Yõaannẽ 10:16 - ꞌBuuk cĩ Thõõth cĩ Nyekuci

¹⁶ Haꞌnyahi naa aꞌtha ũgĩ ꞌcĩg nga aitiõõ logguuratõõ cĩ tõõ. Hadiimi hatĩ halũta ĩhõõggõ buúk hiita logguuratõõ cĩ. Athĩhĩ hatĩ nẽẽg molook caannĩ, ĩĩn hatĩ nyalõmaar hõdẽẽthõng nẽ ĩĩ tũhayyioohiti hõdẽẽthõng.

Yõaannẽ 10:16 ပူးပေါင်းရင်းမြစ်များ

ꞌThianaattõ 49:10

Aitiõõ hatĩ ẽẽtĩ ꞌcĩ occa aggama makaaꞌthĩt cĩ ꞌJuuda tõõ, hode nẽẽ hĩbahĩt cĩnnĩ cĩ makaaꞌthĩtõõ haaga, ĩꞌthõng hikia baattĩ hĩbahĩtõ, nẽ elemit loonyini vẽlẽk thõõth cĩnnĩ.

Maatteeo 17:5

Ma baa nga õthõõth nẽẽnĩ, ikia ũmmũt ĩhõõggõ diith umwaa ꞌcĩ õõppẽr nẽ õthõõtha mõlõõhĩ umwaa diithatõõ ĩĩ, “Loholeec caannĩ ꞌcĩ hamĩna cieeni, haccamanoothihi naa gẽrrẽẽt, hĩnĩngĩtĩ ĩnõõnnõ. Ĩthĩhĩt ĩnõõnnõ!”

ꞌLuuka 15:8

Nĩngĩtĩ aduhaakĩ Yeesu ĩhõõggõ tarĩ annẽẽkĩ, “Ma haꞌnyak ngaa umwaa ꞌrabbẽẽt ꞌcĩg kũtũrĩg õmmõtõ nẽ iꞌnginõõthĩ hõdẽẽthõng, occa õgõõn nẽẽ hutuno? Hõllõngaa occa attũlleek ꞌgwoo nẽ itiwiila ꞌcieeth nẽ atarraaban ĩꞌthõng hũmmũda?

Yõaannẽ 10:11

Hĩĩnĩ naa tũhayyioohit ꞌcĩ abũnnaa. Ẽlẽmana tũhayyioohiti ꞌcĩ abũnnaa, rũgẽt cĩnnĩ, hĩnĩngĩtĩ aꞌtha cĩgĩnnĩg.

Yõaannẽ 10:2

Ẽẽtĩ ꞌcĩ adukna hattũũgaa cobbi, ĩĩn tũhayyioohit cĩ aꞌthaannu.

Yõaannẽ 10:27

Athĩhĩ aꞌtha cĩgannĩg molook caannĩ nẽ hagawa naa ĩhõõggõ nẽ unuyyia nẽẽg nganĩĩta.

Yõaannẽ 10:3

Abbuuhik bekioohiti cĩ hattuugu tũhayyioohit cĩ aꞌthaannu hattũũg nẽ ĩthĩhĩt aꞌtha molook cĩnnĩ. Avvĩ tũhayyioohiti aꞌtha cĩgĩnnĩg ꞌthaarĩĩ cĩggĩĩng cũũmõ cũũmõ nẽ ĩꞌngĩdeek geyyia.

Yõaannẽ 10:4

Ma baa aꞌnyaha nẽẽ aꞌtha cĩgĩnnĩg vẽlẽk battaala, ikia utuanẽẽhĩ nẽẽ ĩhõõggõ nẽ ũnnẽẽcõ aꞌtha cĩgĩnnĩg ĩnõõnnõ uruta, hĩnĩngĩtĩ aga aꞌtha molook cĩnnĩ.

Yõaannẽ 10:5

Aitiõõ hatĩ aꞌtha hõllõngaa occa anũ eet ꞌcĩ ꞌrĩĩng, avvir hinnia hatĩ thõng, hĩnĩngĩtĩ hõllõngaa aga nẽẽg molook cĩ eet ꞌcĩ ꞌrĩĩng.”

Yõaannẽ 11:52

Nẽẽthĩ nẽẽꞌthẽk, hõllõngaa occa adaahĩ Yeesu, hĩnĩngĩtĩ eet cĩg ꞌJudeei diooni, baa adaahĩ nẽẽ, hĩnĩngĩtĩ eet cĩg Nyekuci ꞌcĩg ĩꞌthanothoothĩk looc nicci vẽlẽk, hátĩ hũlũta nẽẽ ĩhõõggõ vẽlẽk ngaatĩ hõdẽẽthõng.

