Yõaannẽ 10:6 - ꞌBuuk cĩ Thõõth cĩ Nyekuci

⁶ Baa aduhaak Yeesu eet dtẽẽllẽn iccig awantoothĩk ko, aitiõõ hinnia hõllõngaa athĩhĩ eeta thõõth ꞌcĩ aduhaak Yeesu ĩhõõggõ ho buúk.

Yõaannẽ 10:6 ပူးပေါင်းရင်းမြစ်များ

Maatteeo 13:34

Aduhaak Yeesu lothippit thooꞌthiok iccig dtẽẽllẽnĩtõõ ꞌcĩg awantoothĩk thõng, baa othoothĩk nẽẽ eet thooꞌthiohĩĩ ꞌcĩg awantoothĩk thõng diooni.

Maatteeo 13:51

Nẽ ijin Yeesu nuyyiook cĩgĩnnĩg ĩĩnnĩk, “Ĩthĩktu niig thooꞌthiok iccig vẽlẽk?” Ẽdẽcĩ nẽẽg aĩ, “Eei, hĩthĩkta.”

Maarko 4:34

Aitiõõ nẽẽ hõllõngaa aduhaak eet thõõth haaga, aduhaak thooꞌthiohĩĩ ꞌcĩg ammiꞌthi nẽ ma aau ẽmmẽn hĩ nuyyiook cĩgĩnnĩg, ẽddẽẽbak ĩhõõggõ thõõth vẽlẽk cũrũmũũm.

Yõaannẽ 16:25

“Tananga baa hadticaniini naa thooꞌthiok ꞌcĩg awantoothĩhĩ, aku hatĩ kõrra ꞌcĩ hõllõngaa hadticaniini naa thooꞌthiok ꞌcĩg awantoothĩk ko tarĩ, nẽẽthĩ, haduhaakuung hatĩ cũrũmũũm thõõth cĩ Baaba.

Yõaannẽ 16:29

Ma ho, ĩĩtõ nuyyiooha cĩgĩnnĩg, “Uduhaaheet aattĩ thõõth cũrũmũũm nẽ iittiõõ hõllõngaa aduhaakeet thõõth thooꞌthiohĩĩ ꞌcĩg awantoothĩhĩ.

Yõaannẽ 6:52

Nĩngĩtĩ ẽppẽhanõõnĩ eeta cĩg ꞌJudeei ẽmmẽn aĩnnĩ, “Occa gõõng aaꞌnyeet ẽẽtĩ ciee ẽlẽ cĩnnĩ hadahit hutuno?”

Yõaannẽ 6:60

Ma baa athĩhĩ nuyyiooha cĩgĩnnĩg thõõth icci ho, iita othoothito ꞌcĩg mẽẽlĩg ĩĩtõ, “Õkõmĩ ꞌlimmanĩ ciee gẽrrẽẽt, nganĩ ꞌcĩ occa ẽlẽmĩ?”

Yõaannẽ 7:36

Ammuk ꞌthẽk Yeesu dẽẽdẽ neegi hĩĩ, ‘Adiimmaangu hatĩnĩ nẽ hõllõngaa ammũdaannaangu, hĩnĩngĩtĩ hõllõngaa occa ooyyu niig ngaatĩ hõkõõĩ naa ho’?”

Yõaannẽ 8:27

Baa hõllõngaa aga eeta cĩg ꞌJudeei ngaatĩ aduhaakĩ Yeesu ĩhõõggõ thõõth cĩ Maacõnĩ.

Yõaannẽ 8:43

Inni hõllõngaa athiknu niig thõõth caannĩ ho? Hĩnĩngĩtĩ hõllõngaa uullu niig ngaatĩ athiknu thõõth ꞌcĩ haduha naana?

1 Korinthia 2:14

Ẽẽtĩ ꞌcĩ hõllõngaa aꞌnyak Lori, hõllõngaa ẽlẽmĩ thooꞌthiok ꞌcĩg au hĩ Lori cĩ Nyekuci, hĩnĩngĩtĩ ĩĩn thooꞌthioha nicciag ꞌgiithẽnĩt hĩ ĩnõõnnõ nẽ hõllõngaa occa athĩhĩ nẽẽ thooꞌthiok tĩko, hĩnĩngĩtĩ athĩhĩ ĩhõõggõ Lorii diooni.

2 Pẽẽtũrũ 2:22

Aku hatĩ edeeꞌnyiak ĩhõõggõ thõõth ꞌcĩ ĩĩn dĩdĩ ꞌcĩ aĩ, “Aduk ũthũrĩ ꞌthaha cĩgĩnnĩg tarĩ.” Abubbuulaniini ꞌngõõhĩtĩ ꞌcĩ ũtũũnyĩ ẽlẽk tõrrõny.

1 Yõaannẽ 5:20

Hagaacõ naag buúk haĩ, ikia Yeesu Krĩstõ Ngeertĩ Nyekuci nẽ eteretheeheet ngagĩĩt Nyekuc ꞌcĩ ĩĩn dĩdĩ. Nẽ haattĩg naag hĩ ĩnõõnnõ ꞌcĩ ĩĩn dĩdĩ nẽ tarĩ, hũrũmtĩ hĩ Loholeec cĩnnĩ Yeesu Krĩstõ ꞌcĩ ĩĩn Nyekuc dĩdĩ nẽ aaꞌnyeet ngagĩĩt rũgẽt ꞌcĩ aalla ooo.