌLuuka 24:2

Ammũdoothĩk hinnia eꞌnyeehothoothĩk bẽẽ baa aꞌnyũũgẽnĩ ꞌlook ngadiiha,

Yõaannẽ 11:22

Nẽẽthĩ nẽẽꞌthẽk ꞌyioko buúk, haga naa aaꞌnyi hatĩ Nyekuci ꞌgii vẽlẽk ꞌcĩ ajini nii hĩ ĩnõõnnõ.”

Yõaannẽ 17:1

Ma baa ẽdẽcaak Yeesu thõõth ꞌcĩ aduhaak nuyyiook cĩgĩnnĩg ko, ikia ĩcĩnõõthĩ hẽẽtkujjieen nẽ alaõ ĩĩ, “Baaba, õdõlan kõrra ꞌcĩ abulꞌthĩ nii Ngeeruni, hátĩ hubuluthii Ngeeruni nganiit buúk.

Yõaannẽ 20:1

Ma baa lomidikaawa ngerrenita, baa õbõhĩ aal lõõcĩ, ikia ũũk Maria Madalẽẽna ĩĩcĩ ꞌloohu. Ma baa õdõlan nẽẽ ꞌlook ko, ammũdõõthĩk hinnia eꞌnyeehoothĩk bẽẽ ꞌcĩ baa aꞌnyũũgẽnĩ ꞌlook ko ngadiiha.

Dtiicanĩ cĩg ꞌThooyyiahu 7:55

Nẽẽthĩ hinnia, baa aaĩ Lorii ꞌcĩ Ẽllẽẽmĩth hĩ Tẽẽvẽnõ, nĩngĩtĩ acĩnõõꞌthĩ hẽẽtkujjieen hudtuuha bulẽẽnĩt cĩ Nyekuci nẽ ĩcĩnõõthĩ Yeesu ngaatĩ abĩllĩ attiaa cobbi ĩĩcĩ Nyekuci.

Pilippi 4:6

Ma hapuppuddu, hĩnĩngĩtĩ ꞌgiimwa, alaac Nyekuc thooꞌthiok vẽlẽk. Alaac ĩnõõnnõ ꞌthinneetinii ꞌcĩg anneeku ĩlaallẽ.