Yõaannẽ 17:20

“Hõllõngaa halaiini naa nuyyiook iccig diooni. Halaiini naa eet vẽlẽk ꞌcĩg hatĩ ẽlẽmma nganĩĩt, hĩnĩngĩtĩ nyeemuut ꞌcĩ hatĩ alliman nẽẽgĩ.

Yõaannẽ 6:37

Eeta vẽlẽk ꞌcĩg aaꞌnya nganĩĩt Baaba, au hatĩ hĩ nganĩĩta nẽ ẽẽtĩ ꞌcĩ aku hĩ nganĩĩta, hõllõngaa hatĩ hiiggiaeehi tuu.

Dtiicanĩ cĩg ꞌThooyyiahu 15:14

Ẽddẽbaheet ꞌThimõõnẽ ꞌgõõl ꞌcĩ baa akuuni Nyekuci ĩĩcĩ oou hĩ eet ꞌcĩg hõllõngaa ĩĩn ꞌJudeei nẽ aaꞌnyĩk ũgĩ hĩĩtõ eet cĩgĩnnĩg.

Dtiicanĩ cĩg ꞌThooyyiahu 18:10

Hĩnĩngĩtĩ haaĩ naa hĩ nganiita nẽ aitiõõ ẽẽtĩ ꞌcĩ uuki nganiit tõõ. Mẽẽlĩg eeta cĩgannĩg ꞌtaaũnaa cĩ gẽrrẽẽt.”

Dtiicanĩ cĩg ꞌThooyyiahu 22:14

“Nĩngĩtĩ anneeka, ‘Ẽbẽraai Nyekuci cĩ hĩbaangĩ cĩggaac nganiit gaa tabiinit cĩnnĩ, hátĩ cĩĩn Eet ꞌcĩ Abũnnaa nẽ ithihu molook cĩ ũtũg cĩnnĩ.

ꞌRooma 11:25

ꞌGotoonoga hĩ ngoonoga, hõllõngaa hadiimmuung naa ngagiit eet ꞌcĩg hõllõngaa iiginnu eet cĩg ꞌJudeei ho, irriattĩ eleeti cugguung. Hẽdtẽbanaakuung hatĩ naa thõõth ꞌcĩ ammiꞌthi baa eet cĩg Ĩꞌthĩraẽlĩ. Baa iita ĩĩtõ ũgẽẽgĩ ꞌloorriak nẽ aalla hatĩ nẽẽg noho ĩꞌthõng hũllũngattaa eeta ꞌcĩg hõllõngaa ĩĩn ꞌJudeei.

2 Tẽꞌthaloonika 2:13

Nẽẽthĩ, hadiimma naag hanneeka Nyekuc hõdõõkõthĩ ĩlaallẽ ꞌgotoonoga hĩ ngoonoga, hĩnĩngĩtĩ ammĩnannuung Makayyioohiti Yeesu ngagiita nẽ ẽbẽraauung Nyekuci ngagiit dtiicaa cĩ Lori ꞌcĩ Ẽllẽẽmĩthĩ hĩ ngaatĩ elemmu thõõth ꞌcĩ ĩĩn dĩdĩ.

Ebereei 13:20

Aꞌnyĩĩk Nyekuc cĩ ganõõnõ baa arũgtha Makayyioohit cĩnaac Yeesu, ꞌcĩ ĩĩn tũhayyioohit cobbi cĩ aꞌthaannu, hikia hadak lõhõt ꞌcĩ aalla ũdũt hĩ eet cĩgĩnnĩg.

1 Pẽẽtũrũ 2:10

Baa nga ĩĩtõ niig eet cĩg Nyekuci baa ĩĩcĩ oou, nẽẽthĩ ꞌyioko, iittu eet cĩgĩnnĩg. Baa nga hatamaatihuung eet umwaa ngagiita, nẽẽthĩ ꞌyioko, ikia atamaatihuung Nyekuci ngagiita.

1 Pẽẽtũrũ 2:25

Baa arahattu niig aauttu hĩ aꞌtha ꞌcĩg iꞌngittõõthĩ thõng, nẽ ꞌyioko, oboddiaau hĩ tũhayyioohit cunuung ꞌcĩ aꞌthuunnuung ngagiita.

1 Pẽẽtũrũ 5:4

Ma õbõda Krĩstõ tũhayyioohiti ꞌcĩ ĩĩn habu, ammũdaanu hatĩ dũman cĩ bulẽẽnĩt ꞌcĩ hõllõngaa edecciaa ũdũt.

Terethiinit 3:20

Nẽ ĩthĩktaangu nganĩĩt jurrung ciee habili hattũũgaa cunuung nẽ huruha, má ĩthĩk eet umwaa molook caannĩ nẽ ubbuuk hattũũg, hadukna hatĩ nẽ hiita huduktooa hõdẽĩ hĩ ĩnõõnnõ.