Yõaannẽ 11:11 - ꞌBuuk cĩ Thõõth cĩ Nyekuci

¹¹ Ma urutaa ꞌcĩ uduhaaĩ Yeesu thõõth icci ẽlẽk, ikia õthõõth nẽẽ ĩĩ, “Oongi ꞌgõõnẽẽtĩ cĩnaac Laaꞌtharõ haaga, nẽẽthĩ, hõkõ naa hũũk hittiran ĩnõõnnõ hĩtĩnga.”

Yõaannẽ 11:11 ပူးပေါင်းရင်းမြစ်များ

Yõaannẽ 11:13

Baa õthõõth Yeesu thõõth ꞌcĩ daahĩth cĩ Laaꞌtharõ, ammuk hinnia nuyyiooha cĩgĩnnĩg aĩ, õthõõth nẽẽ ũꞌnyaak dĩdĩ.

1 Tẽꞌthaloonika 5:10

Baa adaahĩ nẽẽ, hĩnĩngĩtĩ ngagĩĩta, hátĩ hõõt hũrũmtĩ hĩ ĩnõõnnõ ũdũt, tananga nga harũgĩ hode hadaahito ẽlẽk.

1 Korinthia 15:51

Haduhaakuung hatĩ naa ngagiit thõõth ꞌcĩ ĩllõõan ꞌgẽẽnyĩth cĩ eetu ho. Aitiõõ hatĩ naag vẽlẽk hõllõngaa hadaahĩ, nẽẽthĩ, hũũkcĩ hatĩ naag vẽlẽk haaga.

Dtiicanĩ cĩg ꞌThooyyiahu 7:60

Nĩngĩtĩ akannĩ huruꞌnyia nẽ urruuo ĩĩ, “Makayyioohit, ma haaꞌnyihi ĩhõõggõ heteheelito ꞌthẽccan icci.” Baa aduha nẽẽ thõõth icci noho, nĩngĩtĩ adaaknĩ.

Maatteeo 27:52

Nĩngĩtĩ abbuuhẽnĩ ꞌlõõhĩta nẽ ũrũgta eleeti cĩg eet cĩg Nyekuci baag adaahito.

Eevvetho 5:14

hĩnĩngĩtĩ lanyit ꞌcĩ aaꞌnyĩk ꞌgii vẽlẽk hedeeꞌnyia. Ĩnõõ ꞌcĩ aĩnnĩ ꞌBuuhi cĩ Nyekuci, “Anneek uꞌnyaakiahit tĩnga, rũga daahĩtha, hátĩ haaꞌnyi Krĩstõ lanyit.”

Maarko 5:39

Nĩngĩtĩ adukni nẽẽ ꞌcieetõõ nẽ ũũk uduhaak eet ĩĩnnĩk, “Inni urruuyyio niig gẽrrẽẽt ĩꞌthõng etteeddi eleeti looc ko? Nga hadaak loholeeca, õhõda ũꞌnyaaha haaga.”

Maatteeo 9:24

nĩngĩtĩ annẽẽkĩ, “Õõt battaala, nga hadaak loholeeca, oongi nẽẽ haaga.” Baa hinnia arannĩ eeta Yeesu thõng.

ꞌJeemith 2:23

Nĩngĩtĩ aku edeeꞌnyianĩ thõõth baa aduha ꞌBuuhi cĩ Nyekuci dĩdĩ ꞌcĩ aĩ, “Baa ẽlẽmĩ Abũrahamĩ thõõth cĩ Nyekuci nẽ hĩnĩngĩtĩ thõõth icci, ikia accamana Nyekuci ĩnõõnnõ ngaatĩ ĩĩnnĩ eet ꞌcĩ abũnnaa.” ꞌGõõl ꞌcĩ baa aku ĩĩnnĩ Abũrahamĩ ꞌgõõnĩ Nyekuci ho niccia.

1 Korinthia 15:34

Udtuukta thõõth ꞌcĩ abathĩ nẽ ibillu ꞌthẽccan, hĩnĩngĩtĩ aattĩg eeta ũgẽẽgĩ hõrggẽẽnaa cunuung, ꞌcĩg nga hagaacõ thõõth cĩ Nyekuci. Haduha naa thõõth icci, hátĩ haggamuung ngagiit ngaaoni.

1 Korinthia 15:18

Nẽ eeta baag adaahito lemiittaa cĩ Krĩstõ buúk, iꞌngittõõthĩ.

Yõaannẽ 11:3

Nĩngĩtĩ ĩꞌthõõĩkĩ ngoonoggia Yeesu nyeemuut annẽẽkĩ, “Makayyioohit, õmmõõrĩ ꞌgoonu gõõng ammĩnani.”

Yõaannẽ 3:29

“Hatĩ aꞌthũwanni loholeec ꞌcĩ ngayyi nyahũũtaawa, atalĩ ꞌgoonnia ngaatĩ aayyi nĩngaata, hátĩ hĩthĩk molook cĩ nyattaraanõ. Ĩnõõ ꞌcĩ haccamanõõthĩkĩĩ naa gẽrrẽẽt ko.

Yõaannẽ 11:10

Má õvvõ ẽẽtĩ baal, aga ngaatĩ adaacanĩ ĩnõõnnõ ꞌgiimwaa hẽttẽẽd looc, hĩnĩngĩtĩ aitiõõ lanyit tõõ.”

Yõaannẽ 11:12

Ẽdẽcĩ nuyyiooha anneek, “Makayyioohit, má oongi Laaꞌtharõ thõng, occa hatĩ aku abũnnaa.”